أخـــوي.

[عيادة الجهيلي]

راكب اللي لامشت بك تسرك خفته = خص لاهلن دموعك على شوفت عفاف
المسافه فوق تمثال خشمه صفته = لين خلتها توقع لها بالاعتراف
المراتب خد بنتٍ تمايل شفته = بين نزوات الشياطين واذكار العفاف
والزوايا خلف شيخٍ ينومس عفته = كنها منكب كتوفه بوقت الاعتكاف
والمرايا كف غروٍ تمايل كفته = عند حرٍ كل ماجاه قبلها وطاف
مقدمه ريح الهبايب عليها زفته = وانتثر نوره مع اليل في حفلت زفاف
لون بديه قرن بنتٍ نست ماضفته = اسودٍ كله ولافيه شعره اختلاف
بنز لا لفت همومك وطالت لفته = خلها شيهانةٍ مع طريقه ماتشاف
انص به شبلٍ معي ماتغير وقفته = عزي اللي لا لحقني من الوادي جفاف
قله ان البيت طايح وطاحت رفته =والظروف احيان لاسكرت منها تخاف
لم اخوي اللي على الطيب ترقى ضفته = فوق عنوان القصايد وبرواز الغلاف
آه ياسلطان همي همومي دفته = عند وجهك يوم الانذال هاوي واحتراف

[عبدالله السويلم]

صح لساااااانك
رائعه من شاعر رااائع

بنتظار جديدك

تحياتي لك

[الراقي]

صح فكرك

صح بيانك

ودام حرفك ..

و صح السانك

[حرف وشعر]

قاف ومعنى رائعين

صح كلك ياجزل

[الطامي]

الجهيلي
صح السانك ملايين
ابداع وصفي وقولي
لاهنت

[مشعل التريباني]

عياده الجهيلي
صح لسانك قصيده رائعه كما تعودنا منك
مبدع يالجهيلي تحياتي لشخصك

[الطائر المهاجر]

جزله من راس جزل
صح لسانك واعتلى شأنك
ولاهنت
تحيتي واحترامي

[عبدالمحسن الرحمه]

صح السانك وعلى شانك ودي واتقديري

[عبدالله الشويمان]

صح لسانك يا اخ عياده

قصيده جزله مبنى ومعنى

لا هنت لا هنت

[ساهر الليل]

صح لسانك يالجهيلي

نص رائع وجميل

يسلم بوحك وحرفك يا شاعر

تحياتي لك