الا ياطير ..معلقة على جدار الصمت

[الطائر المهاجر]

]https://www.youtube.com

الا يا طيـر وش نوحـك علـى احزانـك تصحّينـيترى ما اقوى سماع النوح دام النفس مسجونه

هجـرك الحـب يـا طيـر العـنـا يـومـك تناديـنـيتبي من مثلي الفزعه وانا مـن يشكـي طعونـه

واذا تشكيه هالليلـه فـا أنـا اشكـي مـن سنينـييضـيـع العـمـر كاالتـايـه يــدوّر مـــن يـدلّـونـه

تـرى بعـض الهجـر كالمـوت بعيـون المحبيـنـيوداعٍ صعـب فـي لحظـه علـى مـن لايريـدونـه

تحـسّـه طعـنـةٍ بالقـلـب ونــزفٍ بالشرايـيـنـيتعيـش العمـر مـا تنسـاه توجّـد شوفـة عيـونـه

تشابـه حالـك وحالـي مثـل بعـض المساجيـنـيبسجـنٍ ضـاع مفتاحـه وراحـوا مـن يحرسـونـه

الا يا طيـر وضعـك غيـر تجـرّ الصـوت تشقينـيوانا مالي سوى عبرات وسـط الصـدر مدفونـه

انـا لـو لــي جـنـاح مـثـل حـالـك مــا تلاقيـنـيولكـن أنـت وش جلّسـك والجنحـان مضمـونـه

ابــي لــو مــرّةٍ تسـمـح عـلـى دربــك توديـنـيلعـلّ الـقـاه واشـوفـه قـبـل قـبـري يحفـرونـه

يكفـي مـنـه لــو نـظـره تــرد الــروح تحييـنـيوتشفـي قلـب مـع صبـره نطـق بـالآه مكنونـه

يقـول الحـب لـه وحـده ولــو بالبـعـد يكويـنـيفـانـا بـاقـي عـلـى عـهـده ولا يمكـنّـي اخـونـه

حبيبي طالت الغربـه واشـوف الحـزن يطوينـيمعاد اقدرعلى قلـبٍ شكـى مـن بعـد مضنونـه

بعادك صعـب تفسيـره ولا ادري ليـش تجفينـيابـي واحـد سبـب مقنـع يزيـل الشـك وظنـونـه

تعالي واكشفـي الخافـي فمهمـا كـان يرضينـيفـلا أسـرار فـي حـبٍ عفيـف بـكـل مضمـونـه

اذا كـان السبـب جــور الـزمـان فْــلا تحدّيـنـياوضّـح بعـض مـا يخفـى لبعـضٍ اللـي يجَهْلونـه

تعـرّض حضـرة الإنسـان لغسـل دْمـاغ لاتيـنـيبـلا إحسـاس يتصـرف مثـل روبــات يشـرونـه

فـلا مـن عقـل يحـيـا بــه ولا مــن وازعٍ ديـنـيغـدا ذبـح الرجـل عنـده مـثـل طـيـرٍ يصيـدونـه

نسا مبداه من ضعْف ونسى ضعـفٍ بعـد حينـيوغرّتـه الحيـاة ومــن عـلـى البـاطـل يعينـونـه

وصارت كلمة "الإنسان" تالـي الوقـت تنسينـيمعـانـي سامـيـه مــن أجلـهـا كـانـوا يسمّـونـه

تلاشت كلهـا واصبـح عضـو حـزب الشياطينـيبـدمـه شــرّ مــا يـهـدأ قـبـل مـاهـم يدفـنـونـه

كـأنـه خـالـدٍ بالـكـون ولــو شــاف المعزّيـنـيولو حتّى يشوف المـوت يكسـر عالـي غصونـه

تجـمّـد كـامـل احسـاسـه فــلا فـكّـر بتكفيـنـيولا فـي لحظـة يضـعـف بـعـد قــوّه وينسـونـه

فلو حاول يصير انسان ويعطـى الفكـر تمعينـيلقاهـم كلـهـم اخــوان لــه لــو يختـلـف لـونـه

