تكثر سكاكيـن الجمـل ,,,,

[حرف وشعر]

عييت من كثـر الحيـل=ياعالم (ن) مابك حيات
تهاونـت فيـك الـدول=وتلاعبت فيك الطغـات
كنا نري فيـك الامـل=لين الامل عـي ومـات
200 عـام ولايـزل=حالك يشرذمه الشتـات
مغلول لاحيـل وحـول=محصور من كل الجهات
تكاثـرت فيـك العلـل=واليوم وافتك الوفـات
تم التشـرزم واكتمـل=عزي لحـال الباكيات
تكثر سكاكيـن الجمـل=لاطاح من بعد الثبـات
صحيح ماقـال المثـل=شفناه بالواقـع ثبات
هـذي تدابـيـر الازل=الثابته فـي العاديـات
كنا علـي راس الجبـل=واليوم في قعر الصفات
لاعـز لاهيبـه أجــل=لاصيت لا فخر(ن) وذات
عزاه ياوقـت الخجـل=افظل لنا نرجع حفـات

[عمر ال شيبي]

نرجع حفاة


الله عليك


صح لسانك لا هنت

[الطائر المهاجر]

تكثر سكاكيـن الجمـل
لاطاح من بعد الثبات
صحيح ماقـال المثـل
شفناه بالواقـع ثبات
صح لسانك
ولا هنت
تحياتي

[كظيم]

حرف وشعـر
يعجز الفكر والقلم عن التعبير
والاشاده بهذه الشامخـه
فـ/هنـا نص جزل حمل في طياته الكثير
من المعـاني والفكر النيّـر في جميع احرفه
فـ/ صح لسـانك وفكرك يالغــلا
ابدعت لله درك
تقبل مروري المتواضع واعجابي لاهنت
ودي وتقديري

[عبدالله الدخيل]

حرف وشعر
محمد ال عمران/شاعر

صح لسانك وبارك الله فيك
قصيده جزله من جزل

واقبل
ودي واحترامي

[احمد الفارس]

صح لسانك ..

وطيب الله فالك

[حي الضمير]

ابدعت حيل يامميز
ومدد صح لسانك

[عبدالعزيز العمار]

حرف وشعر

صح لسانك ولاهنت

جزل ماتجيب الا الجزل يابعدي

تحياتي وتقديري

[داعي الشوق]

صح لساااااااااااانك حرف وشعر

و الله يصلح الحال ان شالله

و لاهنت يالشاعر

مع تقديري لك

***************

[الطامي]

خرف وشعر
صح السانك
رائعة جدا
شكرا لك