وعد العبدالله اقلطي

[الطائر المهاجر]

انا بنشدك يابنتي عن اللي ما دخل للسوق = ولا له بالتمشي فيه لا شاةٍ ولا ناقه
اذكره من قبل عشرين مع عشرين يومه ذوق= وكلٍ لاهي بحاله بلا عشق وعشاقه

لـبـيـه .. مـشـرفي ..



وش جـابـني لـكـ .. عـسـاني مـا أخـلا مـنـكـ ..

بس عـاد .. تـحـمـَّـل .. تـقـصـيـر .. وعــد ..





مـسـاكـ الـ طيب .. ياقـلبٍ حـلـف يطـوي دروب الـ عـوق

%%%% وكـفّ الـ قـول عـن سـيـرة فـلانٍ ونـاس مــوَّاقــه

سـؤالـكـ جــدَّد الـ ضـيـقــه على وقـتٍ نـسـاه الـ شــوق

%%%% مـظـاهـر كـاذبـه كـلـه خـراب وطـيـش بـ رواقــه

[الطائر المهاجر]

الى من ذكر لي شئ عنه حسيتني مخنوق = لاني جاهل وش صار في اسواق دراقه
غدا كلش يباع ويشترى به لو هو المعلوق= وكل يجمع الدنيا ولا فكر متى فراقه

جـهـل بـ الـ سـوق عــز الله .. فـخـر مـا يكـسـبـه مـطـفـوق

%%%% وبـُعـْـدٍ عـنـه .. مـفـهـومـه .. مـداخـل خـيـر بـرَّاقـــه

يـضـيـق الـ كـون في صـدري .. إلى قـالـوا يا عيسى ســوق

%%%% أعـقـد حـجـاج مـا افـلـَّـه .. ودمـعـه حـيـل حـرَّاقـــه

[الطائر المهاجر]

قضيت العمر يومي ورع ابيع الطيب مابه عوق= معي صندوقٍ صغيّر وكتفي تقل علاقه
ولكن ماسلمت ووحدةٍ جتني مثل هالنوق = بدت تتغزل بشعري ونا والخوف بخناقه
برئ ما اعرف اللي تقوله خايفٍ لاتبوق = ركضت بعيد والخطوات لدار الأم سباقه

شكـلـه فيـلـم

/

قـطـيـعـه تـقـطـع الـ أشكـال تبي قـلـبـكـ لـهـا مـفـهـوق

%%%% قـلـيـلـة خـوف من ربـي .. أو ان الـ دافـع الـ فـاقـه

مـهـمـا كـانـت الـ أسـبـاب .. يظـل الـ جيب لـه مـشـقـوق

%%%% تـوقـع نـسـيـتـكـ والا .. لـ قـذلـة أمـس .. مـشـتـاقـه ؟؟

[الطائر المهاجر]

ترى هذي الحقيقه والمصادر كلها ماثوق= وترى ما شفت من اول ربط قلبي من وثاقه
وترك السوق ردة فعل لرعد في السما وبروق= سكنت في عقلي الباطن ولا ادري لها اشراقه

تـهـاويـل اللي تـقـولـه مـشـرفي .. في ماضيٍ مـسـبـوق

%%%% أوأنـكـ ودكـ تخـلـي جـلـيـسـكـ .. يـبـدي أشـواقـه

رمـوز تجـوز لـ الـ عـابـر .. ولـو دقـَّـقـت تـرى بـ تفـوق

%%%% على واقــع ألـيـم يـقــول : حـولي الـ نـاس مـنـسـاقــه

[الطائر المهاجر]

اظن الشر موجود من اول نابتٍ بعروق = وكان السوق ميدان البلى وقلوب خفاقه
ولكن اذكر رجالٍ لهم نظراتهم من فوق = اذا شافوا خسيسٍ ينطرد بالشتم وطراقه

ولا زالـت مـصـايـبـنـا مـن أنـجـاسـه .. مـع الـ غـرنــوق

%%%% تـتـالى .. والـ حـقـايـق .. دوم فـيـه أنبــاء مـصـداقـه

بـنـاتٍ مـالـهـا والي .. تحـب الـ نـقــص والـ مـفـتـوق

%%%% تـطـاوع نـزغـة الـ شـيـطـان .. يـنـاديـهـا معي طـاقـه