|
|||||||
| همس القوافي للشعر النبطي قصائد من إبداع شعراء الفطاحلة لم يمضي عليها اكثر من سنه |
 |
|
|
أدوات الموضوع |
|
|||||||
| همس القوافي للشعر النبطي قصائد من إبداع شعراء الفطاحلة لم يمضي عليها اكثر من سنه |
|
|
|
أدوات الموضوع |
09-04-2008, 03:12 PM
|
رقم المشاركة : 1 | ||
|
|
أنا أبدا بذكر الله المستعانـــــــــي= إله بفضله جمعت المعــــــاني ورتبتها يوم ديني دعانــــــــــي=ومن يذكرالله ترى البيض فاله إله جميع الملا يرتجــــونــــــــه=يخافون بطشه يسألون عونـــه وفي كل حاجا تهم يطلــبـونــــــه=ولا خاب عبدٍ رجاه ا و شكاله فله رافعين أكف الضراعـــــــــة=وله خاشعين بذل وطاعـــــــة وله ذاكرين على كل ساعـــــــــة=إلهي كريمٍ عظيمٍ جلالــــــــه فسبحانه المطلع بالسرايــــــــــر=إله رزق كل عبدٍ وطائـــــــــر لمن تاب يغفر جميع الكبـــائــــر=جعل جنة الخلد طيب النزاله ومن بعد ذا هاك من بعض قـافــي=فهذا الزمن شفت فيه اختلافـي فيا كل حرٌ لبيبٍ سنــــــــا فـــي=تعلّم تراها تضُر الجهــــــالـة ترى العلم نور النفوس الــتقـيــة=وذا الجهل قاد النفوس الشقية إلى الهاوية يا لها من رزيــــــــة=وكل حسابه على ما سعى لـــه فيوم القيامة تبين الحقـــــائق=وتظهر سجلاتنا والوثائــــــق حسينا تها تنكشف والبــوائق=فيا كل عاصي تجهز لحالــــه فهذا كتابه خذاه بيمينــــــــه=على صدقه اللي مضى في سنينه وهذا ك قصّر تهاون بدينـــــه=ينال الجزاء والكتاب بشمــاله ويا كل عاقل ترى العمر مـــرة=ولا عاد يمديك تعديل شــــره ترى الحر يبحث لشيء يـسره=وعمرك إذا راح ما جاء بــداله تفكرت فيما مضى من سنيـني=ولا من ذكرته يزيد الونيـــني وعز الله إني مثيل السجينـــي=وذا مثلي الله يلطف بحـــــاله وشفت إن مالي يكون العبــادة=وزين العمل هو طريق السعادة عسى الله يختم لنا بالشهـــادة=فلا بد لشخص يحظر زوالــــه تذكرت عمري وما قد مضى لي=ويوم إني أمسي بقبري لـحالي وكل العمل يتضح لي قــــبالي=وذاك الملَك يوم يبدي ســــؤاله تذكرت عمرٍ قضيته بغــــــفله=فهو راح يا خوي جده وهــزله ولا عاد يرجع دقيقه وجلـــــه=خلاص انتهى الأمر قصرت حباله وتأتي ذنوبي عليه تراكـــــــم=ويا كم تماديت بالذنب يا كــم وفي ذلك الوقت صامت وبـــاكم=ونا كنت عن كل ما ريت دالــه تذكرت يوم أني أبات وحــدي=ولا فيه غير العمل هو و لحد ي وتظهر لي أعمال قلبي ويــدي=حرامه عذاب حساب حـــلا له فلابد لي من حضور المنيــــــة=إذا غابت الصبح جات العــشية ولا عاد يمكن كتاب الوصــــية=جميع العمل ينكشف با اكتماله فيا كل شاعر نظمت القصـــايد=تخير من الشعر زين الفوائـــد ترى الشعر صيد وراعيه صائد=فلا تقنص إلا من أعلى جــزالة فهذي هي أبيات مني وصـــيه=إلى كل شهم ونفسه زكـــــــية