منــــــــاكبه كنــــها بشوت الطحـــاطيح

[عناد الرواد]

يـا مـل قلـب ٍ تطربـه ريحـة الشيـحعلـى زمـان ٍ قـدّم الطيـب وانــزاح

من جـاد حظـه نـال طيـب وتماديـحومن بار حظه عذربوا فيه ثـم طـاح

واقــع نعيـشـه بـيـن هــم ٍ وتجـريـحولا به أحد مـن تالـي الوقـت مرتـاح

لا وآهنـا اللـي مسعـد البـال ومريـحاللـي يــذوق الـنـوم وايـامـه امــلاح

ضاقت علـي افجوجهـا والصحاصيـحوفريـت افكـاري كمـا فــرّ مسـبـاح

كني ظماوي يمشـي الـدرب ويطيـحالمـوج جرفنـي علـى خمسـة الـواح

يـا طيـر يلـي مـا تـعـرف المـلاويـحلا توحـي التعلـوم يــا صــرت ذبــاح

يابومـنـاكـب والـمـوامـي مـنـاقـيـحشبح ولـك هيبـه علـى كـل الاشبـاح

جثـل الثنـادي والمخـالـب طـواريـحعريـض كـف ولبـرق الريـش بطـاح

مناكـبـه كنـهـا بـشـوت الطحاطـيـحوعينه صليب ودرع واسيوف وارماح

صيدك من الجزلات مع فجّة الضيـحماهيب صفّة ريش في راس ملـواح

افجـح جليـل يشـرّح الـربـد تشـريـحرمـح الردينـي فـي مخالبـك جــراّح

لـطّــام حـطّــام ٍ بـعـيـد الـمـراويـحبـالـجـو لـحّــاق ٍ وبـالـقـاع نــطّــاح

تخمـهـن خــم الـسـيـوف الـذوابـيـحواتخضـب الكفـيـن والــدم منـسـاح

ابيـض نـحـر يشّـبـح الـكـف تشبـيـحعليـه بشـت الثلـج مدقـوق بـوشـاح

عينـه جمـر يوّضـح الشـوف توضيـحرادار للمـبـعـد كـمــا الـبــرق لا لاح

لا هد أخذ هالربـد مـن عقـب تمريـحضافي شليل امسرول الساق جـراح

بـرق الدواغـر فـي يميـنـه مسابـيـحهيـبـه تـقـل صــدام لاقــام يـجـتـاح

حـوّاش عـمّـاش ٍ بعـيـد المشـاويـحومـن كـثـر ماحـبـه مسمـيـه درداح

يـا زيـن هـده عقـب رش المـراويـحفـي خايـع ٍ للصيـد مـا جــاه طــرّاح

هــداّف دوري دون ركــلاّت ترجـيـحصعـوط ٍ امهـبّـل للطوالـيـع صــدّاح

فــرخ ٍ عـديـم ولا يـعـرف التبـاريـحاللـي مشاويلـه تـقـل نــار واســلاح

ياطيـر خليتـك علـى مجرهـد السيـحالسبق ملك وانـت مـا عـدت مرتـاح

ارقـا علـى روس الحـزوم الملافيـحعفتك بعد ماشفت فيك الحزن صاح

من يوم شفتك في اديـن المشافيـحتفشخـروبـك وانقـلـك كـــل مـــزّاح

ارخـوم يخشـون الفلـس والزحازيـحقطاعـة الارحـام يــا جعلـهـا الـمـاح

قـلّابــة الـنـيّـات شــرّابــة الـقـيــحأكـاّلـة المـيّـت مناكـيـف واشـحــاح

اللي لهم عند اهـل البشـوت تصريـحاكلاب سفره تطحن العظـم لا طـاح

ياطيـر شفنـي طـاوي البيـد والريـحاسـري مـع النجمـات والهـم سـراح

أسـآهــر ادلالـــي و اردّ الـمـفـاويـحعـل ّ الـدلال اتفـوح والبـال ينـسـاح

الهيـل والمسـمـار فـوقـه مطافـيـحكيف ٍ جديد ٍ ما حلـى الكيـف لا فـاح

فـي ليلـة ٍ فيـهـا النـجـوم المدابـيـحفي قفرة ٍ تسمـع بهـا الذيـب لاجـاح

اخميعـة ٍ عنـدي تـسـاوي مفاطـيـحوشـويـة ٍ للـصـيـد مـاتـبـرح ابـــراح

يـا مـا رياجـيـل ٍ عـلـى هـبّـة الـريـحراحوا وطـي بالقـاع فرتـاح ياصـاااح

مـاكـل رجــل ٍ تحسبـونـه شلـيـويـحالـعـيـب بـالـرجـال لا زاد مــــا راح

اكذب دمـوع ٍ هـي دمـوع التماسيـحوانا دموعي اهمـوم وآهـات واجـراح

اضحك واجامل لودموعـي مسافيـحواكتم وجع قلبـي سكاكيـن وارمـاح

من خوف لا يدرون نـاس ٍ مفاضيـحتصبح همومـي عندهـم عيـد وافـراح

ويامـل قلـب ٍ تطربـه ريحـة الشيـحعلـى زمـان ٍ قـدّم الطيـب وانــزاح

[سمّار]

الله الله ياعناد الروادصح قلبك عساني ما اعدمك
رحلة ماتعه في هذه القصيدة الفارعه
هنا الشعر كله هنا الاصالة كلها هنا المقناص هنا الكيف هنا الوصف هنا الكلمه والشطر والبيت والقصيده

صحّ لسانك وقلبك
ولاهنت يالجزل يالفصيح يالاصيل على هذه الباذخة الفارهة
تقبل مروري واعتذر عن تقصيري ولك شكري وتقديري

[الخنساء]

صح لسانك مليوووووووووون ولا يكفون

قصيدجزلة من شاعر متنكن

سلمت ودام حرف

[منيع]

مبدع وجزل
رعاك الله
ودي وتقديري

[الطائر المهاجر]

جزله من راس جزل
صح لسانك واعتلى شأنك
ولاهنت
تحيتي واحترامي

[سناعيس]

صح لسانك وبيض الله وجهك
قصيدة جزله من شاعر جزل
لاهنت

تحياتي

[الطامي]

ياطير خليتك على مجرهـد السيـح
السبق ملك وانت ما عـدت مرتـاح
ارقا على روس الحـزوم الملافيـح
عفتك بعد ماشفت فيك الحزن صـاح
من يوم شفتك فـي اديـن المشافيـح
تفشخروبـك وانقلـك كـل مــزّاح
ارخوم يخشون الفلـس والزحازيـح
قطاعة الارحام يـا جعلهـا المـاح
قلّابـة النـيّـات شـرّابـة القـيـح
أكاّلـة الميّـت مناكيـف واشحـاح
اللي لهم عند اهل البشوت تصريـح
اكلاب سفره تطحن العظم لا طـاح
،،،،،،،،،،،،،،،،،،،،،،
الرواد
صح السانك ملايين
كلام واقعي الله يخارجنا من صقارين هذا الوقت
شكرالك

[روح الشعر]

صح لسانك ياعناد

جزله من جزل

لا هنت على طرحك

[داعي الشوق]

سلمت وصح لسانك مليوون ولاهنت

ابداع شاعر جزل

معنى و مبنى

صح لسانك مع التقدير لك اخي عناد

[فارس القوافي]

الله الله ياعناد

صح لسانك ولاهنت

يعطيك العافية

وافيه من وافي

دمت بخير