فال يقفاه العقال !!

[عادل العتيبي]

ياهجوسي أسعفيني بعد ماجالك مجال=أسعفيني بالجزاله مالك ومال الهزيل
المواقف عند أهلها والحمول ألها جمال=يرتكي شقران ولا تنثني يمنا شعيل
أيه أشوفك في المواقف ياقصيدي راس مال=يوم كل(ن) له خوي وله عضيد وله عميل
يالقوافي صرت أشوفك كل ماشفت المحال=وانتي أكبر من شموخ الأمنيه والمستحيل
والغلا أللي داخلي يرسم متاهات الخيال=بين كفين العزيز وبين كفين الذليل
للهنوف اللي تجيني كل ماهبت شمال=وكل مازارت خيالي قامت دموعي تسيل
ياغناتي والمعزة وسط قلبي لا تزال=عندي أعظم من غلاة المال في يدين البخيل
أقلط أقلط لك في قلبي فال يقفاه العقال=مرحبا في ريح هيل ومرحبا وأعداد سيل
ودي أشرب من حضورك وأروي عروقي وصال=وأتفيّا عن لهيب الشمس في ظل الجديل
ودي اروي خافقي وأشرب من العذب الزلال=وأروي فصول المواجع للظما والسلسبيل
الجمال اللي بوجهك ماهو حي الله جمال=من يناظر في خدودك وش يحط وش يشيل
ياحبيبي من تغنج روحك وكثر الدلال=بس نظرة من عيونك تجعل العاقل هبيل
راح صوتي يوم انادي يابعد عمري تعال=لين صار الصوت عندي اشبه بصوت العليل
من غلاتك صرت أشوفك بنت عم وبنت خال=وأنت من طبعك تشب النار في راس الفتيل
لو تفرق ياحبيبي بالحرام وبالحلال=كان ماسليت سيف(ن) يشبه السيف الصقيل

[عبدالله البهلولي]

صح لسانك شاعرنا العزيز
ابيات جزله من شاعر جزل
دمت دائما وابدا بالف خير

[النهج المختلف]

أخي عادل العتيبي

صح لسانك ولاهان راسك

قصيدة جزله من شاعر مبدع

تحياتي لك

[الخنساء]

صح لسانك اخي الشاعر عادل

لاهان راسك قصيدة رااائعة

سلمت وسلم شعرك

دمت بخير

قصيده رائعه وتستحق المرور والوقوف عندها

شاعر جزله وقصيده جزله

صح لسااانك ولاهنتِ

راااااااائعه ياعادل


صح لسانك مدد بلاعدد
على هالجزاله اللي تعودناها منك ...





لاهنت




إحترامي وتقديري

[علي محمد العتيبي]

من غلاتك صرت أشوفك بنت عم وبنـت خـال
وأنت من طبعك تشب النـار فـي راس الفتيـل
لـو تفـرق ياحبيبـي بالـحـرام وبالـحـلال
كان ماسليت سيف(ن) يشبـه السيـف الصقيـل


عادل العتيبي

ياخي انت مبدع

لله درك من رائع


صح لسانك ملايين



اعجابي واحترامي

[عذب القوافي]

الشاعر عادل العتيبي

صح الله لسانك

وافيه من وافي

المواقف عنـد أهلهـا والحمـول ألهـا جمـال
, , , , , , , , , , , , يرتكـي شقـران ولا تنثنـي يمـنـا شعـيـل

تقديري ,,,,,,,

[ســُلاف]

أيه أشوفك في المواقـف ياقصيـدي راس مـال
يوم كل(ن) له خوي وله عضيـد ولـه عميـل
عادل صح لسانك

[الطامي]

ياهجوسـي أسعفينـي بعـد ماجالـك مـجـال
أسعفينـي بالجزالـه مالـك ومــال الهـزيـل
المواقف عنـد أهلهـا والحمـول ألهـا جمـال
يرتكـي شقـران ولا تنثنـي يمـنـا شعـيـل
"""""""""""""""""""""""""" "
عادل العتيبي
صح السانك وفكرك
ولاهنت
مبدع دائما
شكرا لك