ولك مني أجمل وأكمل تحـــية=ولاهي مجرد كتابة رســــــالة تحافظ على الفرض لا حل حينه=ولا تحمل الحقد هو والضغينة ترى النفس باللي عملته رهينة=ترى كل شيء فعلته تـــــناله ولا تندرج في طريق الضـــلالي=تراني حذ يرك تمعن مقــــــالي تراها دمار تهين ا لـــرجالي=ومن طب فيها خسر ما مضى له ولا تغضب الوالدين احـترمهم=فلا خير فيمن يقلل قيّــــــمهم ويا حظ منهو ينفذ طلبــــــهم=ينال الجزاء عاجل في عيــــاله ولا تشهد الزور مهما تكَــلف=فهذا هو أصل الجهل والتخلف فدين الله أعطاك شيء مشــرف=هو الحق والزور والظلم شالـــه وحذراك لا تتجه بالنميمـــــة=تراها لمن يرتكبها جريمــــــــة ولا تنتهجها نفوس حشيـــمة=فلا طبها غير ناس حثــــــــالة ويا كل جار تهاون بجــــــاره=ترى حق جارك تزود وقــــــاره وعينك فلا تنطلق صوب عــاره=تراها صفات الردى والفــــسالة وأنا بانشد اللي عن الحق ساهي=إلى كم وتبقى بعيد ولاهــــــــي تجنب دروب الخطر والمناهـي=أنا أحذرك من دروب الرذالـــة ولا تتجه في طريق المخـــــــدر=ترى شرع ربي عن الشر حـــذّر فلا تأخذ اللي لعقلك يـــــغير=إذا ما حصل ما يغيّر دلالـــــــه وحذراك تبدي بسدك لشـامت=ولو كان عن سد شرواك صـــامـت فلا بد ما ينشره لو تمـــــادت=عليه الليالي ولو في عيالــــــــــه صحيح إن راع الضرر ما يباتي=يعاني من ا لبهذلة والشتــــــاتي وانا شفتها يا عرب في حـياتي=حزينٍ عجز عن سبب ما جـــراله يفكر لوحده ولا له وسيلــــــة=حزينٍ نهاره وسهران لــــــــيله ولا عاد في اليد يا ناس حيـــله=تكدر مزاجه وزاد انشغـــــــــاله أناشفت في الناس ياخي عجايب=وأنا صرت من هول ما ريت شايب في القلب شبت سعير اللهايـب=وأنا أشكي على من رحم من لجاله ففيهم خبيث الطبايع تعافـــه=إذا شفت زوله تقل يا حســــــافة فقربك لمثله يسبب كلا فــــــه=وبعده يزيد الجمالة جمــــــــالة إذا كنت في حاجته ما يســرك=ولو ما تحر صّت منّه يضـــــــرك ولا يفرح إلا لضيمك وشــــرك=عديم المروءة خباثٍ فعــــــــــاله فلاهو ب كفوا نهار الشـــدايد=ولا هو في الوزن ياخوك زايـــــــد وممشاك في صف مثله نــقا يد=ردي الطبائع قصيرة حبــــــــاله تشوفه يروج حشيش ومســكــر=وتلقاه في كل عار ومنــــــــــكر ولاهو من اللي بربه يفكـــــــر=رمته الشياطين في خــــس حاله فهذاك تكفى تجنب دروبــــــه=وقل توبة من مسايره تـــــــوبة خبيث النوايا طفش منه ثوبـــه=وخله ويكفيك ربي قتـــــــــاله وفيهم لطيف لبيب تحبــــــــه=محياه يكشف لك أسرار قــــلبه فلا فيه عذر لشخص يـــــــسبه=تجمع صفات ا لشبب و ا لشكا له صدوق وصادق وعلمه وكـــــادي=ولا هو ب ذا يشغلك با لـعنادي فهذاك سيفك نهار ألشــــدادي=رفيق السعد يبسط اللي لفـــــاله كريم إذا جاه ضيفه تســــــــللا=ولا