كلما درت فكري في زمان الغرابه

[الطائر المهاجر]

كلما درت فكري في زمان الغرابه = شفت شيٍ عجيبٍ واضح للضرير
من مشى باعتدالٍ ماشيٍ وسط غابه= مالقى له خوي ولا لقى له نصير
غابةٍ ما بها ياكود بعض الذيابه = وانقسام الخلايق بالفكر والمسير
قسم متشددٍ ف الدين حامل كتابه= ضد اية تطوّر لو بقدرٍ يسير
وقسم مترهبلٍ لو شفت قصّر ثيابه= كل همه يبي الدولار مهما يصير
وقسم لو كان عالم مامشى في صوابه= خادمٍ للقوي ولو ظلم للفقير
وقسم متحررٍ للغرب وجه ركابه= وصار مثل الغراب اللي عجز لايطير
كل همه يبي المنصب ولو بالنصابه= كل شيٍ يبيعه ميّت للضمير
وكل هذا يفسر وضعنا بالخيابه = من فساد نشوفه في كبير وصغير
من هوامير تسعى للسرق والنهابه= ومن دعاره ومخدّر وانتشار الدشير
انفصامٍ بفكرٍ والعقل في غيابه = وكل واحد بوجه ووجه وسط الهدير
لين صرنا شتاتٍ دون عز ومهابه = دوم ترتيبنا الأول بصفٍ أخير
لا نجحنا بكوره ولا بلعب الكعابه = رغم مليارات تصرف وضعنا ف الحدير
يالله اني دخيلك من زمن حد نابه = تجمع اشتات قومٍ ماوعوا بالمصير

[رووبين]

اْلطِآآئرِ اْلمَهِآآجُرِ

صَحِ لسٌانكَكِ

آبيٌآآتِ رِآآئعِةُ

يعِطْيكَكِ آلعآآفيِةٌ

[كظيم]

الله الله

ابو عبدالله
بحق ابدعت في ترجمـة الواقـع
قصيده حملت في طياتها معـاني كثيره
ابيـات تحكي وتصوّر وتـُشاهـد
صح لسـانك وفكرك وكلك يابعـدي
تقبلني وتقبل مروري المتواضع لاهنت
ودي وتقديري

[منيع]

جزل وحكيم
ربي يرعاكم بلطفة
تحياتي

[سعود بن سنيد]

قـسـم متـشـددٍ ف الـديـن حـامــل كـتـابـه

ضـــد ايــــة تــطــوّر لــــو بــقــدرٍ يـسـيــر

وقسـم مترهبـلٍ لــو شـفـت قـصّـر ثيـابـه

كــل هـمـه يـبـي الــدولار مـهـمـا يـصـيـر

وقسم لو كان عالم مامشى في صوابه

خـــــادمٍ لـلــقــوي ولـــــو ظــلـــم لـلـفـقـيــر

وقـســم مـتـحـررٍ لـلـغــرب وجــــه ركــابــه

وصار مثـل الغـراب اللـي عجـز لايطيـر

كـل همـه يبـي المنصـب ولـو بالنصابـه

كـــــل شـــــيٍ يـبـيـعــه مـــيّـــت لـلـضـمـيــر

وكـــل هـــذا يـفـسـر وضـعـنــا بالـخـيـابـه

مـن فـسـاد نشـوفـه فــي كبـيـر وصغـيـر

ارحب


ارحب


يابو عبدالله


حيه ومجابه


صح لساااااااااانك


حتى ترضى

هذا زمان العولمه


وشجاع منجاء والكريم معان


لاهنت ياشيخ الرياجيل لاهنت



تقبل ازكا التحايا

[هترل]

هالله الله
الفاضل الدكتور عثمان صح لسانك مليارات
جزل ومبدع في طرحك لاهنت

تحياتي وتقديري

[مشعل التريباني]

وقـسـم متـحـررٍ للـغـرب وجـــه ركـابــه= وصـار مثـل الغـراب اللـي عـجـز لايطـيـر
كـل همـه يبـي المنصـب ولـو بالنصابـه= كـــل شـــيٍ يبـيـعـه مـيّــت للـضـمـيـر
وكــل هـــذا يـفـسـر وضـعـنـا بالخـيـابـه= مـن فسـاد نشوفـه فـي كبيـر وصغـيـر
الطائر المهاجر
صح لسانك حتى ترضى
على هذه القصيده الاكثر
من رائعه والشكوى لله نعم
هذه حال الكثير من العرب اليوم
تحياتي لك اخي الفاضل لافظ فوك

[نجم الإبداع]

الله يصلح الحال يابو عبدالله

وصح لسانك دكتورنا الفاضل

تقديري

[ساهر الليل]

الله الله ياعووود صح لسانك يا شيخ
تنفس واقعي من وضع مرير
اشهد انك ماقلت الا الصحيح
الله يغفر لنا ويرحمنا,,,,,,

تقبل تحياااتي وتقديري

[محمد بن عمار]

الشاعر المتألق
والمهااااااااااااجر المحلق
صححححححححححححح
كلك كلك كلك لين ترضى
وعش رجبا ً ترى عجبا ً...!!