تو يذكر زمااااني !!!

[شجون القصيد]

.

..

...

هيه ياقاف شعري .. افتدي من فداني = وخبّر اللي جفاني .. عن سهوم الوداع
يومها ليت يدري .. بالعذاب احتواني = ومن هموم المحاني .. حالتي في صراع
بين قلبي وفكري .. والاسى والاماني = وبين حرف ومعاني .. اشتكي لليراع
ياجروحي وعذري .. يوم وقتي رماني = طيبتي مع حناني .. ماحسبت النزاع
كان ناوي بغدري .. يوم صده كواني = يعتذر لي و اناني .. مانوا باجتماع
قول ياقلب بدري .. تو يذكر زماني = ياما بالصد اعاني .. يوم قفى الشراع
احسبه جف صبري .. يوم قلبه نساني = احسب انه جناني .. وباقي العمر ضاع
اثر عقلي بخبري .. يشتري من شراني = ومن بصده نواني .. يهجره يوم باع
باتغيّر وجذري .. بشتري قلب ثاني = مهما خلي جفاني .. مايجيه التياع
وكان ذكراه تطري .. او بطيفه لفاني = او تعنى وجاني .. مايلاقي سماع
بقفل اليوم صدري .. عن هوا كل جاني = وارتقي للعناني .. عادتي بارتفاع

[داعي الشوق]

صح لسانك يالشاعرة شجوون

الجمال يتجدد هنا و ينتثر

صح لسانك مليووون

مع التقدير و التحية لك

**************

[سلطان العبدالله]

صح لسانك أختي شجون إبداع يتتابع بلا إنقطاع يجسد مقولة السهل الممتنع صح لسانك

[الطائر المهاجر]

جميلة وجزلة
جاءت على البحر الخفيف
فاعلاتن/فعولن/فاعلاتن / فعولن
ويسميه البعض الممتد الذي يكثر استخدامه في مجالس القلطه والسامري والعرضه
وعليه قصائد عديده
يا رسول البشاير بلغ الشوق عني = قل له القلب حاير والسنين اتعبني

صح لسانك
ولاهان راسك
مع ا"يب تحياتي

[عبدالعزيز البليهد]

ابداع وتجدد

تسلمين اختي وصح لسانك وقلبك

[أم ريما]

صح لسااااااااااانك

قصيده جميله ورائعه


يعطيك العافيه ولاهنتي

[عبدالله مذكر العقيلي]

ابداع متجدد

صح لسانك

ولله درك

دمتي متألقه في سماء الابداع


تحياتي

[منيع]

كل الجمال والابداع
شكرا لكم
تحياتي

[حي الضمير]

صح لسانك ياشجون
قصيده رائعه وابدعتي بارك الله فيك
أجزل التحايا والاحترام
ـــــــــــــــــــــــــــــ

[عدنان كريزم]

صح لسانك يالغاليه ولا هنتي