محاوره فكاهيه وتحدي القافيه

[داعي الشوق]

أشوف شاعر يشتكي من العجايز ** من كثر ما يشكى زعق بالصياحي
ولله مــالومـه ولو قــال جــايــــز ** واللي يلومه قلت ماهـــوب صاحي

( مشاركة على الطاير )

[الطائر المهاجر]

من تلسعه عقرب يحـس النغايـزومنهو سهى عنهـا يعـد الجراحـي

وبعض العجايز مثل طيب القزايزلو هـي تقفـل تعرفـه بالنضاحـي

[داعي الشوق]

يا وجد حال اللي من الـغــث حايـز ** كل يوم يسمعها تجر الكحاحي

ولا نـشـدهــا قالت الـجــو بــايــز ** صك المكيف لا يــزيــد إنبحاحي

[الطائر المهاجر]

[داعي الشوق]

ياطير يا مهاجر ترى القلب عــايــز ** يقضي مرامــه مع كثير إنــشراحــــي

في ديــرة ٍفيها الـبـنـي والـقــزايــز ** يا طـير يا مهاجر ترى الـسـد بــاحــي

[الطائر المهاجر]

[داعي الشوق]

بأنظم بيوت الشعر وأبعث دزايز ** منها رحيق الورد والعطر فاحي

للي على ركب المعالـي حـرايــز ** فـطـاحله بالشعر منهم ربــاحي

___________________

صح لسانك يادكتور عثمان

[الطائر المهاجر]

انت شاعر وخل عنا الحكي
بس لاتنسى ترى تعليمات النشر في الهمس والمحاورة لاتجيز
النشر بأسماء مستعاره

[داعي الشوق]

أفرحتني بردك يادكتور عثمان
وشهادتك بأني شاعر ..
وسام أعتز فيه دائما
وبالنسبة للإفصاح عن الاسم فلا مانع من ذلك ويشرفني
وهل يتم الإفصاح عبر الردود هنا أم هناك طريقة لذلك ؟

وخذ ردي يالطائر المهاجر

قرب العجايز فيه ريح الخنايز ** دايم صرايرها تفوح الرياحي

دايم تشوف الوضع عندك برايز ** هذا تسفه ليل وهذا صبـاحي

[الطائر المهاجر]

اذا تشوف فيه احراج فأرسله لي بالخاص
واذا تبي شوري فالوضوح زين وفيه حفظ لحقوقك
لا بكره تحصل شعرك منشور في اماكن اخرى بأسماء ناس
ثانيين ولا تقدر تسترده لأنك بإسم مستعار.

لي عودة