أشوف لي ناس(ن) تزاعل على ماش!!

[متعب المتعب]

أشوف لي ناس(ن) تزاعل علـى مـاشواشـوف شيبـان(ن) اتـرفّـع اخششـهـا

أحدن لنا من جـرح الايـام ... كالشـاشوأحـدن ضمـاد جروحـنـا . . . لا نبشـهـا

وأحـدن لياطحنـا .. عيونـه لنـا افـراشوأحـدن علـى الطيحـه..وروده فرشـهـا

أحدن يشيل من الكتب مثـل الادبـاش!وأحـدن قراهـا يـوم وصلـت . . دبشـهـا

ناس(ن) علـى نـيّ اللحـم دوم تعتـاشوصـادق يمينـه عـن يسـاره .. كرشـهـا

صـار الهزيـل بوقتنـا .. حـيـل مهـتـاشواول مثـل تبـع الدبـش مـع جحشهـا !!

وين انت ياللي بلسمك باوسـط الجـاشتـبـري جـروحـي بــس بـيـديـك نـشـهـا

شفنـي مدينـه حلمهـا . . حـي ماعـاشأزرت تـبـوح وسامـحـت مــن خدشـهـا

شفني وطـن موحـش تولتـه الاوحـاشبـلاط حكـمـي هالـحـزن . . معترشـهـا

شفت الطيور الهاجعه وسط الاعشاشعـش(ن) بنتـه لعيشـهـا . . . ولنعشـهـا

اللـي زعـل مـن مـاش ينـبـاع بـبـلاشخـلـه وتسـلـم نفسـكـم مــن دوشـهــا

وكم واحدن وان كـان حمّـل بمطـراشيحـمـل امــورٍ والبـلـى فــي ادغـشـهـا

وين انـت ياللـي كنـك القطـر رشـراشتـروي عـمـى عـيـن الهـمـوم وغبشـهـا

مهـمـا الـغـلا بصـدورنـا يالـغـلا حــاشأغــلا مــن حــروف القصـيـد وبكشـهـا

ازف لــك عـطــر التـحـيـات بـغــراشتـفـوح مــن سـامـي غـلاكـم اغـرشـهـا

وانــا تـــرى قـافــي تـبــدا عـلــى آشوانهيـت قافـي ياعشيـري علـى اشـهـا

وانـــا لــجــزلات التـمـاثـيـل غــبــاشقـبــل غـــدو الـطـيـر قـلـبـي نتـشـهـا

حرفـن كتبنـي يـوم سالـت بالاجـهـاشوازريــت ابـيـن لــه سـبـب ماجهشـهـا

لكـن علـى الله ينكشـف كـل غـشـاشودك تـبـادره الـحـكـي عـــن طنـشـهـا

ياصاحـبـي والفـكـر بالحـيـل مـنــداشورجـل المسـيـر معقـلـه مــن دبشـهـا

مانـي شفـوق لشوفـة الخبـل والــلآشلـكـن عـلـى مـاقـيـل نـــدرى بلـشـهـا

هـو يحسبـن نفسـه عليـنـا ولــد بــاشلـكـن عـمـى عيـنـه بـكـفـه طمـشـهـا

كـبـيـر لــكــن لابـخـنـتـه طــلــع لاشمتشكـلـن مـالـه عـلـى الـعـز مشـهـى

واللـي يبـيـع مــن الكـرامـه فـلاعـاشجـعـلـه لـصـكــات الــدهــر يبتـلـشـهـا

نقشت (ميمي) وسط (تائـي) بمنقـاشواسقيت [عين(ن)] كان (بائي) عطشها

\
\


أعذب تحيـــــــــــــــــــــــــــ ـــه..


