يفوح صدري فوحة ادلالٍ اعذاب 0000 رسلاتينٍ فوق جمر الغضى اركيت

رشيد الكسر · 20-07-2007, 05:30 PM

بسم الله الرحمن الرحيم

السلام عليكم ورحمة الله وبركاته

متواضعه اضعها بين ايديكم .. عسى ان ترتقي ولو للقليل من رضى ذائقتكم

ألفٍ هلا لاجيت وألفين ترحاب = خطوه عزيزه يوم حظرتك لي جيت
ضي الفرح في ناظري ماله غياب = وحزني تبدد غيمته يوم طليت
وعني همومٍ تنجلي مالها حساب = وقلبي من جروحه تشافى وغنيت
انت الدوا وانت الشفا وانت الاطباب = ياللي ليا شفتك تراني تعافيت
انت الامل والظن ابد فيك ماخاب = علقت امالي فيك واقول ياليت
انا بدونك ليلةٍ بدرها غاب = ظلما وحيشه لو بها يشتعل ليت
بين الحنايا العوج ولعت ملهاب = لاضي سناها في الحشا يوم شبيت
يفوح صدري فوحة ادلالٍ اعذاب = رسلانتينٍ فوق جمر الغضى اركيت
ومشاعري باحت لك بلوم وعتاب = وتفجر احساسي على شانك ابطيت
لا ياشقاي وعلتي بعد الاحباب = اللي بنوا بأقصى الضماير لهم بيت
واقول ماشفته مقادير واسباب = من واحدٍ يرجع له الحي والميت

وسلامتكم

أخووكم

رشيد بن شعيفان الكــسر

الامير · 20-07-2007, 05:34 PM

الشاعر رشيد الكسر/
صح لسانك مليون
وبيضالله وجهك

ابومياس · 20-07-2007, 05:56 PM

شاعرنا القدير

رشيد الكسر

يسعد لي مساك

بوح صادق واحساس رائع

صح لسانك ودام حرفك

دمت بخير وعافية

نمرالعوين العتيبي · 20-07-2007, 06:50 PM

رشيد الكسر

يامساء الجوووري والله وهلا بك وغلا ويسلم راااااسك وفكرك
وصح لسااااااانك مليااارااات وعسااك على القوووووه

اخوك نمر العتيبي

إستبرق · 20-07-2007, 07:08 PM

آلشــآعــر : رشيـــد آلكــســر ..

صــح لســآنــكـ وســلــمـ إحســآســكـ

كــل بيــت آجمـل من الآخــر ..

وآهنيــكـ عـلى هـذه المشـآعـر آلــرآقيــة ..

ودمــت متــألقــآ ..

آعذب التحـآيـآ..

إستبرق