تستدير الـــدايره

[الآكيد]

بعد غيابه عام جاءينذر نذير = سيل(ن) جرى من راس ذيك العايره
شعر(ن) جزيل(ن) في ضميري مايحير = تدور دوراتي على غزايره
يعني على ماقيل لازم تستدير= على ضميرك تستدير الدايره
مرسومنا باالهندسه رسم(ن) كبير= هذا الخبر وبدايته بشايره
مادام وضعك فالهوى وضع(ن) خطير =واخبار ناس(ن) لاجل زولك سايره
سويت نفسك فالبلد مثل الوزير = حولك جماهير(ن) تصفق ثايره
كشرتي النيبان والفم الصغير= صرتي سوات الذيب عينك حايره
لو تملكين من الحلا شي(ن) كثير= بالمختصر قوسين يعني بايره
ولوتملكين المال والخير الوفير=وحسابك البنكي يجيب الطايره
غرور نفسك قايدك حبل المصير =والنفس تخطي والمنايا صايره
خالد عتيق(ن) فالهوى رجل(ن) خبير= شوفي عروق الدم عنده فايره
خلاصة الموضوع والشرح القصير= روحي مراح امقيط بنت(ن) جايره
=خالد عتيق النفيعي

[الطائر المهاجر]

خلاصة الموضوع والشرح القصير
روحي مراح امقيط بنت(ن) جايره
صح لسانك يالقرم
جزل ومتمكن
لاهنت
تحياتي وودي

[الطامي]

العتيق
صح السانك ملايين
رائعة جدا
لاهنت اخي

[منيع]

اكثر من رائعة
وسعداء بعودتك
تحياتي

[داعي الشوق]

يا مرحبا يا بو عتيق

و الحمدلله على السلامه

و عاش من شافك

و صح لسانك يالشاعر

و دمت بخير

و يا هلا بك من جديد

[نجم الإبداع]

ارحب ياخالد

وصح لسانك على المصافحه الجزله

لاهنت

تقديري

[عبدالمحسن الرحمه]

صح السانك وعلشانك قصيدة جزله ودي وحترامي

[عبدالإله]

كتبت فأبدعت

و تألقت

صح السانك مداد


@@@@@@@@

[الشارخي]

حبك وسبك معاني جميله
صح لسانك
ولاهان راسك
ودي وتقديري

[الخنساء]

ولوتملكين المال والخير الوفير

وحسابك البنكي يجيب الطايره

غرور نفسك قايدك حبل المصير

والنفس تخطي والمنايا صايره

صح لسانك ولاهنت

دام بوحك