هو عن الموجبات يتخـــــلى ضياء نور وجهه تشوفه تجـــلا=عطاه الله الوسع يا خي ببـــــاله دوام حريص ويحفظ صلاتــــــه=ومن ينصحه يستمع من وصاتــه عساها دوام سعادة حياتــــــــه=عفيف جعل شيمته رأس مــاله فذاحسْب فهمي لوصف الرجالي=ولا ني بذم الر جاجيل ســــالي ولكن ذا مقصدي واحتمـــــــالي=وكل حسب ظنه أعطى مقـــــاله وبعض النساء كبها من حليلة=تراء زوجها غاضب كل ليـــــلة وهي ما تحاول تهدي غلــيله=ولكنها شغلته وانشغالــــــــــه فهي دائم في جدلها عنيــــدة=ولازم يحظر لها ما تريــــــــده ولوما حظر حطته في مكيـــدة=وحصل من الكيد شر النـــــكاله فهذي لك الله لو هي هديـــــة=فلا هي لراع السعادة خويــــــة ولاهي سندفي الظروف الشقية=ولا انصح بها ذا يريد ا لجـمالة ومن بعد ما تم هذا فهيـــــــا=بنا لين نا صل حدود الثــــــريا وننظر لمن هو بسيفه تـــــهيا=يبي طعن هذا الوطن وانـــتشاله سفيه يفجر يبي هدم دولــــه=وهذي لك الله ما هي بطـــــــوله تراهامن أرذل صفات الرجولة=ولا خير فيمن مشى بالـــــنذالة فعا يلهم أفكار ناس حقيـــرة=وصاروا في الشعب نقطة خطيـرة مشوا في طريقه بليا بصــــيرة=وهم خالفوا عن طريق العـــدالة فهذي بلادٍك وربي حفظــــها=وقمت أنت تبغا تشتت بعضـها وبالكيد يا خيبتك تعترضــها=تمعن وفكر وش اللي تنـــــــاله فهيا بنا نستمع للــــــكويبتك تعترضــها=تمعن وفكر وش اللي تنـــــــاله فهيا بنا نستمع للــــــكوارث=فهذي حروبٍ وهـــذي حوادث وتلقى المصايب بلاها تـــوارث=إذا راح جرح خلف له بــــداله توالت علينا عيون الأعــــادي=وصرنا نراها بعين الو كــــادي ضحايا الكوارث علينا تـنادي=تقول أنقذوا دينكم يا رجــــاله حروب هدفها دمار العقـــيدة=تجر ت عليها نفوس حقــــيدة تهاجم على الدين تبغا تكيده=وتبغى تبيده وتقطع وصــــــاله فيا رب سلط عليهم عـــــذابك=ويا رب شدد عليهم عقــــــابك فهم حاربوا من يعلم كتـــابك=وهم ينشرون الوبا والـــــرذالة فشعب العراق انتهى من كيانه=وكله سبب من مشى بالخيانــة عديم الشهامة ضعيف الديانـة=تركها تسوقه جنود العمـــــالة مواطن فلسطين زاد اضطهــاده=جنود العدو تطرده من بــــلاده نشوف العدو زائد في عنـــاده=وظلم العدو ما يطاق احـــــتماله سبب ماحصل من جميع البلايا=ذنوب عِِِِظام وجملة خـــــــطايا وربك عليم بكل النوايـــــــــا=علم سر عبده ويعلم مـــــــــآله فيا كم ويا كم ذنوبٍ جنيــــنا=ويا كم لعبنا ويا كم عصـــــــينا ويا ليتنا يا لبيب انتهــــــينا= وتبنا إلى الله لفظ ا لجــــــلا له فحن ما علمنا لماذا خُلـــــــقنا=ولا حن شكرنا كريم رزقــــــنا ولا حن بذكره حقيقي نطـــقنا=فهو ملتجى كل منهو دعا لــــه ويا ليتنا يا لبيب اتكـــــــلنا=على الله ولا و ســـــيعة نشوف