يـــا وضـــــاحـــــــي "وصـف ونصـح"

[ماجد المهدي]

للتأصيل وللإبتعاد عن سوء الظن ,,,

المعاني ظاهرة والنوايا طاهرة ولله الحمد
وإنما الغرض : وصفٌ ونصح للغلا من تشكيك النسوة أو هرجهم فيها وعدم النظر إليه
وقد نشرتها في منتديات أخرى من قبل
@
@

بسم رب الجن راعي المَن مِنْ= كل عين وكل حسْد وشر حِنْ
ومن أبي مُرّه إذا سُرّه وإِنْ = خالط افكاري وغزاني باللباب
من سنين اطوال لا هذي السنه = انتضر حرفي وماذا قد جنه
لين جاني في ثياب الحرفنه = وارتديته وانصهر فيني وذاب
خص وضحة في غموضٍ ثم فصح = قال وضحه أصغ للي لك نصح
ما يصح إلا الذي دايم بصح = لو تجلى لدنيتك مليون ناب
ولو تجمع كل أهل أرض في = معركة ضدك فربي دوم في
كل ما قُدر علينا يا الوفي = قد تدوّن عندي ربي في كتاب
يالثريه ما عليك من الثرى = لا تهابي من هروج وثرثرى
القوافل سارية مهما جرى = لا تبالي بسيرها *** ***
ودي ابدي في وصوفك وارتجف = صاب حبري حمةٍ حتى نشف
والجزال من القوافي تعترف = رافعه رايات عجزٍ وانسحاب
معدنك ثقله يفوق على الذهب = صافيٍ ممزوج بطياف الأدب
لمعته لا برق لا حتى شهب = نادرٍ ما فيك شيءٍ هو يعاب
يا انيسٍ للجليسٍ لا همس = يا نفيسٍ عيطميسٍ يا ونس
منك يثرى من تجلى مقتبس = تفتحي له من علومك كل باب
باب في علم الرزانه والفهم = وباب في علم الخفايا والنجم
فاستهل العلم يا الغالي وغنم = وطاب قلبه من علومك طاب طاب
مدرسة للحسن في حضر و بدو = يعدو الركبان في نهجك عدو
والعواذل يا المنى مهما غدو = في حسدهم لا تغيمي بالعتاب
لو نويتي تجزعي زادوا جزع = لو هويتي تخضعي قالوا خضع
من هجيتي يا وضاحي يرتفع = جاوبي بالصمت هو أجمل جواب
ما يهزك ريح يا ريم الفلا = انتي الجهبذ وما غيرك فلا
يا بدر تمم تمامه واعتلا = ما يشوش خاطرك دز الذباب
ويالظبي مالك قرينٍ ياالظبي = خصك الرحمن من أهل العبي
سابيه قلبي من اجوافي سبي = لك حبيبٍ ميزةٍ بين الذياب
أعشقك وأرهن حياتي لك فدى = نور ظلك مرشدي درب الهدى
سلسبيلٍ شلّ قطران الندى = ويل قلبي يا طبيب المستطاب
رسم رمشك صاد قلبي كالسهم = من تناديني اموّل يا نعم
يا وضاحي جعل روحي بالعدم = لو حنانك من حياتي غاب غاب
عينك السوده على عيني جنت = من سِحِرها عيني والله ايقنت
ما تناظر غيرها لا وأعلنت = ذايبه ذوبٍ بها ذوب الصباب
من يلامس وجنتك هذا الهوا = ينشرح صدره ألا يرقى دوا
يا شفاي وشقوتي جيتي سوا = صاب قلبي من حَمَاره صاب صاب
والثّغِر نطقه أغِر شرّه نَفَر = بالآجِر قوله سهِر لا من صَدَر
قلت له تامر أمِر يا مَن أَمَر = آآآه من لونه نَدر للراس شاب
والنحر حتى الصدر دربٍ سوي = المسافر لو غدى ما يهتوي
وبالصدر يلقى المتاع و يرتوي = ولو حدر ألقى جهنم والعذاب
والبنان اليا تأشر للطلب = قبل ما ينصب وجودي انتصب
ليتني خاتم بوسطه مستحب = للتوي وسطه بليا / إلتهاب
ساق لك كالخيزرانه عود شذ = يستجد سبحان من له غذّ غذ
به جنوني جن وأهوى فاستلذ = فذ من نوعه يهيب و ما يهاب
في ثنايا الدمس في رعش المقل= اختلط غصن الورود مع العسل
يا عُسيلٍ مستحيلٍ و الغزل = ما أستصاغ القول في دهشٍ أناب
لا تمشيتي بترابٍ يا المنى = أهنتى بمشيك منايا واغتنى
من فتوني بسحر خطواتك أنا = وكاد اقبل كل خطوه بالتراب
والسموحه هدني وصفك وهد = كل حرفٍ من حروفي بك نَهد
وبالنبي أختم ولا بغيره أحد = صلّ ربي له وأله والصحاب

تحياتي

ماجد المهدي

[مبروك بن ماضي]

جميلة أيها الماجد و جزله
الحقيقة أنني أسعد بالقراءة لك ..
ارتويت هنا من إبداعك
وتشرفت بحضوري الباكر هنا
شاعرنا المبدع / ماجد المهدي
سجل اعجابي القديم
بشعرك وشخصك الكريم
أدام الله عليك هذا الألق
أجمل التحايا لك واكثر ..
أخوك / بن ماضي

[عذب القوافي]

صح لسانك اخي ماجد

جزله من رأس جزل

سررت بمروري البكرعلى هذه الفاتنه

تقديري

أخيك

::::::::أبوابراهيم::::::::

[الأموره]

المهدي

صح لسانك ملايين يخوي

سلمت و سلم فكرك

الف شكر لك

دمت برعاية الخالق

[عبدالرحمن بن زهير]

صح لسانك يامبدع ثقافه وحرفنه وصياغه لاهنت يااااذوق

[عبدالعزيز العمار]

الله الله عليك ياماجد

مبدع في كل حالاتك الله لايهينك..

صح لساااانك مدد بلا عدد على هذه الرائعة..

تحياتي لك ...

[داعي الشوق]

صح لسانك يا ماجد

كل إبداع لابد يكون معاه ماجد

ماشالله عليك

تسلم وصح لسانك مع التحية ،،،

[حي الضمير]

راااااااائع ياماجد ولاجديد دائمآ قصائدك لها رونق خاص
والف صح لسانك يامميز
وسجل الاعجاب والتقدير الدائم

[يوسف الشقران]

الف صح لسانك يابو مهدي

ولو انك توهتني في بعض الابيات


الف تحيه


ودمت مبدعا

[الصريح العتيبي]

صح لسانك واعتلى شانك ياماجد
جزله من جزل
دمت بخير حال