بـنـي آدم بـنـي حــواء ولــو صــاروا ملايـيـنـيظهـر واحـد رحـم واحـد بهـذا الـكـون يحيـونـه

يلوّنـهـم تــراب وجــو حقـيـقـه دون تخمـيـنـيوحـتـى اشكالـهـم والطـبـع لايـمـكـن يخـلـونـه

ومــع الأيّـــام ابـــن آدم تـغـيّـر بالمضامـيـنـيوصار اليوم في وضـعٍ خلـط عقلـه مـع جنونـه

فـلا هــو صــار إنـسـانٍ ولا ذيــب الضلاعيـنـيلأنّ الـذيـب مــا يـفـرس قطـيـعٍ لــو يتركـونـه

ولا يعرف حقـد او خبـث فـي بعـض الملاعينـيولا طــوّر ســلاح يـدمّـر الإنـسـان فــي كـونـه

ولا هـو تاجـرٍ بالـديـن مــن ضـمـن المحابيـنـيولا هـو جايـرٍ سخّـر نـصـوص الـشـرع ومتـونـه

ولا هو من يخون بسرق مـن قـوت المساكينـيابـد قانـع بـرزق اليـوم مــا يـسـرق لمخـزونـه

مـن الحيـوان فــي هــذا الـزمـن بالله افتيـنـيلنعـرف ليـش جارالوقـت يثخـن فينـا بطعـونـه

وتقوليـن الـزمـن جـايـر كـأنـك مــا فتهمتيـنـيتباعـدنـا عــن المـبـدا وتركـنـا الـديـن ياطـونـه

ركضنـا نتـبـع التـيّـار بـوسـط الـوهـم عاريـنـيمثل مسحور في فكـر الغـرب بالوهـم يغرونـه

لقـى لـه وحـدةٍ شقـرا وفكّـر يقـطـف التيـنـيخذت خنجـره مـا يـدري وصـوره تثبـت عفونـه

وكان ابليـس حاضرهـم عقـد مـا بيـن الاثنينـيزواجٍ سجّـلـه مــا بـيـن مـاسـونـي ومـاسـونـه

زواجٍ نـاتــجــه ذيـــــلٍ يــقـــدّم لـلـقـرابـيـنـيتلاقـي بصمـة المـاسـون فـوقـه لــو يغطّـونـه

يلمّـع قبـل مـا يطلـع عـلـى انّــه ضــد رابيـنـيولكن في الحقيقه يسمع التوجيـه مـن "فونـه"

يخـوزق مـا يحـسّ ولا درى عـن فعلـه الشينـيولـو وقّـع علـى استسـلام فهـم بالغـدر ينوونـه

شرب كاس الخداع وقال عندي الغرب يحمينيولا يــدري بــدوره كـالــورق يـــومٍ يحَـرْقـونـه

تـجـهـز دمـيــةٍ غـيــره لتـدلـيـه الرضـاعـيـنـييحركهـا ريـمـوت الـغـرب عــن بـعـدٍ يشائـونـه

دواليب الهوى تطحن هوى يسقـي المصاخينـيولا مــن ارتــووا نـامـوا عـلـى حـلــمٍ يغـنّـونـه

يحسبون السحـاب اللـي نشـا ينصـى البداوينـيتـعـدّاهـم ولا هـمّــه حـــلالٍ مـــات يـرعـونــه

ســراب الـوهـم يغريـهـم بتحضـيـرٍ وتوطـيـنـيوقطراتٍ تخلي الرجل محسـوبٍ علـى الشونـه

وهــذا بـعـض مــا يخـفـى تغطـيـه الدخاخيـنـييوضـح كـيـف دحـدرنـا لجحـيـم الــذلّ واتـونـه

ولـكـن لــو لقيـنـا رجـــل هـمّــه بالمعانـيـنـينـلاقـي حـولـه ضـفـاعٍ بـقـلّ الـــراي يفـتـونـه

