الى من لفاني الليل

[الطائر المهاجر]

الى من لفاني الليل واشفقت للكرىيجـي مـا ينبّـه هاجسـي مـن منـامـه

اعيش الحزن يمناي والياس بيسـرىوهــمٍ يطـاردنـي ولا مـــن سـلامــه

مواكـب تحاصرنـي إذا ملـت للـورىوقـدامـي الـواقـع وشـايـف عتـامـه

وعجٍ ضرب بالكون واحمـرّت الثـرىولـيـلٍ طـويـلٍ حـالـكٍ فــي ظـلامـه

ادوّر لعـلّ القـى بهالوقـت مـن درىواشوف الخلايـق دالهـه فـي غرامـه

وانا عارفٍ به شايـفٍ كـل مـا جـرىوقريت اللذي مقبـل وخايـف ختامـه

غدينا بهذا الوقت مطمع لمـن ضـرىوحتـى لبـوم القـوم واهـل الرخـامـه

نعيش القهـر والوقـت بالـذل انبـرىولا فيـه مــن ينـقـذ بقـايـا الكـرامـه

وعـدوٍّ بليّـا ديـن فـي الخلـق افتـرىوكــلٍ يعـانـي خـايـفٍ مــن جهـامـه

خصـيـمٍ لـئـيـمٍ للمـواثـيـق انـكــرىيـهـودي بـدمّـه حـقـد ورث لعمـامـه

يعيث الفساد ويظهـر الحقـد بجهـرىعلى الديـن والأمّـه ويشهـر حسامـه

ويخـدع بعـض ممـن لدنيـاه اشـتـرىمثل من خدعهم مـن طيـور الندامـه

يحارب جهر ارهاب في السـر سخّـرَبنـى كــل اركـانـه وقــوّى عظـامـه

مـن اللـي تبرمـج ثــم بالـجـوّ طـيّـرَيحـرّك مثـل دميّـه وينسـف حـزامـه

ولا يدري الراس الكبيره مـن الـورىولو سمْع من خلـف الستـاره كلامـه

يـوجّـه بـاسـم الـديـن يقـتـل وينـحـرَوتفتيـه فـي جهـلـه رخــوم النعـامـه

يظـنّـه جـهـادٍ يـــوم بـالــدار فـجّــراوقتل اخوتـه والحصـن ينـوي هدامـه

وقتل مـن يعاهـد دونمـا شـرّ يضمـرانسى اولادنـا بالغـرب تحـت انتقامـه

مهو وقت رمح وسيف وابجر ياعنتراولا عنـد خصمـك رحـمـةٍ او شهـامـه

فلا بدّ مـن علـمٍ بـه الخصـم يقهـرىوتفكير عاقـل عـارفٍ وش حسامـه

فحتـى الغنـم بالفكـر ترقىعلـى كــراوحنّـا بلـيّـا فـكـر نكـسـب خصـامـه

نمهّد طريق الخصم مـن دون نشعـرَينـفّـذ رسـومـه ثــمّ يـاصـل مـرامـه

وترى اصلاح تحت سلاح والدم ينثرىفـسـادٍ بـــأرض الله بـيّــن حـرامــه

فلو شفت تقصيرٍ على الصبر تؤجـرافمافيه كامـل غيـر منشـي الغمامـه

تفكّر بمن حولك من الجار واقصـرىتـلاقـي بلـدنـا دوم فـــوق الـعـلامـه

فهـذي المسـاجـد بالمصلّـيـن تعـمـرَوكــلٍ ورزقــه فالـمـهـمّ الـسـلامـه

وهـذي بـلادي تنتـخـي ســرّ وجـهـراومـن خانهـا ذيــلٍ وقطـعـه شهـامـه

[الطائر المهاجر]

من القصائد القديمة التي لم تنشر بعد

[منيع]

كاالعادة جزل ومبدع وعلى الجرح
شكرا لك
تحياتي

[داعي الشوق]

صح لسانك ابو عبدالله

قديمك جديد وجززل

[الطائر المهاجر]

شكرا منيع
على كريم المتابعه
لاهنت
تحياتي

[بنت النور]

ابيات في قمة الروعه
صح لسانك عدد بلا مدد
لاهنت
تقديري وحترامي

[الطامي]

صح السانك
ابدعت واجدت لافض فوك
ولاهنت

[الطائر المهاجر]

شكرا لكل من مر هنا
لاهنتوا
اطيب التحيه