اذا من خاب ظنّك في الزمن

[الطائر المهاجر]

اذا من خاب ظنّك في  الزمن  واللي  يديرونهفلا  تزعل  على  نفسك  اذا   مالت   موازينه

يجي  له  يوم  يتغيّر  على  من   مال   لعيونهفخلك   كالجبل   صامد   ولو   ثارت   براكينه

تهب  العاصفة   نسري   تثير   غبار   بسكونهوتدفن   كل   من   حوله   ولا   ينقذ   موالينه

قليل الفكر من يحسب سنين السعد مضمونهوكثير  الشؤم  من  فكّر  بأنّه  من   مساجينه

تذكـّر   فالـزمن   دوّار    لا    يغريك    بفتونهودروس  الوقت  وافهمها  فهذا  من   قوانينه

الا  ياضـايقٍ  صدره  يحس  القهر   في   كونهتراها تنفرج في يوم لوط¸â‚¬ول العمر شينه

تجيني  اليـوم  تتـألم   يبـوح   القلب   مكنونهتقول  ان  الصبر  كمّل  ولا  يستحمل   سنينه

وقفت  وغيرك  اتسـلق  فطبعك   ما   يحبونهيعرفون  الامانه   في   ضميرٍ   صعب   تليينه

ويعرفـونك  عزيز  النفس  وهـذا   ما   يدانونهيبوا  منّك  نعم  سيدي  وتحني   الهام   وتهينه

ومدامك  مرجعٍ  للراي  بخبره  عـلم   وفنونهيدارونك  بضحكة  سن   ما   تدري   بمضمونه

تعـامل  كنّـك   الحاسب   يفيـد   ولا   يفيدونهواذا منه تعط¸â‚¬طل يـوم يجيبوا غيره بحينه

ولكن   ما   يبوا   هذا   فمثلك   من    يهابونهمدامك  عارفٍ   للي   من   الاسرار   مخفينه

وتدري الثوب يتفصل  على  اللي  قاصر  دونهوثوبك  مع  كثر  غسله  ثبت   شكله   وتلوينه

يبون  الحر  ما  يصمد  يطير  ويترك   حصونهوإذا  منّه  سئل  عنّه  يقولوا   ما   دري   وينه

الا  يا   لعنبو   وقتٍ   يغسل   الفكر   صابونهيغيّر  صاحبه  مبداه  وينسى  الأصل  او   دينه

عزيز  النفس  لو  خيشه  لبسها  قال  مزيونهولا  ثوب  الحرير  اللي   يجيب   الذل   ويعينه

[بنت النور]

صح لسانك عددبلامدد
لاهنت
تقديري واحترامي

[الطامي]

صح السانك
ابداع متجدد

لاهنت يادكتور

[منيع]

رائعة ومعبرة يادكتور
شكرا لك ولحرفك القيم الصريح
تحياتي

[داعي الشوق]

صح لسانك وحالك ابو عبدالله

ابداع وجزاله ولاهنت

[الطائر المهاجر]

شكرا بنت النور
على كريم المتابعه
لاهنتي
تحياتي

[الطائر المهاجر]

شكرا الطامي
على كريم المتابعه
لاهنت
تحياتي

[الطائر المهاجر]

شكرا منيع
على كريم المتابعه
لاهنت
تحياتي

[الطائر المهاجر]

شكرا داعي
على كريم المتابعه
لاهنت
تحياتي

[الطائر المهاجر]

شكرا لكل من مر هنا
لاهنتوا
اطيب التحيه