أحـد جاهـل واحـد طابـور خـامـس للمعاديـنـيواحـد طرطـور يتسـلاّ علـيـه الـلـي يحضـرونـه

بطانـه فاسـده وكـم دولــةٍ طـاحـت بتخويـنـيفـمـن قــاد التـتـار لـدولـة الـعـبـاس ينـهـونـه

كفـانـا مهـزلـه كــلٍ يـحـسّ الـقـهـر والبـيـنـيمـن اخبـارٍ تجيـب احـبـاط فالأحـقـاد مركـونـه

من اللي وصلـوا القمّـه علـى ذبـح المسلمينـيوشـعــاراتٍ يـرزّوهــا سـتــارٍ بـانــت ردونـــه

حقوق انسان وشعارالعـدل فـي ثـوب تدجينـيخدع مـن ظـنّ امريكـا علـى الإنسـان مأمونـه

ولكن من عطي فطنـه ولوهـو مـن الكفيفينـييحـس الظلـم والطغيـان مـن جــرمٍ يحبكـونـه

خـداع ولعـب فـي العالـم علـى كـل الميادينـيوهم شعب الغباء ما شفت بارض الله من دونه

ومـن عنـده عقـل وافــد يـبـي عــزٍّ وتمكيـنـيواذا مـن وخـذ مـا عـنـده رمــوه ولا يعرفـونـه

وكـــلٍ هـمّــه بنـفـسـه ولا بـالـوضـع داريـنــيفـلا يــدرى مــن الـريّـس ولا بلـيـرٍ وشـارونـه

يـلـهّـونــه بــأفـــلامٍ تـنــاســب لـلـوراعـيـنـيولا يعـرف سـوى حزبيـن للتصـويـت يشـرونـه

وغالـب شعبهـم بالفقـر عـايـش بـيـن ناريـنـيمـن التمييـز مـا يسلـم ولا يسلـم مــن ديـونـه

يخـدعـونـه بـحـرّيّـه وهـــي للـبـيـض تعـيـيـنـيوباقي الشعب ما يحسب لغير اصوات يحصونه

فـلا مـن ريّـس أسمـر ولا "شيكـان" او صينـيواذا ماهـوب ماسونـي مــن اللسـتـه يشيلـونـه

حكومتها الحقيقية ماهـي "بـوشٍ" ولا "شينـي"بني صهيـون والماسـون فـي الواقـع يحكمونـه

عقولٍ فكرها في المال به تشـرى السلاطينـيويفـوز اللـي يبـونـه دام مــا يـرفـض يديـرونـه

وحنـا اموالنـا مــا تشـتـري لــو مصـنـعٍ غيـنـيتغـذي بنوكهـم يقـوى اقتـصـاد الـشـر ومتـونـه

ونشد حـزام بعـد حـزام نبـي لـو ينـزل الدينـيولكـن كيـف ينـزل ديـن وكثـر السـرق تقرونـه

مـن القاصـي الـى الدانـي وكـلٍ فيـه مبطينـيعدا رشوات في المكشوف والخافـي تقيسونـه

واذا مـن الحرامـي كبـر كرشـه قـال انـا وينـيابــا اغـطـي بمسـجـد ينبـنـى والـكـل ينصـونـه

نسـى شـرط التصـدق واحـدٍ ماهـوب جزئيـنـيفـلا يقبـل سـوى الطيـب بحـلال المـال لادونـه

وبـلا (ظهـرٍ) ولا (واوٍ) يضـيـع الـحـقّ بتلسيـنـياذا وصل الحرامي المحكمـه فالحلـف يرضونـه

قوانـيـن وشريـعـه كالعجـيـنـه بـيـنـك وبـيـنـياذا شدّيـت تـرخـي لــي ونـاكـل مــا يذوقـونـه

يعيش الناس في فوضـى رغـم كثـر القوانينـيفقـانـونٍ بــلا تنـفـيـذ عـــادل نـسـقـم بـدونــه

ورغم الخير نـار الفقـر تحـرق فـي الضعيفينـيوتـذل جبـاه مـا تلقـى حليـب لطـفـل يغـذونـه

