( مـعـاناتي مع موظف حـكـومي )

[حي الضمير]

خالد اللي ويل حالـه جـاه بالصـدر احتـراقمـن موظـف بالحكومـه يابونـوره مكسلـه

به عنـاد وبـه تكبـر شـوف عينـي مايطـاقلامبـالـي وغـيـر منـتـج والـنـظـام يـــدلله

في يمينه كاس يغلـي ريحتـه حلـو المـذاقوالجسـم عظمـه رقـاق والعيـون مـزغلله

والشماغ اخر موديـل خـط مرزامـه دقـاقمثـل فرجـارآ تشوفـه فـوق راسـه منقلـه

الجرايد قـدًم عينـه يشـرب الشـاي بـرواقوالملـفـات بيـسـاره حــول مـتـرًًً باطـولـه

وبينـك وبينـه حواجـز كنـك اللـي بالـعـراقماتقـول الا المـراجـع فــي جيـوبـه قنبـلـه

الملـك مفتـوح بابـه وان بغيتـه لـه تـسـاقوهـذا طرطـورن منتـف دوم بـابـه يقفـلـه

وان زهمته زاد صمته عقد الحاجب وضـاقكـنـك تقاسـمـه رزقــه والا جــاي بتقتـلـه

والله اني حول ساعه يمكـن اكثـر يارفـاقبين روحه وبين جيه ماعرف كيـف اوصلـه

لعنبـو حيـه تعبـت وصابنـي مـنـه اختـنـاقان شكيتـه مشكـلـه وان تركـتـه مشكـلـه

مادريـت الازميلـه مـن علـى الشبـاك واققلت هـذا لـي رحـوم وبـه سلـوم ومرجلـه

واثره اردى من زميله عـل شوفـه للفـراققــال وشـبـك يالمـراجـع لاتـثـيـر البلـبـلـه

ويتبـجـح بالنـظـام ولــو يطـبـق بـالـرفـاقالمـؤهـل مايحـطـه غـيـر عـامـل مغسـلـه

وبين كيف وليه واين ربـع ساعـه ثـم فـاققـال خلـص هالـدوام وهيـت باكـر وازهلـه

ومر باكر واللي عقبه وابسط حقوقي تراقمطلبي هـو رقـم قيـد وعشـرة ايـام اجلـه

اتعبونـا وارهقونـا يـاعـرب وش عــاد بــاقالوضـع بالحيـل مــزري والرقـابـه غافـلـه

واكثر اللي بالحكومـه شغلهـم بـرا النطـاقوسوء اداره مع فسـادً والعمـل فـي بـهلله

ادهـن السيـر وتعلّـم كيـف تضبـط للعنـاقوالخطاب اللـي بيمينـك فـي ثوانـي يعملـه

واللي يمشي بالنظام حط ساقً فوق سـاقباخـر السيـب متعكـف مابـه احـدً يسـألـه

والخلـل واضـح علاجـه لوتشـدون الـوثـاقللـحـوافـز والـعــلاوه باللـيـالـي المقـبـلـه

وحطو تقييم ونقاط واتركوهـم فـي سبـاققبـل ماتـخـرب ثقـافـة مجتمعـنـا باكمـلـه

[الطائر المهاجر]

صح لسانك يالقرم
جزل ومتمكن
لاهنت
تحياتي وودي

صح لسانك ويعطيك العافيه

تحياتي

[حي الضمير]

المشاركة الأصلية كتبت بواسطة الطائر المهاجر

صح لسانك يالقرم
جزل ومتمكن
لاهنت
تحياتي وودي

صح بدنك استاذي ابوعبدالله
ومرورك وكلماتك وسام على صدر مغليك
تحياتي لك

[الطامي]

خالد الحمد
صح السانك ملايين
رائعة جدا جدا
لاهنت اخي

[طوفـــان]

صح لسانك شاعرنا خالد

والله يكووون في عونك ، عندنا وعندك خير ، ياما وياما تجدلنا مع هالشاكلة من الموظفين ..

الدعوة ضايعة إلا من رحم ربك ،،


صح لسانك مرة أخرى وطرح رائع وواقعي ، لك كل التحايا أخي الغالي على طرحك

دمت بخير

[محمدالحارثي]

صح لسانك ابيات صادقه
والكل يعاني من الاسلوب الغير اخلاقي
من موظفين مهملين
الله يعينك ويسهل امرك
تحياتي

[منيع]

لم تغادر الحقيقة
ابيات رائعة ومعبرة
شكرا لك
تحياتي

[كظيم]

حي الضمير

سلمت وصح لسانك
قصيده جزله ووافيه ابدعت فيها يالغـلا
ترجمت واقع مرير
استمتعت بما وجدت .. وتأملت بين السطور
ويالله عفوك
تقبلني وتقبل مروري المتواضع لاهنت
ودي وتقديري

[سعيد عوده الحويطي]

صح لسانك خالد الحمد على هذه القصيدة ا لهادفة والتي بينت فيها سلبيات بعض الموظفين الذين لايخافون الله في الناس ولا يحللون رواتبهم شكرا لك على هذا الابداع. وتقبل تحياتي