منتم عرب لو تدعون العروبه2

[الطائر المهاجر]

منتم عرب لو تدعون العروبه = انتم بقايا فرس وترك ورومان
اللي اصيل خالي من عيوبه = وانتم عيوب الخلق فيكم بميزان
غدر وخيانه بالشمال وجنوبه= بالشرق والا الغرب واضح للاعيان
وفساد مستشري بأعلا رتوبه = سرق ونهب شامل كل ميدان
وكل يدور مصلحه في دروبه = دايم اناني للوطن دوم خوان
اسقاكم الغربي قذارة نخوبه = والبعض يشرب من قذارات ايران
حتى تفرقتوا بخدعه كذوبه = تاجر بها اللي عازف زيف الالحان
شيعي وسني والعقل في نضوبه= ليبرالي علماني وذا ضمن الاخوان
خرفان تنطح بعض تدمي جنوبه= والذيب يفرس مالقى تيس او ضان
هذا المجوسي والعراقي ركوبه= وهذي الخلايق بين ميت وجوعان
وهذا اليمن يشكي وتنزف ندوبه = وفي كل قطر الناس تبحث عن امان
وهذا اقتصاد انهار اعلن نضوبه= وهذي البطاله بين شيب وشبان
والاجنبي في الخير يرثع بثوبه= وخلفه اناني يستره وين ماكان
وهذي بطانه لكل خير نهوبه = وعند الولي تظهر نظافه بالاردان
وهذا خلايق عايشه في صعوبه= بين الغلا والقرض او صوت ديان
اظن ماجاكم من الله عقوبه = فعودا الى الله صادقين بالايمان

[الطامي]

صح السانك
قلت فأجدت لافض فوك
شكرا لك

[منيع]

إحساس مثقل بالهموم والمسئوليه اتجاه مايحصل لهذه الامه من ويلات وهزائم نسئل من الله العلي القدير ان يزيل هذه الغمه وماذالك على الله بعزيز كل الشكر لكم يادكتور
تحياتي

[داعي الشوق]

ماخليت شي يا بو عبدالله 😬

.. الله يهونها و يصلح الحال
و صح لسانك و طاب حالك

جزل ولاهنت

[نجم الإبداع]

باقي بكتب للعرب يابو عبدالله

لقد اسمعت لو ناديت حيا

صح لسانك والله يسعدك

لاهنت

[هترل]

الضرب في الميت حرام يادكتور

صح كلك يالجزل ولاهنت

تحياتي وتقديري

[جهاد الشعلان]

اظـــن مـاجـاكـم مـــن الله عـقـوبـه
فعـودا الـى الله صادقـيـن بالايـمـان


الله يرحمنا برحمته


لامست الجراح

صح لسانك ابوعبدالله

تقبل مروري

[محمد عبدالله البدراني]

الله الله


لافض فوك ابا عبدالله وخاب شامتوك قلت واجزلت وكل ذو لب وعين بصيره يرى مارايت



صح السانك واعتلا شانك


تحيتي وتقديري


رعاك الله

[الراقي]

صح السانك
ولافض فُوكَ ..

دمت بِكُلِ مَوَدَةٍ

[بنت النور]

صح لسانك وعتلى شانك
لاهنت
تقديري واحترامي