وطوابيـرٍ علـى الابـواب تبـي عـون المعينيـنـيولـو كـلٍ عطـي حقّـه لـمـا جــو لــه يطـرّونـه

وحنّـا قلـةٍ فــي وســط وافــد هـنـدي وكيـنـيوحـجّــاجٍ بـقــوا والـمــال بيـديـهـم يـكـنـزونـه

وشباب اليوم ضاعوا والبعض بالـدرب عامينـيطـوال الوقـت فـي سكـر ومخـدر لـو يخبـونـه

ولا احـدٍ يستمـع لـلـراي مــع كـثـر الخبيريـنـيولــو يبـغـون حـــلٍ جـــازمٍ بالـفـكـر يلـقـونـه

بطالـه ضاربـه فيهـم علـى الأســره مراكيـنـييـزيـدوا همـهـا والـغــم مـــن فـقــرٍ يعـانـونـه

يبـوا يبـدون تأسيـسٍ لحـيـاة افـضـل وتكويـنـييـبـوا زوجــات وبـيـوتٍ وكــلٍ خـابـت ظنـونـه

فـكـل بيوتـنـا تـشـكـي شـبــابٍ كالمعاقـيـنـيولا حـــدٍ يـلـتـفـت إلا إذا خــالــف يـحـجـزونـه

وبعضٍ طـار فـي العجّـه غسـل مخـه بتهجينـييبـي الجنّـه ولـو يفسـد بــأرض اهــل يراعـونـه

كسـب بالوضـع حصنـي لابـسٍ للمكـر وجهينـيوصل لاقصى مرامه رغـم مكـره مـا يحذْرونـه

مادامـه بالـمـدح بــارع ولــو بالشـعـر بيتيـنـييعـرف اللـي ينشـن لـه يحـب الـمـدح وفنـونـه

ترى الشيهـان مـا يقبـل مـدح بعـض المغنّينـيفعـالـه كافـيـه مـثـل الجـبـل كــلٍ يشـوفـونـه

يعـرف الـوضـع مــا يجـهـل ولا يحـتـاج تبييـنـيفـحـنـا بـانـحـدارٍ بعـضـنـا صـعــبٍ يـحـسّـونـه

وترى الشيهان ما يبحـث عـن إذلال الشياهينـيإذا هـو بالفعـل أصـلـي ولــو بـالـراي يعصـونـه

فـلـو قلـنـا تطـوّرنـا عـلـى يـديـن الحقـوديـنـيفحنّـا نشتـري الخـبـزه وهــم بالبـحـر يرمـونـه

نثق في الغرب دام إنّه صحى والعـرب نيمينـيوننسـى حقدهـم والغـدر لـو بالخـبـث يخفـونـه

حضـارة ايـه والإجــرام عــن حـفـظٍ وتلقيـنـيخفافـيـشٍ عـلـى دم الـعـرب دايــم يمـصّـونـه

دمانـا عندهـم ارخـص مـن البتـرول والطيـنـيفــأيّ حـقـوق انـسـانٍ عـلـى الـواقـع يقـرّونـه

وأيّ حـقـوق للمسـكـيـن مـكـتـوف الايـاديـنـيبـــلا ذنـــبٍ ولا تـهـمـه الـــى كـوبــا يـودونــه

اسيـر الحـرب يدعونـه وهـم بالـحـرب باديـنـيفمنـهـو هـاجـم الثـانـي بـــداره يـــوم يبـلـونـه

ومــن يحـتـلّ امّتـنـا مــن المـغـرب لبحريـنـيلاجــل ثـرواتـهـا والـنـهـب لايـمـكـن يتـركـونـه

واذا كاتـب يقـول الحـق سجـل فـي الدواوينـيعلـى إنّـه اخطـر ارهابـي وفـي خبـثٍ يجـرونـه

واذا مــن يــوم سـافـرنـا تلاحـقـنـا الكلابـيـنـيتـشـم اليعـربـي مــن بـعـد كيـلـو او يـزيـدونـه

