ترفق 00

[طلال سويعد]

السلام عليكم

هل هو عتب ام غضب هذا مادار بشجوني 0 00من جهازي الى اجهزتكم انتم


كل االود

على رسلك 0ترفق0 من قبالك=صديقٍ بالوفا قصـده يهـادي
ماجيت اسمع كلامٍ من خيالـك=تهددبـه كأنـي لـك معـادي
تعـدل0 انتبه0افطـن لحالـك=انا صاحب وطيبي لـك ينـادي
تخيل ابتعـد واقطـع وصالـك=تخيل كيـف تقـواه البعـادي
انا جيتك ولاادري وش في بالك=توارى ليه مـن قلبـك ودادي
وانا الي كنت بالدنيـا مثالـك=هني الورد تشرب من ميـرادي
صفاي الذوق ومن طيبي صفالك=رواك بعز في قربـي وسيـادي
تذكر وقفتـك0 نظـرة أمالـك=على دربي رسمت الحرف هادي
ناديته حلم واصبح منالك =بديت تكون و تصبح له ريادي
واشوف اليوم تبنيـه إحتمالـك=على امرٍ بدا من شـي عـادي
هجير الوقت ليه اخفى ظلالـك=بلحضه صار من كلك يحـادي
انا بالي رفعهـا سبـع أسالـك=تكون بنظرِتـك جـداً حيـادي

[الصريح العتيبي]

الاخ/طلال سويعد----------------سلمه الله
صح لسانك واعتلى شانك
ابيات رائعه
بيض الله وجهك
دمت بخير حال

تعـدل0 انتبه0افطـن لحالـك
انا صاحب وطيبي لـك ينـادي

طلال سويعد

صح لسانك على هالابيات العذبه

ابدعت قصيده رائعه لاهنت

تحياتي

[حي الضمير]

الشاعر المبدع دائما طلال سويعد صح لسانك
قصيده تحبس الانفاس لجمالها ولرقة احرفها
مني لك الاحترام والتقدير

[الطامي]

طلال
سلمت اناملك وسلم فكرك وراسك
صح السانك يامبدع
دمت سالما غانما

[الأموره]

صح لسانك ملايين

سلمت يخوي و سلم فكرك ،،

الف شكر لك ،،

دمت برعاية الخالق ،

[سناعيس]

طلال سويعد
صح لسانك
قصيدة معبره


تحياتي

[ســُلاف]

امازال هناك من يعاتب ويبحث عن اسباب لتغير الصديق في وقتنا؟
جميلة هي روحك ومكسب له صداقتك
انا جيتك ولاادري وش في بالك
توارى ليه مـن قلبـك ودادي
تساؤل وعتاب تدل على شفافية ووفاء صاحبه
طلال سويعد صح لسانك

[مبروك بن ماضي]

اخوي المبدع :
الشاعر /طلال سويعد
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري
أخوك / بن ماضي

[عبدالله راشد الثويني]

صح لسانك
كلمات مميزه
تدل على مدىى إبداعك وتمكنك الشعري
سلمت أناملك ولا عدمناك
بإنتظار جديدك
تحيتي لشخصك الكريم