آخــــر أبــيــاتــي !!

[عادل العتيبي]

آخر أبياتي كتبته قبل تقريبا شهر=ماطرقت ألآ النزية وما كتبت ألآ النزية
أبتدي وأكتب شطر وأليا انتهيت أمسح شطر=لجل أميّز كل بيت(ن) بالجزاله وأنتقيه
أحيان أشوفه من ورود وياسمين ومن زهر=وأحيان أحس اني لحالي في زماني معتليه
وأحيان أحس أنه عذاب ومن لهيب ومن سقر=وأحيان أنزّل قدر نفسي لين أقبّل راحتيه
وملهمي يبغى قصيدة / قلت تامرني أمر=وكل بيت(ن) من قصيدي شام لعيونه يبيه
القصايد فيك منظومه مثل نظم الدرر=كل بيت(ن) في عيونك اكتبية وعانقيه
جابك الله وأنت لك في وسط شرياني مقر=وصار قلبي لك يردد والمشاعر تحتويه
مرحبا بللي حضر يامرحبا بللي حضر=مثل ترحيب الفقارى للريال وللجنيه
جيت يمي من شموخ وكبرياء ومن فخر=مثل شيخٍ بالمواقف كل ربعه تنتخيه
أنتضرتك كأني اللي جالسٍ فوق الجمر=جاملي قلب المعذب في وصالك وأرحميه
انتضر لحظة وصالك لين مليت الصبر=والمولع ياغناتي اسعفيه وعالجيه
وحالي أللي لاظواها الليل واغواه السهر=زارني طيفك وطيفك بالبشر ماله شبيه
أرسمك صورة تشابه فالسماء وجه القمر=كل ليله مع خيالك ابتديه وانتهيه
وكل ماشفتك اغني الخبر نفس الخبر=ماطرا علم(ن) جديدٍ ياخفوقي تحتريه
ياغناتي والمعزة مالها عندي عمر=العمر فدوة عيونك كان تبغينه خذيه
عاتبيني لجل أشوفك كل ماشح النظر=وأزعلي ورضاك غايه والله اني ل/ أشتريه
أنت بس اللي رضاك أقوم له عز وقدر=كأني الشهم الكريم اللي يراضي والديه
انت كلك ياغناتي غير عن كل البشر=انت بس اللي خفوقي ياحياتي يهتويه
شفت في عينك عفاف وشفت في ذاتك طهر=انت تشبه للكرامه في تطاريح الوجيه
لو بعض أحيان من قدام خلق الله يمر=كل خلق الله تقول الله عليه الله عليه
ولو بغيتي نور عيني سقته لعينك مهر=والكلام اللي اقوله لازم اني احتميه
ودي اني اعتذر لك بس ماعندي عذر=بس شاعرك المعذب اعذريه وسامحيه
جعلك تعيش بسعادة مايجي حالك كدر=ومن يعادي حضرتك جعل المصايب تبتليه
تبغى الصراحه والحقيقه بالمفيد المختصر=أنت بس اللي خفوقي ياحياتي يهتويه

[خالد العمري]

مرحبا بللي حضر يامرحبـا بللـي حضـر=مثل ترحيـب الفقـارى للريـال وللجنيـه
جيت يمي من شموخ وكبرياء ومـن فخـر=مثل شيخٍ بالمواقـف كـل ربعـه تنتخيـه

الأخ الفاضل
والشاعر القدير

عادل العتيبي

يشرفني بأن أكون اول من عانق حروفك
ولايسعني من جمالها إلاّ الصمت والتمعن فيها
وصح لسانك وأعتلى شأنك

ولاترحمنا من مشاركاتك مع بقية أخوانك وأخواتك

تقبل مروري وإحترامي لشخصك وحرفك

[ابوعبدالرحمن القريشي]

الشاعر الرائع / عادل العتيبي
عندما اغوص في اعماق شعرك لا اجد الا الدرر
يحتار القلم في وصف المشاعر حيال ما تكتب
اطرب كثيرا لقلمك الرائع
وانتظر جديدك بشوق

دمت ودام ابداعك

[صوت الإحساس]

[blink]

متعه

[/blink]




عادل حرفك يستحق المتابعه


بكل صدق




جمال خالص


لايشوبه شائبه



لله درك



وثق أني أقرأ لك الجديد


وما أكاد أن أنتهي


إلا وأنا في قمة شوقي

للقادم منك


فأعود وأقرأمرّه أخرى


من القلب والله


أطرب لحضورك

وكل ماشفتك اغنـي الخبـر نفـس الخبـر
. . . . . . ماطرا علـم(ن) جديـدٍ ياخفوقـي تحتريـه


صح لسانك ملاييين

قصيده قمة بالروعه

كل الشكر لك على هالجمال
دمت بخير

[ســُلاف]

شفت في عينك عفاف وشفت في ذاتك طهر
انت تشبه للكرامـه فـي تطاريـح الوجيـه
صح لسانك يالعتيبي

احسنت وصح لسانك

[سناعيس]

الله الله
عادل العتيبي
صح لسانك
على هذه الشامخه
لله درك يالجزل
لاهنت وبيض الله وجهك

تحياتي

[الخنساء]

صح لسانك اخي لشاعر عادل
لاهان راسك قصيدةرائعة
سلمت وسلم شعرك
ودمت بخير

[الطامي]

آخـر أبياتـي كتبتـه قبـل تقريبـا شهـر
ماطرقت ألآ النزية ومـا كتبـت ألآ النزيـة
أبتدي وأكتب شطر وأليا انتهيت أمسح شطر
لجل أميّز كل بيـت(ن) بالجزالـه وأنتقيـه
:::::::::::::::::::::::::::::: :::::::::
عادل العتيبي
صح السانك وفكرك وبنانك
ولاهنت