بعض الرجال الواحدة ما تكفيه

[الطائر المهاجر]

بعـض الرجـال الواحـده مـا تكفّيـهيطمع بزود ولا فتهم وش مصيـره

احـدٍ فــؤاده نــي والـزيـن يغـريـهيبغـى بتـال العـمـر ورده صغـيـره

ويمكـن بـداره مهـرةٍ حيـل تغلـيـهدين وجمال وخلـق حرمـه ستيـره

مايـدري إن الـورد شـوكـه يخبـيـهويذبـل ولـو يسقـيـه احــلا غـديـره

ويبقى التشابه لكـن الجهـل يعميـهفاللـي صغيـره يـوم تصبـح كبيـره

مـا ينتبـه قلبـه ولا العقـل يحمـيـهيتبع هـوى نفسـه ولـو هـي غريـره

وحـدٍ حــداه الـجـال مـمـا يعانـيـهمـع وحـدةٍ تمشـي ولكـن ضريـره

لا كـثـروا الـورعـان تـبـدا توطّـيـهتقلب مثـل حربـاة وقـت الظهيـره

تبغيـه كبـشٍ تمسكـه مـع علابـيـهمادام معها الجيش صـارت اميـره

تحسبـه هـرشٍ ماحـدٍ يـوم يبغـيـهتامـر وتنـهـى ولا تـبـي تستشـيـره

ولا من قرصهـا بضـرةٍ دوم تشنيـهوتبـدا مــع الـورعـان كــلٍ تـديـره

كـلٍ غـدا ينهـشـه والـكـل محـريـهمكينـةٍ للصـرف لـو هـي كسـيـره

وكل يتشاوى منه مـا كـان يعطيـهوكـل يشوفـه يظلـمـه دون غـيـره

فالـورع لامّـه دامهـا الـلـي تربـيـهوياويل مـن ضمّـه ويرجـي لخيـره

ولو اظهرت لك حب فالكره تخفيهدامـك حـرقـت قلبـهـا بالصغـيـره

ما عندها غيـر الـورع دوم تحشيـهيحـقـد علـيـك ولا تـنـبـأ مـصـيـره

يتعبـك فـي ممشـاه يمعـن تحدّيـهويمكن يشـوّه سمعتـك والعشيـره

عمرك على الحرات والغبن تقضيهيـدّك قصيـره لـو عيـونـك بصـيـره

حسن اختيارك في البدايـه مواريـهتبيـن لـك لـو بـعـد مــده قصـيـره

ونزلـه مـن اوّل سلـمٍ كنـت ناويـهولا طيحةٍ من بعـد ترقـى خطيـره

[الأموره]

لا كثروا الورعان تبـدا توطّيـه
تقلب مثل حرباة وقـت الظهيـره
تبغيه كبشٍ تمسكه مـع علابيـه
مادام معها الجيش صارت اميـره


لووووووووووول ،،

ربي يسعدك دوم يالعم ،،

صح لسانك و علا شانك ،،

الف شكر لك ،،

دمت برعاية الخالق ،،

[عبدالرحمن الصباح]

ماعندها غير الورع دوم تحشيه====يحقد عليك ولا تنبا مصيره
والله انك صادق يابو عبد الله جيت على الجرح صح السانك وعلا شانك وربي انك مبدع استاذي الغالي

[الطائر المهاجر]

شكرا لكل من مر هنا
لاهنتوا
اطيب التحيه

[منيع]

رائعه ومعبره
كل الشكر لكم
تحياتي