دمع الفرح بارد و دمع الحزن حار ..!

[سعد السحيمي]

بسم الله الرحمن الرحيم









متواضعه اتمنى تنال اعجابكم

إذا تـراكـم ضيـقـي و صــرت منـهـارماهـو يسلّينـي سـوى نظـم الاشـعـار

آشـعـر لـيـا مـنـي كتـبـت القـصـايـديـزول ضيقـي غيـر ضيقـي لــه ادوار

الـى غـدت ضيقـه يجـي بعدهـا ضيـقيعنـي يجـي للضيـق فالـصـدر تـكـرار

و لا اعتـرض والحـزن شـي ٍ مـن اللهولــو للـحـزن نسـبـه و للهم مـعـيـار

ان اصبح اكبر صدر في الوقت ضايقو اعظم رجل يصبر على حكم الاقدار

و الحـمـد لله يــوم مانـيـب شـكّــايالاّ على اللـي مجـري ٍ سُحْـب وانهـار

لو قلـت مافينـي علـى فـلان وفـلانان ما تشمّت بي فضـح كـل الاسـرار

وش لـي بشكـوى مـا وراهــا فـوايـدشكـوى لغيـر الله هـي الـذل و العـار

وتـرى الشعـر مثـل الحـرار العديـمـهو الحـر الاشقـر مـا يبـي غيـر صـقـار

الـشـعـر يـامــا مـوهـبــه او وراثــــهو الله يعطـي مِـن عبـاده مَـن اختـار

و الشعـر عنـدي ترجمـه للاحاسيـسآترجـم اللـي فالحشـى و العـقـل دار

ورثٍ من آجـدادي و أبـوي و عمامـيمـن قـوم لا ذِكْــرَوا يقـولـون شـعّـار

مانـيـب مستعـشـر ولانـيـب جـاهــلوعلى الحسـد والحقـد والغبـن صبّـار

و اللـي تكـبّـر لــه مـذلـه و حـقـرانو اللـي تواضـع لــه مـعـزه و مـقـدار

حـتـى لــو ان الـلـي تكـبّـر قـصـيـدهمحفوظ فاذهان العرب بيـن الاقطـار

ينـزل مكانـه كـل مـا صــار مـغـرورو يـرفـع مكـانـه لاتـواضـع واذا صــار

مـتـقـبـلٍ لـمـلاحـظـات الـجـمـاهـيـرمـاهـوب لاقـالـوا لــه مْلاحَـظَـه ثــار

و الـلـي بيغـضـب لا نُـقـد مــا تعـلـملن الخطـى وارد علـى كبـار و صغـار

ليش الغضـب و المسألـه كلهـا شعـرالفـايـده تكـمـن بـوجـهـات الانـظــار

و ياطيـب نقـد المحـتـرم و المثـقـفوالنـقـد ياشيـنـه مــن لْـسـان ثـرثـار

والحـب بحـر ودون سـاحـل و ميـنـاءبـحـرٍ غـزيـر وفـيـه لـولــو و مـحّــار

وثلـث اللـذي فـي غبّتـه عـام مـاعـادياكثـر مـن عـامـه وهــو غـيـر بـحـار

و الصـدق احلـى شـي بيـن المحبـيـنو اللي كذب في الحب خايـن و غـدار

و اللي عشق من قلب ماهوب ناسـيو ماهـوب شـرط مقاربيـنٍ بالاعـمـار

و يـاعـزتـي لـلــي هــــوى لجـنـبـيّـهان عاش .. متعذّب و كبده علـى نـار

و تـرى الوفـى موجـود بيـن الخـلايـقلـكـن وفــيٍ واحــد بـعـشـرة انـفــار

و الصاحب الوافي معي وين ما كنـتأألّــــف الــيـــا زل و آدوّر آعـــــذار

ماقول له وشفيـك زليـت و آخطيـتحتى ولو يخطـي علـى عشـرة أمـرار

أسامحـه مـن طيـب راسـي و ذاتــيوآسكت وما كِن شـي مـا بيننـا صـار

و ان جـاب طـاري زلّـتـه بـعـد مــدهآقـول كيـف الحـال وشلـون الاخـبـار

طبـيـعـةٍ فـيـنـي ابــــد مــــا تـغـيــروالـلـي وهبـهـا عـالـمٍ كــل الاســرار

و راعـي الطبيعـه مـا يخلـي الطبيعـهو راع الوفـى ثابـت ولـو الزمـن جـار

وترى الدمـوع انـواع ضيـق و سعـادهدمـع الفـرح بـارد ودمـع الحـزن حـار

و صلـوا علـى خيـر البشـر و النبيـيـنمحـمـد الـهـادي عــدد طـايـرٍ طــار ٍ

وسلامتكم
اخوكم / سعد السحيمي

[عبدالله الدخيل]

سعد السحيمي

سبق لي قراءة هذه الجميله

لكن ما يمنع اني اقراها مره ثانيه واشجع واصفق لهذا الابداع

صح لسانك يا سعد للمره الرابعه

واقبل
ودي واحترامي

[داعي الشوق]

صح لسانك يا سعد

قصيدة جزله و جميلة

ولاهنت يالشاعر

وصح لسانك

[الطائر المهاجر]

بوح رائع من شاعر رائع
لاهنت ولاهان مغليك
صح لسانك مليون
تحياتي العطره

[النداوي]

صح الله لسانك وكلك
ولاهنت
رائعة تستحق الإشاده
تقبل أجمل تحياتي

[عبدالله الشويمان]

صح السانك يا اخ سعد

قصيده طيبه من شاعر اطيب

دمت بخير ولا هنت

[عبدالعزيز العمار]

صح لسانك ياسعد

جزله من جزل ابدعت في صياغتها وحبكها

تحياتي لك

[كظيم]

سعد السحيمي
سلمت يالغـلا
وصح لسانك وفكرك وكلك
انا اشهـد انها قصيده كايفـه
ابدعت في عزفهـا يالغـلا
لله درك
تقبلني وتقبل مروري المتواضع لاهنت
ودي وتقديري

[عبدالعزيز الرقابي]

صح لسانك ياسعد على هالقصيدة الجزله
تقبل مروري المتواضع

[منيع]

اكثر من رائعة
تحياتي لكم