مطــــــــعـــــــم مــــامـــــا ( شــــويــــهـــــيــــنـه )

[سعود القت]

لا والله اللي خربت الاخلاقي = والصدر من كثر المشاكل ضاقي
صبرت لين ان احتمن صدوغي = ولا عاد باقي للصبر بي باقي
ابقولة اهل الشام انا ما فيه = وابلهجة السودان انا ما لاقي
اقلّب الجنبين مثل الحيه = حتى تبين الشمس بالاشراقي
كله سبب محبوبي الدرماحه = اللي من الفسقه لباسه ضاقي
منولٍ ضامر حشا ومرنقش = ومتلهفٍ من كثرة الاشواقي
سوالفه تشدي علاج الكحه = راقي وهرجه يسحر العشاقي
وبراطمه حمرٍ تقل شربيته = ذبلانةٍ وانا لها مفتاقي
ونسى هوانا جعل تندر عينه = لن كان عزّم في طريق فراقي
يا زقنه منول وانا يا زقني = يوم الغلا ترياقه وترياقي
ياما كلينا قرصه ومرقوقه = وياما غذيته من حليب نياقي
قبل المطاعم واكلت المثلوثه = وهمبرقر الهباس والحراقي
وماما شويهينه وماما نوره = اللي تسبب للحلوق شهاقي
ما تعرف الا يا يبه يا يمه = ماما وبابا عندها ما لاقي
كنها عنود الصيد في مشيتها = قبل عباة الكتف والاسواقي
عودٍ تثنالي وذقت عذوقه = شربت فنجاله وحب عناقي
واليوم نظرتها لي تروعني = نظرة امريكي ناظرٍ بعراقي
صارت حمقيه وانا شحليلي = لو تمتلك رزقي فقدت ارزاقي
اهبي يالدبه يا بنت الدبه = يأم الديوس الطلّق العلاقي
يالجحه المليانه الدربيه = تراي ابلسبك بالمعلاقي
يالله تغفر لي جميع ذنوبي = وايضا بني شلاح يا خلاقي
وربعي مطير وخنذف وشبابه = وكل العباد تضلهم يا باقي
وارزقني بجيبٍ وبنت وفله = وزيد الدخل وارخص شعير نياقي

[مبروك بن ماضي]

الاخ الفاضل الشاعر / سعود القت
لله درك من شاعر متمكن
لطالما أستمتعنا بجمال حرفك وروعة أسلوبك
دامت شاعريتك بهذا الابداع وهذة الجزاله
وكم يسعدني ان أكون في مقدمة الحضور
سجل اعجابي وتفضل بقبول تحياتي
أخوك / بن مـــــــــاضي

[يوسف الصالح]

قصيده جزله من شاعر جزل

علا شانك و دام التألق

وتقبل تحياتي

[الطامي]

سوالفه تشـدي عـلاج الكحـه
راقي وهرجه يسحـر العشاقـي
؟؟؟؟؟؟؟؟؟؟؟؟؟؟؟
يا زقنه منول وانـا يـا زقنـي
يـوم الغـلا ترياقـه وترياقـي
:؟؟؟؟؟؟؟؟؟؟؟؟؟؟؟؟؟؟؟؟؟؟؟
وارزقني بجيـبٍ وبنـت وفلـه
وزيد الدخل وارخص شعير نياقي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اللع عليك ياسعود القت
صح الله السانك
ولا عاش من هانك
وسلم بنانك وعلى عند الله شانك
كلمات لها قوة متماسكة ومكملة لبعض
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟
من عاد من الناس من يعرف (( ازقينه وازقينها )) تعجبني هذه الكلمه ولها عندي ذكريات جميله اعادها الله على الجميع

[الأموره]

الله ،، الله ،،

يا سلام علرى روعه القصيد و جماله ،،

صح لسانك و سلم بوحك ،،

الف شكر لك على جميل طرحك ،،

دمت برعاية الخالق ،،

[ابوعزيز]

ما اروعك

قصيدة رائعة

و مبدعه و جزله

لاهنت يالغالي

[عيد بن سعدون]

صح لسانك ولاهنت

كفيت وفيت

قصيده في غايت القمه

اخوك
عيد بن سعدون

[متسامح]

نص رائع ومعانى جميله

سلمت ايدينك

دمت و لا هنت

قمه فى الإبداع

اسجل تحياتى و اعجابي

كلمات جميله و اسلوب راقٍ

الله الله لاهنت يابن العم وصح لسانك

قصيده اكثر من رائعه يعطيك العافيه ولاتحرمنا جديدك

سجل اعجابي ومتابعتي

اخوك // محمد البديني