تقول الناس وش رايك تشارك شاعر المليون

[فواز الغسلان]

تقول الناس وش رايـك تشـارك شاعـر المليـونمدامـك تنثـر اشعـارك تـشـادي قطـعـة الديـبـاج

وقلـت الشعـر مايمشـي علـى منهـج ولا قـانـونلانــه فــوح نيران(ن)بجـوفـي مـاشـفـاه عـــلاج

انا شعري مع همومي غدى صوره على الكربـونيوضح لك خفايـا اللـي مـن هجوسـه يجيـه سهـاج

يهيض الشعر من صـدر المعنـا واضح(ن)مـوزونولا يحتـاج مـن يضبـط مــلاوي حـرفـه المنـعـاج

ومن قاله بـلا دافـع تجـي مـن دون طعـم ولـونولا احلى من حروف اللي همومه بالضمير امـواج

واذا كان الحشى الولهان بهموم الهـوى مشحـونيصيـد القـاف مـن جنحـان طير(ن)بالعوالـي راج

وانـا لـو جيـت للميـدان شفـت اشعارنـا طاعـونواذا دارت دواليـب الحشـى تمسـي مـثـل هــداج

لانه هاض من قلب(ن)غدى وسط الملا مسجـونواذا داج بميـاديـن الـعــرب لازم يـشـيـل الـتــاج

وانا مااقول باهل القـاف مـن كـل القبايـل هـونولـكـن البـشـر كـلــه مـراتــب بالـعـمـل وادراج

اذا بان الحـرج واضـح بوجـه الشاعـر المشطـونيهيض الجـاش فـي جوهـر قوافينـا بـدون احـراج

واذا شفت الهـوى يقـدح بجوفـي جمـرة الغليـوننثر فكـري مـن اصنـاف المثايـل والقصيـد ازواج

نظمت القاف من غيظ(ن)بقلبي يشعل القولـونيثور ان طاف بـي طايـف عنود(ن)بالحـلا مغنـاج

عنود(ن)رمشهـا فاتـن وصـرت برمشهـا مفتـونسـواد عيونهـا الساحـر بخفـرات العـرب مــا داج

حلاهـا ظاهر(ن)مـن دون لا كشـخـه ولا صـابـونخـدوده مثـل بـدر النصـف لـو تظهـر بـلا مكـيـاج

سهـرت الليـل وربوعـي بسهـر العيـن مـايـدرونادوج الليل مـن هجس(ن)بمعلـوق الضمايـر هـاج

وطاني من غبون الوقت مثل اللي وطى سعدونطيوف الزين تسـري لـي بليلـي لا غفـى الهلبـاج

وتـرى غسـان مـابـات الليـالـي مثلـنـا مطـعـونولا تنقـاس مـع رجل(ن)رقـد ليلـه بـدون ازعـاج

ولا يفهـم معانيهـا سـوى اللـي خافـقـه مـرهـونومن عاش الفرح صعب(ن)يحلل زفـرة المهتـاج

وانا كيف اتبع اللي قال حـط الكـاف قبـل النـونمدام النون قبل الكاف في وسط الحشى الوهاج

نظمهـا قبلنـا القاضـي وتركـي ثــم ابــن لعـبـونوغـانـم ثــم ابــن هــدلان والهربـيـد والمـجـمـاج

قبـل تطلـع شهـادات المعاهـد ثـم نـجـدي فــونيصوغـون القوافـي تشـبـه الجـوهـر وحـبـره زاج

ولاشالـوا شهـادات الادب مـن بــون والسـربـونوقبـل الليـت كـان الليـل يقضونـه بـنـور ســراج

لان الـقـاف مـاهـو صـنـع لا بـسـتـم ولا بـنـيـونولا تصميـم صاروخ(ن)يجـي مـن قـاذف الميـراج

ولا هـو سلعة(ن)تاتـي لنـا مـن ساحـل الجـابـونولكنـه يـدوج الـروح مـن فـرقـى مـهـا قـرطـاج

وانا افهم من هل التحكيـم بالمعنـى وبالمضمـونلانـه فلـم عـن جـرحـي وانــا التصـويـر والانـتـاج

