قالت حلم يا طير

[عمر ال شيبي]

قالت حلم يا طير وخذ التفاصيل =اول باول حال وانت بعليمي
وردن حمار اللون بين المزاعيل = يقلب سواد البين مس النديمي
فوقه سبع طيران رف المساهيل = لا من تحقه العين حمي الدميمي
لا جت وناسة كيف شرب الفناجيل = مع دقة المهباش حول التميمي
مثنى وثلاثه ادوار حق الرجاجيل = شم البخور اذكار رب ٍ رحيمي
ما هو زواج اوهام لجل المراحيل = طيفه غدا مقبال قلبن سليمي
هات العلم يا طير هات المراسيل = تكفى ترى بالبال شي ٍ قديمي
راعي الوفا ينصاك قلبه تراحيل = صوب الشرق والغرب هويا الشميمي
حمله تزايد هم حظه محاميل = يسهر مع العجيان فاقد لريمي
لاْربع عشير الحيد رد المجاميل = فك الربيط اللي يصد الحريمي
ناره طليب الكاس حرّ المحاصيل= لا جت على المنوال همس الحميمي
وسعل نجوم الليل وش بالمناحيل = تلقى القمر دواس ليل ٍ عتيمي
هذا الحلم يا زين عجل تئاويل = بيدك خلاص الروح زيح الغميمي

[الطائر المهاجر]

حلمك بعيد ولا نفع به درابيل = والعالم الله صار دربك وخيمي
اما يجرك نحو درب المهابيل = والا سلمت ولو فؤادك سقيمي
تحتاج ترقى شاهقات المعازيل= ثمن تطب وبعدها يانديمي
اما سلمت وطرت مثل الحواقيل= ولا تكسر كل عظمٍ سليمي
ترتاح من دنيا هموم وغرابيل = وعلى جهنم خالدٍ ف الجحيمي

[روح الشعر]

قصيده جزله ياعمر

محبوكه ومسبوكه


صح لسانك

[عمر ال شيبي]

المشاركة الأصلية كتبت بواسطة الطائر المهاجر

حلمك بعيد ولا نفع به درابيل = والعالم الله صار دربك وخيمي
اما يجرك نحو درب المهابيل = والا سلمت ولو فؤادك سقيمي
تحتاج ترقى شاهقات المعازيل= ثمن تطب وبعدها يانديمي
اما سلمت وطرت مثل الحواقيل= ولا تكسر كل عظمٍ سليمي
ترتاح من دنيا هموم وغرابيل = وعلى جهنم خالدٍ ف الجحيمي

الله عليك يا مريّح البال
ههههههه

رد جميل من اعجاب القول

صح لسانك وصح قلبك

كل هقوتي يا زين سلم المعازيل = مالي هوى بالحيل درب الرجيمي
يوم العمر لا طال قلتم غرابيل = احمد ربيع النور ما لي ب سويمي
ون كان سوم الشيب لجل التساهيل = اغفل عن اللي نايباتن حويمي
بيني وبينك روح عطر المناديل = لا جت عقب مشهات قطت غريمي

[عمر ال شيبي]

المشاركة الأصلية كتبت بواسطة روح الشعر

قصيده جزله ياعمر

محبوكه ومسبوكه


صح لسانك

صح قلبك يا زين الردود
وسلمت
لا هنت

[نجم الإبداع]

ياسلام عليك عمر

صح لسانك مليون

محبوكه

لاهنت

تقبل موري

وتقديري

[سمّار]

صح لسانك وقلبك عمر
قصيدة طيبه من راس طيب
لاهنت

[عمر ال شيبي]

المشاركة الأصلية كتبت بواسطة نجم الإبداع

ياسلام عليك عمر

صح لسانك مليون

محبوكه

لاهنت

تقبل موري

وتقديري

سلمت يا بعدي

وهلابك دوم وصح قلبك

[عمر ال شيبي]

المشاركة الأصلية كتبت بواسطة سمّار

صح لسانك وقلبك عمر
قصيدة طيبه من راس طيب
لاهنت

منكم الطيب زود مقبال
هلابك دوم وصح قلبك

[منيع]

رائع ياعمر وعليك بنصيحة الدكتور تراها مفيدة وسريعة المفعول هههههههههه
تحياتي لكم