الواواســـــــــــــــــــطـة

[سعيد مقبل الأكلبي]

مافـيـه حـاجــه سـاقـطـه الا وراهـــا لاقـطــهواللي يطيح من السما في الارض يلقا له قبيـل

والـطـب ماخـلّـى عــلاج الا عــلاج الـواسـطـهماعيـنـوا اعلاجـهـا فالـطـب والـطـب الـبـديـل

حتـى سهـوم اهــل النـزاهـة فالـدوايـر هابـطـهقليـل لامنـك لقيـت اللـي بعـد مخْـلـص قلـيـل

تـلـقـا خـيــوط معامـلَـتْـك الهـيـنـه متـرابـطـهمن دونهـا يفتـل وينقـض راعـي الطبـع الرذيـل

الا يـكـون تـحـط فــي مخـبـاه شــيٍ قـافـطـهولا تـدوّر واحــدٍ قــد صــار لــه عـنـده جمـيـل

يمكن تـروح وخاطـرك مبسـوط منـه وباسطـهانهيت موضوعك وهو قد كـان عنـدك مستحيـل

وان جـت وظيفـة فـي قطـاعٍ كلبـوه مرابـطـهوظيـفـةٍ يالله تـسـد الـديــن وتـفــك الكـفـيـل

هـم جـاك مـن همـه وهـم ابـوه وامـه شاخطـهلاضاق صـدره قـال حسبـي الله ونعـم الوكيـل

ينـقـل مـلـفٍ حطـتـه الاقــلام كـنــه خـارطــهمـن كثـر مايكتـب عليـه ارقـام يشبـه للدلـيـل

قـد لـه سنيـنٍ فـوق طبلـون الغمـاره صافطـهمـر المنـاطـق كلبـوهـا مــن شــروره للجبـيـل

قالـوا لـه اللجـنـه تــرا عـنـدك ثنـيّـه ساقـطـهوالطول تحت المستوى وجسمك ضعيف ونحيل

رح ضبّـط امـورك مـع العالـم بـدون مغالـطـهحاول وشف لك حل في عمرك ولايخْـدم بخيـل

والـلـي وراه قـصـيّـرٍ لـكــن حـظــه مـاغـطـهعيّـن لـه مسنّـع وصـار بقـدرة الـقـادر طـويـل

عوّد على النادي وسجّـل مـع صفـوف الرابطـهيشجـع الـكـوره ويلـقـا فالعـصـر ظــلٍ ظلـيـل

قال المـدرّب ويـش ذاك اللـي عيونـه شاحطـهاللـي مـع الجمهـور متجمّـد تـقـول انــه قتـيـل

قـالـوا هــذاك غلـيّـمٍ جـرحـان قـلـبـه نـافـطـهعليـه مــن بقـعـا هـمـومٍ خلّـتـه مـثـل الهبـيـل

قـال ازهمـوه امـزح معـه والاطـفـه واعابـطـهواشوف لو انـه مـع الجمهـور مدسـوسٍ عميـل

نـادوَه والماخـوذ جــا مـسـرع وراســه رابـطـهاسبق من البارود لامـن ثـار مـن خشـم الفتيـل

قـال الولـد هـذا علـى رجليـه سـرعـه فـارطـهلـو نقـدر نحـطـه مهـاجـم عنـدنـا مـالـه مثـيـل

واقبـل عليـهـم ريّــس الـنـادي وثـوبـه زانـطـهيمشي مع الملعب على رجليه كنه مشـي فيـل

توه صـلاة الظهـر قـدر الضغـط تيـسٍ ماسطـهوالبارحه ممسي وهو في بطنه شقاق الحسيـل

قـال انـت بكـره لاتجينـي الا وراسـك ماشـطـهوتقص اظافـر رجلـك اللـي كنهـا روس الدريـل

يمكن نحطـك فالهجـوم ان كـان لعبـك ضابطـهاربّــك تـسـد الـلـزوم وتـبـرد القـلـب الغـلـيـل

هــذي الجماهـيـر الغفـيـره كلـبـوهـا سـاخـطـهاللاعبيـن مهرقلـيـن ومسـتـوى الـنـادي هـزيـل

قـال ابشـر بعـزّك ونـا مانيـب اقــول مهايـطـهوالله اني آجمّل عسى الله يكتب الفعل الجميل

ولعـبـوا ثــلاث مبـاريـاتٍ والـنـقـط متنـاقـطـهفازوا بها واهدافهـا مـن صاحـب الجهـد المهيـل

مافيـه حــارس قـدمـه الا بالكـبـاري قاشـطـهاليـن صـارت فالصحافـه شهرتـه عابـر سبـيـل

وقامت تفاوضـه النـوادي والعـروض مساقطـهوصـارت ملاييـن الدراهـم فـي حساباتـه تسيـل

واللكـزس السـودا الجديـده عنـد بابـه صافطـهوالفلّه اللي سلموهـا لـه علـى شاطـي النخيـل

ضحْكـت لـه الدنيـا وهـو قـد بهْذلَتـه الواسـطـهوالواسطه فـي طلبـة الله راعـي المـد الجزيـل

[عايض ابوشيبه]

الله الله الله
الله

صح لساااااااااااانك مليون ياسعيد

مبدع ورائع ومميز

قصيده وافيه

والله يعين اللي يدور واسطه

لاهنت

تحياااتي

[عذب القوافي]

سعيد الأكلبي

صح لسانك

نص وافي من وافي

تقديري ,,,,,,,

[محمد الأحمري]

صح الله لسااااااااانك
يا الذيب
وبيض الله وجهك يا أبيض الوجه
قصيدة جزلة وقويه
معنى وجزالة وإبدااااااااع
ولا ذبحنا غير ها الواسطه اللي أكلت حقوق
المستحقين
ولن نلقى لها علاج أبداً
شاعر كبير وقدير
بيض الله وجهك

[صنداح الزلامى]

قالوا له اللجنـه تـرا عنـدك ثنيّـه ساقطـه

والطول تحت المستوى وجسمك ضعيف ونحيل

صح لسانك

سعد الاكلبي

قصيدة تحكي واقع الواسطة والحال التي

العالم فيه من اسباب الواسطة

[عبدالعزيز ابراهيم المنصور]

نَصّ رَائِع
وكَلِمَات فِي قِمَة الرَوعة
لافضّ فُوك
دُمْتَ بِخَير

[مبروك بن ماضي]

الاخ الفاضل الشاعر / سعيد الأكلبي
ما أجمل الوقوف على عتبات كلماتك
صح لسانك .. فقد أستمتعت بكل حروفها
تقبل تحياتي وتقديري
أخوك / بن ماضي

[الـزلـزال]

سعيد الأكلبي



قصيدة هادفه ومتقنه

من شاعر لا يأتينا إلا بكل رائع ومميز


أبدعت في تصويرك لبعض حالات الواسطه

وكذلك في تصويرك للرشوه


مبدع شاعرنا ومتجدد في أسلوبك وأتقانك


صح لسانك ملايين ملايين


ولك فائق تحياتي

[محمد عبدالله البدراني]

سعيد مقبل الاكلبي


سلمه الله


مليون مليون صح السانك


وعلا شانك



لاهنت ياسعيد


قلت واجزلت


تحيتي وتقديري

[الطائر المهاجر]

صح لسانك ولا هان راسك
مدد بلا عدد
دمت كماانت مبدعا
تحيتي الطيبة