حميـــــــدان... ما شفتوه؟؟!!

[عبدالعزيز الصبيح]

الميدان يا حميدان ...الميدان يا حميدان=وحنا الحين فالميدان وحميدان ماشفته
قولوا له ابو مشعل مزهب لاجلك الفنجان=بخنة بن من صنعا وأبياتي مبهرته

[الطائر المهاجر]

شعرك وارد باكستان وفلاش وي بالبيبان = يبي له غمطة قيفان لاجاني ما ناظرته
وابو مشعل بالدنانه مدري لو انه زعلان = لبس الغتره بالمقلوب يمكن امه ناحته

[عبدالعزيز الصبيح]

لو بشهر سيفي قالوا لا والله انت الغلطان=ولو بسكت خاف يقولون ابياتك مخوفته
حط حزامك لا تحسب أني ردي القيفان=وما همتني الهرجه اللي جتني معذربته

[الطائر المهاجر]

كملها حميدانية
مثل :
مانع خيال بالدكة ..... ظفر في راس المقصوره
وان صاح صيام من برا ... تهايق هو والغندوره
اليمنى فيها الفنجال .... واليسرى فيها البربوره

ولهذا نقول

واليا شافوا صملة حي = قالوا صحح للقيفان

[عبدالعزيز الصبيح]

مانيب بحاجةفزعة ...تنظم لي قاف وأوزان
قدام الشاشة لحالي ...ويعتذر منهو غلطان

[الطائر المهاجر]

قبل البارح تعترف لي = والليله تنكر جحدان
تنصى طويق ولاتبالي= وفلاشٍ جنبك نعسان

[نجم الإبداع]

يعطيكم ربي العافيه

واصلوا

لاهنتم

تحياتي وودي

[عبدالعزيز الصبيح]

استغفر ربك يا شيخ =واتعوذ من الشيطان
الظاهر تجهل خصمك =بلحاله يملا وديان

[الطائر المهاجر]

علمني وش فالطرمه = ووش فالمثعب والقلبان
وان كانك ما تدري شاور= ابوفلاش ولو تعبان

[عبدالعزيز الصبيح]

المثعب ويا القلبان =قبرت بقبور الشيبان
لكن انت اللي قلي =وش عندك ضدي برهان