|
يا هوامير المعارض جتكم التدبيلهارفعوا سوق المواتر وابشروا بالطفره |
مابقا دون الوليمة غير يوم وليلهكل واحد يبْرد اسنونة ويشري شفره |
واظهروا ما زاد سعرة واتْخَر موديلهواطرحوا تحت المفطح لاوصلكم سفره |
واستعدوا في حراوي لابسات الشيلهوافرشوا الصالات زلٍ للوجيه السَفره |
الكدالك والفروت اللينة منهي لهمالها غير الليان اللي تثنّى خصره |
الفخامة والطخامة كلها تاوي لهيطلب من النادر الغالي وهو تحت امره |
اسدحوا البي أم عند الباب قبل يجي لهوافتحوا بيبانها ياخذ عليها نظره |
خلّوا الكيكة تذوب بقطعة الفانيلهفي نعومة ملمس الطارة ولين البشره |
وهاتوا المرسدس الاسود وارخوا التظليلهخلّوا الزبدة تسيح بمرتبة بو سمره |
كنها لا ارخى دركسونه تبي تقبيلهوكنّه يحاول يسابقها ويلقم نمره |
وجهها وسط¸â‚¬الكبينة ساطعٍ قنديلهوالشعر ليلٍ سوادة مايغبّي بدره |
وعودها اللين يطول الشرح في تفصيلهالوروك اكبار والا خصرها ياضُمّره |
لامشت لاكن في فستانها تحبيلهزادت النعمة وبانت في سنام البكره |
والهمر حطّوه عند الباب للجوّيلهاربعٍ فيهن ثلاثٍ كنهن في سهره |
ناطلاتٍ بالغطاوي والسحى عزّيلهالسحى ماهوب يطرا مع حياة الدشره |
العِْبي مخصّراتٍ واليدين انحيلةوالعيون ملوناتٍ والشفايف حُمره |
اشترتْه الدبة اللي دلّعوها فيلهدمّها خفيف لكن وزنها ياكبره |
ساقته بشويش قالوا ربعها دزّيلهخلّي اللي يتبعونة مايعَرْفون اثره |
وانطلق فـي الخط¸â‚¬يوم البنت شدّت حيلةفاهقٍ كل المواتر يُمنةً ويُسّره |
وقامت العالم تحوفه والعيون اتخيلهيطردونه من هبال ويطردونه بطره |
هايلكس وجمس وهوندا وراس تريلهوجيب شاصٍ مابعد حَوّل تنكْه وتمره |
بعضهم يسقط¸â‚¬عليه وبعضهم يدني لهوبعضهم ماغير يمشي مادرا عن عمره |
وبعضعهم يكتب تلفونه على منديلهوبعضهم لاصف بالموتر نطل بالغتره |
والهمر تلعب به الخفرات وتغني لهمن يمين القير خفره من يساره خفره |
وراعي الشاص انهبل من وحدةٍ تومي لهمادرى عن حملةٍ يشلّها في ظهْره |
قام يقرب ويتميلح جنبها ياحليلهمادرا ان الخط¸â‚¬قدمه في مساره حُفره |
طارت الحملة وطار الثوب والفنيلهوانحرف على الهمر واحدث بجنبه ثغره |
والهمر راح ايتطوى والعرب تدعي لهوقامت الطارة تفلّت من يدين الفغره |
وانقلب له قلبتين وراح فـي التحويلهوانتثر بدّيه على الازفلت كسره كسره |
سلموا الركاب لكن خرْبت التكميلهوالوناسة والدلع راحت دموع وحسره |
قصة جتني وانا في حزة التقييلهيا جماعة لاحدٍ ينقد علي ويشّره |
مانبي بعض العرب يروح في تحليلهالخبر ماهو خبر حتى يجي في النشره |
الشواهد بيّنه والسالفةط¸â‚¬ويلهوالحبل مبطي وهو ممسوس فوق المكره |
واحدٍ يقسي عليه وواحدٍ يرخي لهوواحدٍ فيه ايتفرج مادرا ويش امره |
واللي يسعى فـ الردى بهراوته وازميلهالله لايجزاه خير ولايطوّل عمره |
ماحدٍ راح ايتوسط¸â‚¬به ولايشكي لهوش علامه يعْترض بين الدروب الخطْره |
يهْدم بيوت العرب واموالهم تبني لهويطرح اقصور العرب والناس ترفع قصره |
من يرد العايل اللي ضايعٍ دليلهمن يعَلْمه الطهارة والعلوم الظفْره |
سد مارب جاه فاره واقدرت تزيلهلاتروح اسدودنا مثل السدود النخره |
وراعي الحمّى يبي له حبه وتحميلهوان نفع معه الدوا والا يدق بـلبره |
الورق يابَس ويسقط¸â‚¬والهبوب اتشيلهوالثمر يبقى مكانه في علو الشَجْره |
والشعر عندي ماهو غاية ولا وسيلهان حضر يامرحبا به وان تغيّب بُصره |
شاعرٍ ماهوب يكتب عن مشاكل جيلهوش يفيده لاكتب في عصر ماهو عصره |
|
28-03-2009, 10:53 PM
المطـــــــــــــــرقة
