صوتي الاضعف

[طلال سويعد]

السلام عليكم ورحمة الله وبركاته


صباحكم كادي 0 ويومكم سعيد

كبرت وعدت سنيني0 بديت ابكي على الايام=تجارت مقفيه غربي 0توارى رسنها عني
من أول كنت اخايلها0 وسابق لمحة الاحلام=اباري زهوها بنشوه0اصدق حسنها المعني
غفيت بحلمها الوردي0سبحت فبحرها اعوام=قريت حروفها بأسلوب0 خواطر خيبت ضني
لليال برتمها العاجل0 تمر بصورتي إلزام=تغير من ملامحها0يعيش فصمتها حزني
بديت بصبحها هايم 0آسابق خطوة الاقدام=وصلت لليلها منهك 0ولافيني ولامني
سرابي همها الاكبر0أخذني للقا قدام=وقفت وصحوتي تطرق0على بابي تحاسبني
تهز بصوتها الصاخب 0 تفرق مجمع الاوهام=زهمت بصوتي الاضعف0 اناشد حالي يسمعني
وسيّر من خطاوينا 0 على درب الوضوح التام=يقلل من مدى غروري 0يزيل طموح متعبني
لمحت بخاطري أمسي0 من اول عام لإخر عام=لقيت انتاجه الحاصل0 فتات من الوهم مبني
رجعت بخطوتي احسب0حسابي فألرضا بإتمام=يجوز بنظرتي اقدر0ادور مابقى0 فيني
ومر بحرفي المتْعب0بوادر نفحة الانسام=تكون بلوحتي بسمه 0يلامس ضيها عيني

[عبدالله المسعودي]

وعليكم السلام ورحمة الله وبركاته ..؛
صباحك زي السوكر ..؛
و صح لسانك والله لا يهينك قصيدة جميلة من شاعر اجمل ..؛
دمتم بـ كل صحة وعافية ..؛

[مبروك بن ماضي]

اخوي المبدع :
الشاعر / طلال سويعد
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري
أخوك / بن ماضي
.

[ســُلاف]

لمحت بخاطري أمسي0 من اول عام لإخر عام
لقيت انتاجه الحاصل0 فتات من الوهم مبنـي
رجعت بخطوتي احسب0حسابي فألرضا بإتمام
يجوز بنظرتـي اقـدر0ادور مابقـى0 فينـي
يسعد صباحك والله يريح بالك
ابيات اخذتنا معاها للبعيد
طلال سويعد صح لسانك

[احمد الفارس]

صح لسانك يالغالي ..... وطيّب الله فالك ... وماقصرت ..

[الطامي]

طلال بن سويعد
صح السانك
ابيات طيبة من طيب
لاهنت وشكرا الك

[عبدالعزيز العقيدي]

طلال سويعد
ما أجمل أن يحاسب الأنسان نفسه
روعة فوق روعة
عساك على القوة دوم يا الطيب
تحياتي لك

[علي محمد العتيبي]

رجعت بخطوتي احسب0حسابي فألرضا بإتمام
يجوز بنظرتـي اقـدر0ادور مابقـى0 فينـي
ومر بحرفي المتْعب0بـوادر نفحـة الانسـام
تكون بلوحتي بسمه 0يلامس ضيهـا عينـي


ياسلام

ياسلام عليك ياطلال

ابداع وامتاع

وحبك وسبك

لله درك من رائع


صح لسانك ملايين


اعجابي واحترامي

قصيدة رائعة وصح لسانك

[الأموره]

صح لسانك ملايين يخوي

سلمت و سلم فكرك

الف شكر لك

دمت برعاية الخالق