اصوغ اللي بوسط الصدر عن عين العرب مكنونلما صار الحشى كنه من همومـه علـى لـه سـاج

يجيش القاف من جوف(ن)غدى لحروفها سيفونينقيـهـا عــن الـزلـه وتمـسـي عـدلــة المـنـهـاج

ولا نـزبـن بغـلـق الـقـاف سقـراطـس ونابلـيـونولا ني في حـروف الغيـر لـو شـح المثـل محتـاج

ولا نرجـي بتحضيـره طلـب رسـمـي ولا مــاذونواذا هاجـت تقـول انـه لقيـفـان الـعـرب كـربـاج

وهايب واحد(ن)خيره غطى واشبع جميـع الكـونعطانـا مـن كـرم فضلـه توالـي سـورة المعـراج

وليش اركض وراء اللجنه لما يطلـع شهـر كانـونولا تنجـح لمـا تمشـي وراك مـن الجيـوش افـواج

وانـا حطيـت عـن كـل البرامـج يـاعـرب كيـلـونوعن راي العـرب باشعـار وجدانـي معـي مـزلاج

[ماجد الزيد]

ومن قاله بلا دافع تجي مـن دون طعـم ولـون
ولا احلى من حروف اللي همومه بالضمير امواج
واذا كان الحشى الولهان بهموم الهوى مشحون
يصيد القاف من جنحـان طير(ن)بالعوالـي راج
وانا لو جيت للميدان شفـت اشعارنـا طاعـون
واذا دارت دواليب الحشى تمسـي مثـل هـداج
لانه هاض من قلب(ن)غدى وسط الملا مسجون
واذا داج بمياديـن العـرب لازم يشيـل التـاج


لله درك يافواز الغسلان صح لسانك مليون يالقرم

[مبروك بن ماضي]

الاخ الكريم الشاعر/ فواز الغسلان
ما أجمل الوقوف على عتبات كلماتك

وانا كيف اتبع اللي قال حط الكاف قبـل النـون
000000000000000مدام النون قبل الكاف في وسط الحشى الوهـاج
نظمها قبلنا القاضي وتركـي ثـم ابـن لعبـون
000000000000000وغانم ثم ابـن هـدلان والهربيـد والمجمـاج
قبل تطلع شهادات المعاهـد ثـم نجـدي فـون
000000000000000يصوغون القوافي تشبه الجوهـر وحبـره زاج



صح لسانك .. فقد أستمتعت بكل حروفها
لك مني كل الإعجاب والإشادة
تقبل تحياتي وتقديري
أخوك / بن ماضي

[ام العمده]

الشاعر/فواز

صح لسانك
واعتلى شانك
لاهنت على هذه الرائعه

دمت بهذا التألق والابداع

تحياتي وتقديري

[الـزلـزال]

فواز الغسلان

شاعر يبحث عنه الشعر ويفتخر عندما يتغنى بمفرداته

كما يبحث عن قصائده كل من يتلذذ بالشعر الأصيل

أنت علم والعلم لايبحث عما يشهره

صح لسانك ملايين ملايين


تقبل فائق تحياتي

[ماجد المهدي]

فواز ابن غسلان

صح لسانك ومبدع دوم يالراوي

وقصيدة في غاية الابداع بحراً وقافيه لله درك

تحياتي

ماجد المهدي

[سعود القحطاني]

نظمها قبلنا القاضي وتركـي ثـم ابـن لعبـون
وغانم ثم ابـن هـدلان والهربيـد والمجمـاج
قبل تطلع شهادات المعاهـد ثـم نجـدي فـون
يصوغون القوافي تشبه الجوهـر وحبـره زاج


تصفيق حاااااااااار والله

هنا حضور تشرفت في معانقته


صغت معاني على قاف جعلتني أصفق

محبتي وتقديري,,,

[محمد المغيلث]

اين غسلان صحححححححح الله لسانك اخي القدير

لاهنت

دمت بود ولك تحياتي

[داعي الشوق]

الله الله يالشاعر فواز

وصح لسانك وتستاهل التاج يالشاعر المميز

إسلوب مبتكر وغير مسبوق

صح لسانك مع التحية لك

،،،،،،،،،

[الطائر المهاجر]

جزل ومبدع
صح لسانك
ولاهان راسك
تحيتي واحترامي