معاناة موظف

[ابو أنس]

ماشفـت احـد يرغـب نهـايـة حيـاتـهمثـل الموظـف ينتظـر آخـر الشهـر

لاشــاف بـوكـه قــد تبـخّـر وفـاتــهمـا حـقـق أدنــى مــا تمـنّـاه يِحْـتـر

يضـرب بــه الهـوجـاس ودّه وهـاتـهمدري مقاضـي البيـت أبـدا او الحـر

والا فـواتـيــر الـحـكــي مهـلـكـاتـهكـلـن يـبــي فـاتـورتـه مـــا تـأخــر

والـخـادمـه وفـلـوسـهـا شـاغـلاتــهيخاف من قولـة خـذ اشعـار مخفـر

والــى التـفـت لمويـتـره وكـفـراتـهيلـقـى بـهـا تسعـيـن عـلـه او اكـثـر

كــم مــرة ضـيّـع قـرايــة صـلاتــهواحيـان لـو هـو فـي التحيـات كـبّـر

يحـسـب حـسـاب رويتـبـه وهلـلاتـهونهار خامس كـن مـا فـي يـده مـر

تـبـدا المشـاكـل تتـبـعـه بخْـطـواتـهلاشـــاف هـنــدي البـقـالـه تـعـثّــر

اون جـــا لـبـيـتـه قـابـلـنّـه بـنـاتــهاللـي تبـي فسـتـان والـلـي تحـسّـر

تقـول جانـا الصـيـف ينـشـر عبـاتـهواقرابـنـا كـلــن لـلاسـفـار حـضّــر

عـوّد لــه الهـوجـاس يـحـرق بـذاتـهوينـاظـر التقـويـم يـزفـت ويـزفــر

يسـتـبـطـي الأيــــام ومـطــاولاتــهاليوم شهر اشلون بلحق على الشهر

سعد

[ابراهيم عبدالحميد]

سعد الحسن

سعادتى بالغه بتواجدى أولاً
لمصافحة إبداعك المتميز الراقى
ننتظر منك أخى كل جديد بشغف شديد

دمت و سلمت و غنمت

[ماجد الزيد]

صح صح صح الله لسانك يالحسن
عز الله ابدعت ورسالة من هنا الى يوجهها صوت العامه الى الخدمه المدنية والماليه واليونيسكو

[راجي الحاج]

هههههه

ابيات رائعه تجسد واقع الموظفين في مجتمع الدول العربية جميعا

شكرا لك ابا انس

والله يفرجها عالجميع

بس لا تنسى عينيات الافراح بالصيف هههه

اخوي سعد


صح الله لسانك



ومقيوله وانا اخوك المعاش ما عاش






لاهنت

[الطامي]

سعد الحسن
الله يعين
لاتشكي لنا نبكي لك
واههههههههههههههههههههههههه
صح السانك تصوير واقعي وقافية صعبة ومتموجه
لاهنت عيني

[حي الضمير]

كـم مـرة ضيّـع قرايـة صلاتـه=واحيان لو هو في التحيـات كبّـر
هههههههه الله لايشغلنا الا في طاعته
وصح لسانك ياسعد شخصت حال الكثير من المؤهلين
بأسلوب جميل وابدعت حيل بارك الله فيك

[عبدالله الشويمان]

المشاركة الأصلية كتبت بواسطة سعد الحسن

سعد

يا سلام يا اخ سعد

نص رائع وجميل ..والله يقوم في عون من يتحدث عنه هذا النص

لا هنت يا الغالي لا هنت وصح السانك ملايين

[صوت الإحساس]

صح صح صح لسانك




ولله درك


لاتخلو من الفكاهه رغم كثرة الهموم

[علي محمد العتيبي]

هذي والله المشكله ياسعد

الله المستعان

لله درك من رائع


صح لسانك ملايين

قصيده كايفه
وابيات رائعه


اعجابي واحترامي