اعمل المعروف وارمه في بحر

[الطائر المهاجر]

اعمل  المعروف  وارمه  في  بحرولا   تفكر   بالربح   والاّ   الخساره

واعرف  انه  لو  يجي  منه  الضررجالبٍ   للخير   لو   طال   انتظاره

ادري  انك   قد   تواجه   من   نكرجاحد  المعروف  يحسبها   شطاره

وقد  تلاقي   من   يبادرك   الشكرلو   نسيته   دايمٍ    فيك    افتكاره

كلمةٍ    تشعر    بها    عز    وفخرمن   بعيد   وجاهل   ملفى   دياره

تذكرك عن فعل في ماض  انحسروتدفعك  للخير  ما  تترك   مساره

وكلمةٍ   من    جاهلٍ    فيها    عبرلو  تحس  بحرقها   مثل   الشراره

تدرك   ان   الخلق   إلا    ما    ندرتجحد المعروف في عصر الحضاره

تكشف   الشدات    انواع    البشروتعرف  الشيهان  واشباه  الحباره

فالرجل   ماهو   بماله    لو    كثرولا  هو  بأصله   وفصله   وافتخاره

الرجل  مثل  الذهب  طول   الدهرما   تأثر    بالبروده    و    الحراره

والرجل   منهو    تسامح    لااقتدرماهو  اللي   كل   همه   اخذ   ثاره

شعبثيٍ   ف   المشاكل   له   نظركل  يومٍ  في  المحاكم  له  خفاره

ينصر الظالم  على  ضعيف  احتقروياكل  حقوقه   بظلمه   والفجاره

والرجل   بالفعل    ماهو    بالظهرياصل   لعلياه   عن   جد   وجداره

حوله   رجالٍ    تنقى    في    حذرمابهم   خادع   ولا   فيهم   خكاره

كالمرايه     صادقه     للي     نظرما   تشوه   للحقايق   في   مهاره

الوطن     بقلوبهم     سر     وجهروالمواطن  همهم  في   كل   غاره

والرجل  من  يعرف  الله  ما  كفردائماً  يخشاه  في   السر   وجهاره

ما   يتاجر    بالعقيده    لو    طفرولا  ينافق  شان   ياصل   للصداره

التواضع     منهجه     مهما     كبرما    تغيّره    المناصب    والتجاره

عارفٍ   للعمر   لو   طال   وقصربالنهاية    راحل     بغير     اختياره

[داعي الشوق]

يا سلام عليك يا بو عبدالله

التحاليل جابت قصيدة اجل :d

لله درررررك يا دكتور

قصيدة وافيه و جزلة بالحيل

و صح لساانك و قلبك

ولاهنت

**********

[الطامي]

تكشـف الشـدات انـواع البشـر
وتعرف الشيهان واشباه الحباره
فالرجل ماهـو بمالـه لـو كثـر
ولا هو بأصله وفصله وافتخـاره
الرجل مثل الذهـب طـول الدهـر
مـا تأثـر بالبـروده و الحـراره
،،،،،،،،،،،،،،،،،،،،،،،،،،،،،، ،
الطائر
صح السانك عدد بلا مدد
رائعة جدا وهادفه
لافض فوك اخي
شكرا لك

[ماجد الراشد الهيري]

وانا اشهد
صح لسانك واعتلى شانك العالي
ماشاء الله قصيده بحرفة شاعر متمكن ونص يجبرنا على العوده له دايم
لاهنت اخوي

[حي الضمير]

صح لساااااااااااانك وفكرك يابوعبدالله
قصيده رائعه وابدعت ياحكيم
سلمت يمناك

[منيع احمد القرني]

المشاركة الأصلية كتبت بواسطة الطائر المهاجر

الله الله اجدت سبك وحبك
معنى ومغنى
لله درك ابو عبد الله

[بدر العيد]

اعمل المعروف وارمه فـي بحـر
ولا تفكر بالربـح والاّ الخسـاره
واعرف انه لو يجي منه الضـرر
جالبٍ للخير لـو طـال انتظـاره

الـــــلـــــه الـــــلــــــه الـــــلــــــه

مبــــــدع دائماً يابو عبدالله

صــــــح لـــــــسانك وبيض الله وجهك

[صعبة المنال]

والرجل من يعرف الله مـا كفـر
دائماً يخشاه في السـر وجهـاره
ما يتاجـر بالعقيـده لـو طفـر
ولا ينافق شان ياصـل للصـداره
التواضـع منهجـه مهمـا كبـر
ما تغيّـره المناصـب والتجـاره
عارفٍ للعمر لـو طـال وقصـر
بالنهايـة راحـل بغيـر اختيـاره


والنعم فيه

صح لسانك وحرفك

صعووووب

[منيع]

كل الروعة والابداع
كل الشكر والتقدير لكم
تحياتي

[عبدالعزيز العمار]

صح لسانك وجاد بيانك

جزله يالعود وهادفه

ابدعت وامتعت ولاهنت

تحياتي لك مع التقدير