بــلا تهـمـه يجـرونـه ويـرمـى فــي الزنـازيـنـيبتحقـيـقٍ وتعـذيـبٍ ولا مــن قــام فــي عـونـه

انـا مـا شـره علـى ذيـخٍ خـدع بعـض المهابينـيوبـدا يملـي علـى كيفـه ويـفـرس مــا يـردونـه

مادام الـراس مفصـولٍ عـن كتـوف وذراعينـيتوحّـد بــه حصـانـي الـقـوم ماينفـعـه مفتـونـه

واذا مـن اوجعـك راسـك فقـل يـارب تشفينـيماهو ضرس سهل خلعه ولو يزعجـك بشطونـه

عـلاجـه بالعـقـل لا طــبّ يـنـفـع للمصابـيـنـيتـرى بعـض الدخاتـر بالجـهـل يمـكـن يضـرّونـه

مفاتيـح الأمــل تفـتـح لــك ابــواب المياميـنـيفكـلـش بالعـقـل يفـتـح ولــو حـتـى يصـكـونـه

بغيـر الفـكـر مــا نـوقـف نـزيـفٍ بالشراييـنـيعلـى صـدر الزمـن نزفـه بجهـلٍ اللـي يكتْبونـه

وترى مرحوم من يعـرف قـدر نفسـه بتثمينـيفـلا يـاقـف بــدرب الـثـور لــو غـيـره يحـدونـه

يهـدي الثـور لـو يرمـي عليـه بتـبـن وطحيـنـياليـن انّـه تجـي فرصـه يطيـح وتكسـر قـرونـه

ولـو شافـه يبـي يطـوّل يشغّـل فكـر فطنيـنـيويـبــدا بالـهـدايـا ويـشـتـري نـــاسٍ يـثـيـرونـه

حرامـيـة بأمريـكـا عـلـى الإجـــرام ضـاريـنـيوكـلٍ فكـره بجيبـه مــن السـرقـات يرضـونـه

مــدام إنّ الـدراهـم تشـتـري ادفــع ملايـيـنـيووجّـه دفّــة المـركـب الــى اهــداف مأمـونـه

ولا أعطيهـم الفرصـه يسرقـوهـا عـلـى عيـنـيمثـل مـا صـار مـع غيـري بعـد كـانـوا يـودونـه

تـواريـخ اللصـوصـيّـه تـوضّــح شـــي يعنـيـنـيفـكــلٍ خـايــفٍ ربـعــه بـغـفـلـه لا يـخـونـونـه

يجيهـم يـوم يختلـفـوا وثـالـث يكـشـف اثنيـنـيوتـبـدا حــرب اهلـيّـه مـثـل وقـــت يـذكـرونـه

وتشـعـل نـارهـا بالحـقـد خـمــلات البراكـيـنـيمن اللي عانـوا التمميـز للـون وشكـل يرهونـه

تقسّـم كـل امريكـا وتسقـط مـن بـعـد حيـنـيعلـى الباطـل بدايتهـا وعلـى البـاطـل يهـدونـه

واذا مـن قطـع راس الحيّـة الرقـطـاء بنابيـنـيذنبهـا سـهـل تقطيـعـه عـلـى اطـيـار مرهـونـه

فمعـهـا تنتـهـي اسرائـيـل بنـصـرٍ للفلسطيـنـيوتعـود القـدس للأمّـه ويطـوى عـهـد شـارونـه

حـلـم وآمــال تاخـذنـي لـخـيـالٍ دوم يغـريـنـيلـعــل الله يحقـقـهـا بـعــد هالـلـيـل ومـجـونـه

وانــا ويّـــاك يـاحـبّـي عـلــى درب المحبـيـنـيفــلا عــاذل ولا حـاسـد يطـولـوا امــر ينـوونـه

مــدام إنّــك تحبّيـنـي فــلا مــن شــيّ يثنيـنـيعن دروب الصراحه لو خسرت العمر من دونه