المعاصي دهت مجتمعنا=ونمشي وكنا بها ما سمـــــــعنا ولكننا حولها ما اجتمعنــــــا=قلوب على الذنب تسعى بتـــاله فهذاك يسكر وهذا يهــــرب=وهذا يفجر وهذا يخـــــــــرب وهذا لتشويه دينه يـــــسبب=بفكره وحقده فيا خيــــــبتا له ويا كم بلاد دهتها المــــصائب=بفعل المعاصي تذوق النــــكائب ففعل المعاصي لهذا ســــبائب=تسبب دمار البلد والبـــــــطالة وربي نهانا بمحكم كتــــابه=عن الجور والظلم وعلن عـــذابه لمن يرتكبها جهنم عقابــــــه=فسبحان رب البشر حيث قــاله فيامسلمين اسمعوا ذا النصــيحة=تراها دواء للقلوب الجريــــحة وترك العدو يلتهمنا فيضحـــــة=ولا هو ب حق شرفنا ينــــــاله فلا بد نمسك بحبل الشريـــــعة=ونترك سلوك الجفاء و ا لقطيعه رسول الهدى لازمن إنانطــــيعه=نبيٍّ الهدى بلغ أكمل رســـــالة فهذي هي الرحم تشكي القطيعة=فيا كل عاقل ونفسه رفيـــــــعه ترى قطعها حرمته الشريــــعة=إلهي جعل وصلها من وصــــاله وهذي هي الحكمة اللقـــفصيــة=جعلت اسمها الوردة النرجسية تهيضتها جانب العاذريــــــــة=تعدا صداها ضواحي تـــــــباله ففيها فوائد لمن كان عاقـــــــــل=وفيها نصائح إلى كل غافــــــــل وتوجيه وافي لمن كان جاهـــــــل=يخلي دروب الردى والجـــهالة فهي كالذهب عند منهو يـــعده=تهيضتها من صميم المــــــــودة تعابير شاعر كتبها بشــــــــدة=ويعطي مصاريفها من ريــــــاله وفي منتهى حكمتي والكــلامــي=صلاتي على المصطفى والـسـلامي شفيع أمته في نهارا لزحـا مـــي=عددنبت نجد العريض أو رماله وسلامتكم |
||
|
|
09-04-2008, 06:47 PM
|
رقم المشاركة : 2 | |||
|
محمد العمري |
|||
|
|
|
09-04-2008, 07:12 PM
|
رقم المشاركة : 3 | |||
|
وشفت إن مالي يكـون العبـادة |
|||
|
|
|
09-04-2008, 08:19 PM
|
رقم المشاركة : 4 | |||
|
محمد العمري |
|||
|
|
|
09-04-2008, 11:41 PM
|
رقم المشاركة : 5 | ||
|
|
محمد العمري |
||
|
|
|
10-04-2008, 03:04 AM
|
رقم المشاركة : 6 | ||
|
|
الإبداع و التألق |
||
|
|
|
10-04-2008, 05:05 AM
|
رقم المشاركة : 7 | |||
|
|
|||
|
|
|
10-04-2008, 12:05 PM
|
رقم المشاركة : 8 | |||
|
|
اقتباس:
دمت ودام تواجدك أمام متصفحي وقصائدي المتواضعة |
|||
|
|
|
10-04-2008, 01:06 PM
|
رقم المشاركة : 9 | |||
|
هلا بو خالد 00كعادتك مبدع |
|||
|
|
|
10-04-2008, 03:32 PM
|
رقم المشاركة : 10 | |||
|
من الصعب جداً أن أصف إعجابي بهذه المعلقه الرائعه ببضع كلمات |
|||
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| محاوله من شاعر المعلقة الثامنه | منيب شاعر | مرآة الأدب العربي | 15 | 16-12-2010 06:50 AM |
| المعلقة على ضريح الجابريّة | ماجد الزيد | همس القوافي للشعر النبطي | 83 | 29-04-2009 12:07 AM |
المعلقة العمرية
