كنت احسب اني ..الحب في طنجه (بالصوت)

[الطائر المهاجر]

كنت احسب إني فالهوى خوش صيّاد = حتى لقيت إني من البيض مصيود
عـزّي لحـالي كيف قـادنني قيـاد= مثل البعير اللي الى الحتف مقيود
او مثـل مسحورٍ يبي عطف الاسياد = بين اليمن وعمان ما حصل الفود
قـالوا عليـك بديرةٍ ليلهـا اعيـاد = في مجمع البحرين تلعب بها الخود
تلقـى بهـا للسحـر حـلاّل عقّـاد = وتلقى بها ريمٍ على الحب مولود
وطبّيت طنجـه والمخـاليق برقـاد = إلا غـزالٍ شاردٍ تقـل مطرود
من نظرةٍ فكّت سحر من زمن عـاد = ومن نظره اخرى اوقعتني بالاخدود
يا نـار سحـره ارحميني بالابـراد = ما ظنّي اتحمّل ترى الجسم مهدود
قالت خليجي!! .. قلت من قبل الاجداد = قالت وش اللي جايبك؟ قلت محدود
مسحور جاء يبحث عن علاج بالكاد = لكن وقع في سحر ريانة العود
قالت : "كذا انتم .. ياأهـل ذيك البْلاد = يا سرع طيحتكم بلا بذل مجهود"
"من يـوم واحدكم يرى بنت ينصـاد = وتضحك عليه البيض والشقر والسود"
"ولـو هو تفكّر وافتهم كل الابعـاد = يلقى بنات آدم سوا بكل مردود"
"انصحك ترجع ما لك اليـوم مقعاد = ليّا تطيح بْورطةٍ مالها حْدود"
"مع وحدةٍ تمشي على الأرض بافساد = تنقل لك الأيدز ولا علاج موجود"
وحسيت حب الريم بالقـلب يزداد = قلت الصراحه سحرك اليوم في زود
غيرك فـلا فكّرت يابنت الاجواد = واللي تبينه حاضر بْعرس مشهود
قالت : "ترى غلطان تحتاج لارشاد = بنت الأصل ما تطلع لْخارج حدود"
"تاخـذ قريبٍ لـو فـقيرٍ وصيّاد = وتْعـاونه بالشغل ما فيه منقود"
"من يبتعـد عن ديرته ما بها انشاد = بومٍ تركه الطير عن عمد مقصود

[ابو أنس]

المشرف العام..............
جميلة ووافية صافحتها بعد انقطاع يسير
فكانت بمثابة القرى والضيافه. تحمل درسا وتوجيهات يعقلها كل ذي لب
شكرا لك على تلك وغيرها
لك تحيتي وشكري

[الريم]

صح لسااانك مشرفنا قصيده راائعه

	"من يوم واحدكم يرى بنـت ينصـادوتضحك عليه البيض والشقر والسود" "ولو هو تفكّر وافتهـم كـل الابعـاديلقى بنات آدم سـوا بكـل مـردود"

صح لسانك يامبدعنا

مـشـرفي .. الـ عــام ..


كـتـبـتَ ..


فـ .. أبـدعــت ...


صـ لسـانـكـ ـح ..


مــدد .. بـ .. لا .. عــدد ..


دمــتَ .. كمـا .. أنــت ..


بـ انتظـار .. الـ مـزيـد ..


رائــدي ..


..

[أصالة تميم]

ايه والله صدقت ...

وهذا بلا ابوك ياعقاب......... ؟؟

[نجم الإبداع]

الله عليك يامبدع
فعلا قصيده تأسر الألباب
وفكر مترامي الأطراف
ماشاء الله

صح لسانك وسلم نبظك

تحياتي واحترامي

[يزيد النمي]

الله عليك يابو عبد الله

صح لساااااانك واعتلا شانك

قصيدة رائعة وجميلة من شاعر فحل

[سهيل الشمري]

ايه يابو عبد الله

تعجبني باسلوبك

لك الود وصح قلبك



سهيل

[سناعيس]

الطائر المهاجر

صح لسانك الف وكان تبي أكثر بعد تستاهل يالله قوقل
والله لايهينك على هذه الغزلية والمبطنة بالنصيحة التي سوف يكون وقعها أقوى على المتلقي كما خططت لها أنت أيها الشاعر المتنوع فلك الشكر

لله درك وتقبل تحياتي