الحب مايعرف سن .. صوره

[الطائر المهاجر]

وأيضا صورة اخرى ممكن ينظر لها بوجهات نظر مختلفة
من يفتتح الباب بأبيات

[ابو أنس]

أنا عشقتك يوم انا وانت في التيه=وقضيت انا وياك ذا العمر ساعات
لاتحسبين اليوم عمر(ن) قضيتيه=خلّي نعيش اللي بقى بالملذات
رسم السنين اللي على وجهك امحيه=عندي تراه ايفوق زين الخوندات
لو كان في يدّك عصى لاتوزيه=خلّي يدي بيديك لو به عكازات
كل(ن) يعيش الحب والخل يرجيه=وانا اطلبك جنبي ولو بس لحظات

مشاركة مع الإعتذار عن الخلل والقصور
للجميع تحيتي

المشاركة الأصلية كتبت بواسطة أبوأنس

أنا عشقتك يوم انا وانت في التيه=وقضيت انا وياك ذا العمر ساعات
لاتحسبين اليوم عمر(ن) قضيتيه=خلّي نعيش اللي بقى بالملذات
رسم السنين اللي على وجهك امحيه=عندي تراه ايفوق زين الخوندات
لو كان في يدّك عصى لاتوزيه=خلّي يدي بيديك لو به عكازات
كل(ن) يعيش الحب والخل يرجيه=وانا اطلبك جنبي ولو بس لحظات

مشاركة مع الإعتذار عن الخلل والقصور
للجميع تحيتي

صح لسانك

مبدع بحق ما أجمل الوفاء بالحب

[أم ريما]

يعطيك العافيه


ابيات مناسبه وجميله


تحياتي للجميع

[نسناس الهوى]

كل(ن) يعيش الحب والخل يرجيـه
وانا اطلبك جنبي ولو بس لحظـات

الله الله ابو انس ابدع صراحه .. كفى ووفى ، صح الله لسانه وسلم قلبه

[ثار التميميه]

لو كان في يـدّك عصـى لاتوزيـه
خلّي يدي بيديك لـو بـه عكـازات
كل(ن) يعيش الحب والخل يرجيـه
وانا اطلبك جنبي ولو بس لحظـات


الله الله

ابو انس

لله درك من مبدع

[الطائر المهاجر]

يوم اقول الحب ما يعرف سن ، كان ودي بأحد يقول الصورة لاتمثل الحب
فالصورة لعجوز وشايب بحلانين بأنفسهم ، لأن فيه مشكلة يفكرون فيها وما لقوا لها حل
فالظاهر إن العجوز تقول للشايب

تراك غثيتني بالحيل يالشايب = البيت فاضي وشوفك ما تشاكيني
الاكل خلص ولا بك فود يالخايب = وانا عجوز بعصاتي من يراعيني

الأن نبي واحد يمثل دور الشايب المسكين والعاطل ، يرد عليها :

[سناعيس]

يقول الشايب

لاواحسايف عمري اللي قضيته=معك مثل ظلك وعقبه تشكين
لولا الحيا ومقسومي اللي رضيته=لاخذ عصاك ولامشيتي تطيحين

[نسناس الهوى]

ويقول المصوّر :

خلصوا علينا هرجكم لاجيب نايب = وعيب(ن) علي هاليوم ماقول شيني
ما للهوى ذايق ولا بالشوق ذايب = دام الشَعَر قد شاب وش فيك ياعيني

[اسير الله في ارضه]

خلاص مابيك ولابي احد يطالعني
انته انظر لدربك وانا دربي اعرفه
تراني قلقانه وموج الاوجاع تصارعني
ولا تقف بجنبي ترا ريحتك مقرفه