الخساير والأرباح

[عبدالله بن حجاج]

مابي عذر عن غلطتك لاتعذّر = سكنت هم بداخلي وقت وانزاح
إن جيت وإن ماجيت عادي تصوّر = القلب ودّع هاجسه فيك وارتاح
حسبتها والوضع كله تغيّر = عرفت كم حجم الخساير والأرباح
على التفات الشوق وجهك تنكّر = أظهرت ودّك وأنت له كنت ذبّاح
الفكر مما صار جوّه تعكّر = رفعت من قدرك وياللأسف طاح
مثل الزجاجه حبنا شف تكسّر = يوم امتلا صدره تناهيت وجراح
إن كنت ناسي حاول إنّك تذكّر = دورك معي وش كان في كل ماراح
يكفي كفى عن غلطتك لاتعذّر = مادمت ذكرى همّها زال وانزاح

[الطائر المهاجر]

صح لسانك
طيبه من طيب
لاهنت
تحياتي

[داعي الشوق]

يا هلا بالشعر و الجزاله واهلها

مرحبا يا عبدالله و صح لسانك و طاب حالك و فالك

مصافحه جزله يالشاعر

وهلا بك في قصر الفطاحله بين اهلك و ربعك ،

ابدعت وامتعت ولاهنت

وصح لسانك مدد

[الطامي]

بن حجاج
مرحبابك بعنا في الفطاحله
وصح السانك ملايين على الابيات
الرائعة والطيبه
لاهنت

[الراقي]

صح السـانك الجزل الوف الملايين
رائع شعرا و حضورا
دمت بِكُلِ مَوَدَةٍ

[عبدالإله]

صح السانك وعلاء شانك
امتعتنا بهذه الرائعه
ولاهان راسك

[احمد الكثيري]

صح لسانك
طيبه من طيب
امتعتنا بهذه الرائعه
ولاهان راسك

[عبدالله بن حجاج]

أسعدني وشرفني مرور الجميع , حفظكم الله ورعاكم

ملاحظة ( أتمنى من أحد المشرفين تنسيق القصيدة لأن خاصية التنسيق لاتستجيب )

[الطائر المهاجر]

هلا بك اخي الكريم عبدالله
منسق الشعر شغال
وياليت توضح لنا هل انت الرشيدي او المطيري
كما اارجو مراجعة هذين الموضوعين لتتعرف علينا ولنتعرف عليك ولتتعرف على التعليمات
http://www.ftahilah.com/showthread.php?t=40154
http://www.ftahilah.com/showthread.php?t=40155
مع أطيب تحياتي

[عبدالله بن حجاج]

شكرا أخي الطائر المهاجر على تنسيق القصيدة , حفظك الله ورعاك

أخوك / عبدالله بن حجاج الرشيدي