كويت قلبي

[الـزلـزال]

بسم الله الرحمن الرحيم

( كويت قلبي )

حان الرحيل وجيت يمك بودعك = وبقول لك تكفى تصبر عشاني
ومع الوداع اليوم جيتك بسمعك = أقوى لحون الشعر فيها غواني
القصد كل القصد خلي بطمعك = عشان في بعدي تزيد الأماني
جيتك حبيبي ماقصدتك بروعك = لكن زماني عنك قاسي حداني
لا لا تقول اليوم بعُدي بيمنعك = أنك تذكر في زمانك زماني
والصاحب الي قام يمك يدلعك= يمكن سبب لجله خفوقك رماني
خله حبيبي بس يمك يمتعك= وهذا نصيبي يوم ربي عطاني
كويت قلبي بس ربي لا يوجعك= ويالله عسى مايكون خلك أناني
وتسعد معه دايم ولا يوم يخدعك= وترجع تونون وين منهو حواني
يمك قصيدي مارميته ليوجعك = لكن تفلت قام يمك عصاني
والحين جيتك غايتي بس أودعك = قبل الرحيل الي بقا له ثواني

لكم تحياتي

[محمد عبدالله البدراني]

العزيز الموقر سامي الحارثي سلمه الله


هلا وغلا ومرحباً الف ياسامي

ومشاعر ساميه وجزله من راس جزل

لاهنت يالغالي

وبيض الله وجهك على هالابيات الحلوووه


تحياتي

[حوريه]

قصيدهـ جمليه .....

وقمه في الروعه......

الله يعطيكـ العافيه ..ولاهنتـــــ......

[ام العمده]

الله الله الله
صح لسانك واعتلى شانك

لاهان راسك
تحياتي وتقديري

[عبدالله الشويمان]

صح السانك يا اخ سامي

قصيده طيبه من شاعر طيب

دمت بخير ولا هنت

[الخنساء]

صح لسانك اخى الزلزال

لاهان راسك قصيدة رائعة

سلمت ودمت بخير

[الطامي]

الزلزال
صح السانك وبنانك
جزلة من جزل
لاهنت وشكرا لك

[صنداح الزلامى]

زلزا الل
الشاعر سامي الحارثي


شاعر متمكن لك الكلمة الشاعرية الفذة


صح لسانك واعتلا شانك اخي الكريم تقبل اعجابي

واحترامي دمت بخير

قصيدهـ جميله

صح لسانك

[الطائر المهاجر]

لاهنت وصح فكرك
على هذا النص الراقي
تقديري واحترامي