الناس مافيهم صديق مثالي

[منيع]

الابيات تعبر

اقول لاجارت عليك الليالي=ولاشفت منهو بالمودة يصافيك
وضاقت وساع افجوجها والمجالي=وتنكرالصاحب ولاحد يداريك
وصد القريب ولاحصل لك موالي=وبقعا من انواع المصايب توريك
ازبن على الواحد عزيز الجلالي=مفتوح بابه عن خلايقْه يغنيك
رب عظيم ومدتة بالجزالي=الجود جودة والمخاليق توذيك
يعطي بلى منّه وليّا سوالي=غيث على خلقة ولافية تشكيك
الناس مافيهم صديق مثالي=خو همة عليا الى ازعلت يرضيك
يتصيد الموقف عساه الهبالي=وانت على بالك خويك مخاويك
يقطعك من وقت اموره اجلالي=صارت على قلب المعنا دواكيك
تقطعت من جور سلمى حبالي=ولاخاب عبد ياالهي يناجيك
تقديس للرحمن في كل حالي=منه الفرج لازاد دربي شرابيك

تحياتي لكم

[الطامي]

يقطعك من وقت امـورة اجلالـي
صارت على قلب المعنا دواكيـك
تقطعت من جور سلمـى احبالـي
ولاخاب عبـد ياالهـي يناجيـك
،،،،،،،،،،،،،،،،،،،
بو حمد
صح السانك ملايين
بدعت فابدعت واجدت لافض فوك اخي
شكرا لك

[عبدالعزيز العمار]

صح لسانك يامنيع

رائعه بكل مافيها

تحياتي لك

[الطائر المهاجر]

بوح رائع من شاعر رائع
لاهنت ولاهان مغليك
صح لسانك مليون
تحياتي العطره

[عمر ال شيبي]

الناس مافيهـم صديـق مثالـي

خو همة عليا الى ازعلت يرضيك

يتصيد الموقف عسـاه الهبالـي

وانت على بالك خويك مخاويـك

هنا مربط الفرس
صدقت

صدقت واحسنت القول
صح لسانك لا هنت

[سمّار]

الناس مافيهـم صديـق مثالـي
خو همة عليا الى ازعلت يرضيك

صح لسانك وجاد بيانك
روعة انت راعيها
وطيبه انت اهلها
لاهنت ولا هان منطوقك
ودي وتقديري

[داعي الشوق]

بيض الله وجهك يا منيع

قصيده وافيه بمعانيها الساميه

صح لسانك مدد يا مبدع

ولاهنت

[غلا الدنيا]

صح السانك رائعه

[الراقي]

سلمت يمينك
وصح لسانك
تحياتي لسموـو شخصكـ
وتقبل كل التقدير
*

[الهويشل]

كتبت فأجدت
صح لسانك الف
جزيل الشكر
وارق التحايا