عوج الضلوع

[سناعيس]

قصيدة بعنوان (عوج الضلوع)
آمل ان ترتقي الى الذائقه
وتجد الاستحسان

	عوج الضلوع اللي حدبها لك بويت=تستاهلينه دامك أحلى عشيقه وان كان ماكفاك خوذي حتاحيت=قلبٍ على لاماك ماعدت أطيقه لا يابعد كل الملا الحي والميت=ولا يابعد كل الأمم والخليقه انتي وأنا مثلك أعيش وتربيت=على أننا دايم نقول الحقيقه انتي معي ان رحت والا بعد جيت=لاتحسبين اني نسيتك دقيقه ياورد ياجوري أنا بك تغنيت= لأنك لشعري شذاه ورحيقه إن كان ظنك ياهوى البال كبيت= كاس الغرام اللي تلامع بريقه لا لا وربي فارض الحج للبيت= انك بقلبي والسويداء وثيقه أنا أعترفت اني على طول طبيت=في بحرك اللي يفتخر في غريقه وودعت نفسي فيك ايضا وسريت=لك يامنى عيني بذات الطريقه فما فيه داعي للحسايف ولا ليت=لاصار حبي لك جذوره عميقه

.
سناعيس
20/5/1429هـ

[الأموره]

صح لساانك ملايين

سلمت و سلم فكرك

الف شكر لك

دمت برعاية الخالق

[صوت الإحساس]

رائعه




خلفها الأروع



صح صح صح لسانك



وبيض الله وجهك

[حي الضمير]

السناعيس صح لسانك
ابدعت بارك الله فيك
ويسلم راسك على هالرائعه
سجل الاعجاب الدائم

[عبدالله المسعودي]

سناعيس ..؛
صح لسانك وعلا شانك ..؛
لا هنت ..؛

[بنت القصيد]

صح لسانك ولا هنت اخوي


قصيده رائعه عزيزي

الى الامام دائما

الاخ الفاضل


سليمان صح لسانك





لاهنت

[ابوعبدالرحمن القريشي]

وان كان ماكفاك خوذي حتاحيـت
قلبٍ على لاماك ماعـدت أطيقـه
لا يابعد كل الملا الحي والميـت
ولا يابعد كـل الأمـم والخليقـه

سناعيس

صح لسانك

والله يخلي لنا هالحتاحيت اللي باقية

دمت مبدعا

[مبروك بن ماضي]

اخوي المبدع :
الشاعر / سناعيس
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي الشديد
وتقبل تحياتي وتقديري
أخوك / بن ماضي

مليار

صح لسانك


رائعه ياسناعيس


لاهنت ...



إحترامي وتقديري