سجل حضورك ببيت من بدعك

[الطائر المهاجر]

في هذا الموضوع ارصد حالتك اليوميه ببيت او اثنين من بدعك
اذا كنت شاعراً او لأحد شعراء الفطاحله ، بحيث تعبر عن :
حالتك الشخصية بهذا اليوم(فرحك ، حزنك ، غضبك ، يأسك ، تفائلك ، امنيتك ....الخ
مما يعكس ما يجيش بصدرك

يوم الربوع جماد ثاني وعشرين=صحيت بدري والخلايق نياما
البيت فاضي والقرابه مبعدين= بين القلق والخوف فيه انسجاما

[داعي الشوق]

الاربعاء حدد لنا الطير موضوع = قال ابدعو بيتين يالله صبح خير
كلن يعبرّ حالته كان له نوع = و عن حالتي ما تحتويها التعابير

[عبدالمحسن الرحمه]

مالومكم ياللي جلستم و حيدين
خذتم تقاعد صرت فاضي دواما
لأكن تبي رايي تزوج وذا الحين
بنت ٍ جميلة تسعدك ما تضاما

[الطامي]

وانا بعد معكم اتابع عناوين = قالو الربوع وفيه شئ ثمينا
قدم دخولك للفطاحل ببيتين = حسب اقتراح اللي يديه بيدينا

[الطائر المهاجر]

يوم الخميس جماد ثالث وعشرين=صحيت بدري مابفكري اهتماما
جهزت لي دله تخاوي الخليين= وتقعد رويس ما حسب للدواما

[منيع]

دكتورنا حدد وجاب العناوين=وقال ازهمو كل يقول اهتماما
وانا اقول الوضع مافية تخمين=بادي وواضح قربت القياما

[الطائر المهاجر]

صباح جمعه جماد رابع وعشرين= صحيت من نومي بصوتٍ حطاما
عواصف يوم ابتدت نصف وثنتين = وحتى الفجر والعصف فيه الدواما
الدش طاح بخبطةٍ تقل طنين = بالسطح فوق الراس ماله لجاما

[منيع]

واني لمحزون وفي القلب حاجات=عجزت اوردها طريق السلاما
تكالبت مرة ومرة ومرات=ومن صاح مثلي هقوتي مايلاما

[الطائر المهاجر]

اليوم يوم السبت خامس وعشرين=جماد الاول الغبار بعتاما
من بعد ليلة نوم طالت بعد حين= بعد العشاء حتى ثمان تماما
مرتاح لولا البطن به كالبراكين= ومن نام عقب الأكل شاف السقاما

[منيع]

من وين ماوجهتها كلها اغبار=تقول كن الجوعارف عشيرة
لاصار عند الغيرسياحة وتسفار=حنا لك الله ديرة غير ديرة
عج ومناخ حتى بمطاره اخطار=ليت المسافة يم لندن قصيرة

هههههههههه