الشريف محمد بن عون

[الطائر المهاجر]

بصوت خازباز

يالله يـالـلـي كـــل حــــيٍ يـسـالــكيــا واحـــدٍ كـــلٍ يـخـافـك ويـرجـيـك

يـا قاسـم انــوال الـمـلا مــن نـوالـكوقبضة نواصـي الخلـق كلهـن بياديـك

اتفـك عقـد احـبـال عـبـدٍ شـكـا لــكمستـبـرمٍ حـبـلـه بـعـقـد الشـرابـيـك

بعيـدٍ عـن الـدانـي دعــا والتـجـا لــكيـا مـن هـو المالـك وحـنـا الممالـيـك

ارمـــي بـحـالاتــي لــذيــك الـتـهــالكتفرج عن القلب الـذي فيـه تشكيـك

مـا بـه مـن الحرفـات الا الـدعـا لــكوالحـيـل قـصـر والأيـــادي مفـالـيـك

فيلا اقتضى عسري بحسن الرضا لـكفاجعل لنا صبرٍ على العسـر يرضيـك

سايلـت داعـي البـيـن مـالـي ومــالكمـن كـل صــوبٍ كـاثـراتٍ دعـاويـك

قـال إن هــذا الأمــر لا لــي ولا لــكأمــرٍ قـضـاه آلـهـك الـلـي مـسـويـك

لا تعـتـرض أم الـقـدر فـــي جـدالــكولا تحسب إن اللي مصيبـك بيخطيـك

قسمة احظوظ الخلق قسم السوا لكومكتوب حظك يالفتـى فـي نواصيـك

جـف القلـم باللـوح فيمـا اقتضـا لــكإمـــا سـعـيـد الـحــظ وإلا مشـقـيـك

وأنـا اشهـد أن اللـي كتـب لـك ينالـكيالعـبـد ربــك بـاسـم حـظـك ينـاديـك

كــلٍّ بتقـديـر الـولـى طـــاب فـالــكاصـبـر عـلـى مــا قـــدر الله يـأتـيـك

ولا تـلـوم النـفـس فيـمـا جــرا لـــكتـبـور غـالـي سلعـتـك بـيــن أيـاديــك

ويلومـك الـلـي مــادرا عــن حـوالـكولا درا ويــش الـدهـر مـحـدثٍ فـيـك

محـدٍ درا ويـش الـذي صــاب حـالـكومـا جـرا لـك مــع صـديـقٍ معـاديـك

بـمـكـايـده يـبـلــن الأيــــام حــالـــكوعــن الـمـوارد قـاصـراتٍ مـدالـيـك

ما شـام بـك مـن ديرتـك عـن عيالـكومـا عرضـك درب الخطـر والتهاليـك

ويــن انــت والأقــدار يــوم ارتحـالـكفـي وسـط غبـاتٍ بهـا المـوج عاليـك

مــرٍ يـمـيـن ومـــرةٍ مـــن شـمـالـكوالعـرب مـن التـريـك تـاخـذ بيـاديـك

إن قيـل رد البـوش واربــط احبـالـكضـاقـت عـلـى احـرارهـا والممالـيـك

فاعـزم وشــم ولا تضـيـق المسـالـكولا تـسـوي يـافـتـا شـومــت الـديــك

وافهم نبا مـا أقـول لـك طـاب فالـكسعود الفتى بالحظ مـن غيـر تشكيـك

وإن جاد حظـك بـاع لـك واشتـرا لـكفـوايـده مــن كــل الأبـــواب تـاتـيـك

وإن بـــار بـــك دلاّ يـهــزل حــلالــكوبـردا الثمـن لزمـاً يبيـعـك ويشـريـك

وإن جـاد حظـك بالمجـالـس حكـالـكوصــدق مقـالـك كــلٍ لــك يحاكـيـك

وإن بــاربــك دلاّ يــكــذب مـقــالــكوتصـيـر كـذبـات الـمـلا كلـهـن فـيـك

وإن جـاد حـظـك بالمـنـازل بـنـا لــكبيـتٍ رفـيـعٍ شـامـخ الـطـول يـذريـك

وإن جاد حظـك كـل شـيءٍ صفـا لـكوقـرايـب الـخــلان كـلــن يصـافـيـك

وان بـار بـك بيـن جمـيـع الـعـدا لــكوصـار المـحـب اعــدا عــدوٍ يعـاديـك

وإن جـاد حظـك كـل شــيءٍ عنـالـكويبـاشـرك عـنـد الـمــوده ويعـطـيـك

وإن بــار بــك ضلـيـت مـحـدٍ بحـالـكولا بفـنـجـالٍ مـــن الـبــن يـسـقـيـك

وإن جاد حظـك قـام واطلـق اعقالـكومشـا معـك فـي كــل دربٍ يبـاريـك

وإن بـار بـك جــود متـيـن الثـنـا لــكوعـن كـل دربٍ لـك يعقـلـك ويثنـيـك