\
\

[الطائر المهاجر]

صح لسانك وفكرك يا متعب
هذي من القلب بس وش مهيضها
لكن على الله ينكشـف كـل غشـاش
ودك تبـادره الحكـي عـن طنشهـا
لاهان راسك
تحياتي وتقديري

[عبدالعزيز العقيدي]

الشاعر الحكيم
متعب المتعب

أسعدني الحظ بأن أكون أول من عانق هذه الرتائعة
الشامخة بشموخ كاتبها
تسلم وصح الله قلبك وفكرك
سجل اعجابي
وتقبل
تحياتي لك

[ابوعبدالرحمن القريشي]

اخوي متعب المتعب

فصيدة خرجت من اعمااااق القلب ولا بد ان ورائها ماورائها ...؟!
رسمت لنا اسلوبا فذا في رسم الصور الشعرية الابداعية

بانتظار جديدك دائما

دمت بود

[ناصر السهلي]

الله الله



صح لسانك يامتعب


وعزالله انك اتعبت القاف والوقفه بأبياتك الجزله


تقبل مروري وسجل اعجابي



,,,

[متعب المتعب]

المشاركة الأصلية كتبت بواسطة الطائر المهاجر

صح لسانك وفكرك يا متعب
هذي من القلب بس وش مهيضها
لكن على الله ينكشـف كـل غشـاش
ودك تبـادره الحكـي عـن طنشهـا
لاهان راسك
تحياتي وتقديري

شاعرنا واخي الغالي الطائر

هيضها يابعد روحي اللي انت بعيد عنهم

قدرك عالي يابوعبدالله

لاهنت جعل شيبانك الجنه

\
\

[متعب المتعب]

المشاركة الأصلية كتبت بواسطة عبدالعزيز العقيدي

الشاعر الحكيم
متعب المتعب

أسعدني الحظ بأن أكون أول من عانق هذه الرتائعة
الشامخة بشموخ كاتبها
تسلم وصح الله قلبك وفكرك
سجل اعجابي
وتقبل
تحياتي لك

شاعرنا واخوي الغالي عبدالعزيز

الحكمه راسها شرواك وانا مازلت أتعلم بينكم

صح قلبك يالعزيز

\
\

[متعب المتعب]

المشاركة الأصلية كتبت بواسطة راعي كيف

اخوي متعب المتعب

فصيدة خرجت من اعمااااق القلب ولا بد ان ورائها ماورائها ...؟!
رسمت لنا اسلوبا فذا في رسم الصور الشعرية الابداعية

بانتظار جديدك دائما

دمت بود

العزيز راعي كيف

عزيز وغالي

بالتأكيد لها خلفيه تتوشح بالسواد ..

لاهان راسك ياغالي

[متعب المتعب]

المشاركة الأصلية كتبت بواسطة ناصر السهلي

الله الله



صح لسانك يامتعب


وعزالله انك اتعبت القاف والوقفه بأبياتك الجزله


تقبل مروري وسجل اعجابي



,,,

شاعرنا القوي والجزل ناصر

العين ماتعلى على الحاجب

صح بدنك وعلا شانك يالعزيز

لاهنت يارب

[إستبرق]

اللي زعل من مـاش ينبـاع ببـلاش
خلـه وتسلـم نفسكـم مـن دوشهـا


مــتـ ع ــب

آتعــبتنـــآ بهــذه آلآبيــآت ..

..

بـل هـي صـرخــآت

مـن قلــب آتعـبتـه الآهــآت

..

دآئمــآ آتمنـى آن آكـون مـن آول آلحضــور لكـي آقــرأ كلمــآتــكـ

فــأنـت لآتكــتـب لمجــرد آلكتــآبـة ..

بـل للتخـلص مـن جـرح عمـيـق ..

ولكـن عـزيـزي ..

تـأكـد .. لسـت آنـت آلخـآسـر

بـل هـمـ من خسـروكـ ..


صــح لســآنـكـ وسلـمـ إحسـآسـكـ

ودمـت للتــألق عنـوآنــآ ..

وآعـذرني عـلى الإطـآلـه


آعذب التحـآيآ ..

إستبرق