ومهـمـا تبـعـدي عـنّـي يـجـي يــوم وتلاقـيـنـيتعرفي الحـب فـي قلـبٍ شقـاه بهامـل جفونـه

اعـاود ارسـم الـذكـرى عـلـى قلـبـك بتلويـنـيواعيـش الليـل والقمـرا بسحـر الحـب وفتونـه

علـى انغـام الهـوى العـذري اناجيـك وتناجيـنـيبهمـسٍ يـوقـظ الآمــال فــي أحــلام مدفـونـه

نغـنـي للهوى سـاعـه مــن الحـانـك وتلحـيـنـيوننسى الوقـت واوضاعـه وكـل اللـي يديرونـه

نعيـش العمـر نبـع الـحـب يسقـيـك وتسقيـنـيونعلـن للمـلأ حـبٍ وضــح عقـلـه مــن جنـونـه

فــلا حــبٍ بغـيـر اخــلاص ينـجـيـك وينجـيـنـيولا اخـلاص فـي قلـبٍ خـدعٍ بالـحـب مضنـونـه

الا يـا طيـر ليلـي طـال ونوحـك لــو يصحّيـنـيماهـوب مـقـرّبٍ للفـجـر دام الـغـرب يعمـونـه

[خالد بدر]

أبـــــــــــــــــــــــــــد اع،،


ونفسك طويـــــــــــــــــــــــــــ ـل


والمعـــــــــــــــــــــــــ ــــــاني عميقة***


يا مشــــــــــــــــــــــرفنا وش بقيت


للعالم ،،مشــــــــــــــــــــــــــ ـرف وشــــــــــــــاعر

ودكتــــــــــــــــــــــــــ ـــــــــــــــور**

ـ مـــــــــــــــــــــاشــــــ ــاء الله ـــ



صــــــــــــــــح لســـــــــــــــــــانك00



أبياتك ممتما سكة ومحبوكــــــــــــــــــة//

الله الله



يشرفني مروري على هالمعلقه





صح لسانك مشرفنا 00 لاهنت على هالدرّه






تقبل تحياتي

[الخنساء]

الا يا طير وش نوحك على احزانك تصحّينـي
ترى ما اقوى سماع النوح دام النفس مسجونه
هجرك الحب يا طيـر العنـا يومـك تنادينـي
تبي من مثلي الفزعه وانا من يشكي طعونـه
واذا تشكيه هالليله فا أنا اشكي مـن سنينـي
يضيـع العمـر كاالتايـه أدوّر مـن يدلّونـه
ترى بعض الهجر كالموت بعيـون المحبينـي
وداعٍ صعب في لحظه علـى منهـم يعرفونـه
تحسّـه طعنـةٍ بالقلـب ونـزفٍ بالشرايينـي
تعيش العمر ما تنساه توجّـد شوفـة عيونـه
تشابه حالك وحالي مثـل بعـض المساجينـي

صح لسانك مشرفنا المبدع

لاهان راسك قصيدة راااائعة

سلمت وسلم شعرك

دمت بخير

[يوسف الشقران]

سأعود باذن الله

( كهذه لاتكفيها قراءه واحده او اثنتين )

صح لسانك مشرفنا
قصيدة انقطع نفسي
من جمالها
رائعة ابداع
دوما رائع

[عبدالرحمن الصباح]

ماشالله عليك يادكتور صح السانك وسلمت يالغالي على هالابداع اكثر من رائعه والله اسجل اعجابي وتقديري ربي يسعدك

[ابو زياد]

صح لسانك وقلبك
مبدع يابوعبدالله
لاهان راسك

[سعود النداح]

ابداع غير مسبوق

ها هي احد دروسك الشعريه التي انهل منها كل ما ينعش القريحه

استاذي

قصيده خياليه

تحيتي

[ابومياس]

الغالي ابو عبدالله

نعم معلقة

وكفو يالذيب ماقصرت بيض الله وجهك

قصيدة لي عودة لها مرارا وتكرارا

صح لسانك لاهنت

دمت بخير