وإن بــار بــك شـيـن حـلايـا خـيـالـكإلى اقبلت تغضـى كـل عيـنٍ تراعيـك

وإن جـاد حظـك كـل شـيءٍ أضـا لـكيشـبـه فــم القنـديـل نــوره يـقـديـك

وإن بـار بــك عـزيـل حـالـي وحـالـكارذل رذيــلٍ هـافــي الـجــد يـوذيــك

يالعـبـد لــو كـثـرت حــث ارتـحـالـكوعرضتـهـا درب الخـطـر والتهـالـيـك

تـــازي بـــلا حـــظ بـعـيـدٍ مـحـالــكوقـلـوص عـزمـك بالمهـامـه اتخلـيـك

تسعـيـن عــام يافـتـى مــا بــدا لــكولا لاح فــي بـالـك لــزومٍ يصـافـيـك

قـل ول يـا حظـي علـى مـا جـرا لـكإلـى قـل عـونـك ماجتـهـادك بيغنـيـك

اكتـب مكاتـيـب الشـقـا والعـنـا لــكقل ول يا حظ الشقى اتعبـت راعيـك

يـقـول لــو حـظـك سعـيـدٍ نـمـا لــكلــو عـشـرة اولادك عضـيـدٍ يكـفـيـك

والـيـوم لا تـأمــن يمـيـنـك شـمـالـكيـبـوقـك اصـــدق صـديــقٍ يـمـالـيـك

ولا يـغــرك إن لـقــاك وحـكــا لــــكلـو عطالـك مــن المواثـيـق يرضـيـك

اخـذ الحـذر كـل الحـذر لـو صفـا لـكعيبٍ علـى انـك تأمـن الخصـم ياليـك

تـحـرز بـسـو الـظـن وابـصـر بحـالـكواحـذر جليـسٍ ضايـع الـراي يعمـيـك

من سو طبعـه إن حكـا بـك حكـا لـكيـرضـي عــدوك بالنميـمـة ويرضـيـك

راعي المكـر والبـوق والكـذب سالـكوراعي الثنا ضاقـت عليـه المساليـك

يـمـشـي ورأيـــه ضـايــعٍ بالـمـهـالـكلا شاف من دونه علـى الوكـر عاليـك

مـا تنـظـر الأقــدار فيـمـا جــرا لــكشـيـوخ القبـايـل يتبـعـون الممـالـيـك

فاعـزم بعـون الله علـى مـا بـدا لــكواقصد إلـه العـرش حسبـك ويكفيـك

صـاروا ابـطـن اللـحـود ارض فمـالـكصـبـرٍ فـهـل منـهـم صـديـقٍ يعـزيـك

لا بأس لـو مـن كـل طـرفٍ جـرا لـكهامي سحاب الوجد مـن فـوق خديـك

يـا قـلـب هـيـد عــن تـذكـر احـوالـكواصبر عسـى رب المـلا يعتنـي فيـك

اصبر عسى تعطـا خلـف مـا غـدا لـكرجـلٍ إلــى سامـتـك الأيــام يشـريـك

يــارب تجـعـل واحــدٍ مـــن رجـالــكعنـد الشـدايـد مـزبـن الـلـى يوالـيـك

فـي يـوم مـا تعطـي يمينـك شمـالـكمثقـال حـبـة خــردلٍ مــن حسانـيـك

تعطيني مقصـودي وأنـا اللـى أسالـكيــا سـامـعٍ مــن جــا لبـابـك ينـاديـك

واختـام ملفوضـي لـنـا فــي مقـالـكازكى صلاة إلى هـادي الرشـد هاديـك

[عبدالرحمن الصباح]

الله يرحم الشاعر بن عون ومشكور يادكتور بيض الله وجهك تقديري وامتناني استاذي

[عبيد ابو شيبه]

الف شكر يادكتورعثمان على هذه القصيده

الجزله الي مليانه حكم ورحم الله الشريف

محمد بن عون وتقبل صادق الود والمحبه

تحياتي دكتوري الفاضل

[ابراهيم عبدالحميد]

رحم الله الشاعر بن عون

و عظيم الشكر لطائرنا المحلق فى سماء الأدب الراقى
ليمتعنا و يرتقى بأذواقنا بكلمات ومعانى راقية ورائعه

[زهرة اللوتس]

الطائر المهاجر
مجهودات تشكر
عليها
تسلم ايدك
تحية طيبة

زهرة

[صعبة المنال]

يعطيك العااافية

لا بد من عودة للقمم
صعوووووووب

[عالي مستواها]

صح لسانه
يعطيك العافيه على النقل

[نفحات حساسة]

الله يرحمه..
ويعطيك العافيه على نقلك..

[حي الضمير]

رائع وبيض الله وجهك

[منيع]

كل الشكر والتقدير لكم
تحياتي