امن اول الرجال لامن اجاره

[الطائر المهاجر]

امن   اول   الرجّال   لامن   اجارهرجلٍ فلا  احدٍ  ياصله  من  معاديه

ولو هو على رقبته صمد في قرارهما   غيّر   لرايه    ولاهاب    شانيه

لو هو عطي وزنه ذهب في صرارهما  اغراه  من  يبغاه  يترك  مباديه

ومن  اولٍ  الرجل   يرعى   لجارهويغض  طرفه  لا  لقى   ما   يعنّيه

ومن  اولٍ  الرجل   يحمي   ذمارهيحفظ€لعرضه   صامداتٍ    مبانيه

يرعى  المحارم   دامهم   كالحبارهيطمع  بها  اللي  تايهٍ  في   مفاليه

واليوم  صرنا  في  زمان   التجارهصرنا  عبيد  الفلس  والكل   غاويه

يبيعك  اللي  منحدر   في   القذارهمن شان يقبض طفسةٍ ما  تعشيه

حتى  ولو   يكذب   بظنّه   شطارهلا  دين  لا  خلق   ولا   عقل   يثنيه

وصرنا نشوف اللي وصل لانحدارهبالعرض  يتساهل   ولاهوب   يعنيه

وانفلّت   السبحه   فكل    بمسارهوالبيت  ضايع  مالقى  من  يراعيه

والكل  حر   ولو   خطى   باختيارهحتى  ولو  قاصر   تخدعه   هقاويه

والكارثه   فوق   الحموله   شرارهومن بعد ماهي فوق  تدفع  مآسيه

فالفرد   ماهو    عندنا    كالحجارهلو طاح وحده ما  درى  عنه  باقيه

الفرد   عضو   اسره   تأثر    بنارهوتدفع  ثمن  غلطته  واللي  يسويه

تنهار       باسبابه       وياللخسارهكم ضاع من اسره  سبايب  بلاويه

ايّة   حضاره    مدعين    الحضارهوايّة  اصاله   والعرب   في   تدنيه

خذوا قشور الغرب  في  كل  غارهوصاروا  غرابٍ  تايهٍ  في  مماشيه

[زهرة اللوتس]

فالفرد ماهـو عندنـا كالحجـاره
لو طاح وحده ما درى عنه باقيـه

الفرد عضو اسـره تأثـر بنـاره
وتدفع ثمن غلطته واللي يسويـه

تنهـار باسبابـه وياللخـسـاره
كم ضاع من اسره سبايب بلاويـه

ايّة حضـاره مدعيـن الحضـاره
وايّة اصاله والعـرب فـي تدنيـه

خذوا قشور الغرب في كل غـاره
وصاروا غرابٍ تايهٍ في مماشيـه



صح لسانك
ولاهان راسك
جزله من جزل
تحية طيبه

[محمد بن عمار]

آااااااااااااااااااااااامر تدلل الرقبه سداده وعهد الله ،
صح لسانك وجاد بيانك

[نجم الإبداع]

الله عليك يادكتور

مصافحه مميزه يامميز

لاهنت

تقبل مروري

وتقديري

[داعي الشوق]

صح لساااااااااااااانك مليوووووووون يا بو عبدالله

قصيدة جزلة في المعنى

و واقعيه في المبنى

و الله يصلح الحال

وصح لسااانك مدد

***************

[ماجد الراشد الهيري]

صح لسانك ابو عبد الله ابداع دائما لنا عوده معه
لاهنت

[عبدالله راشد الثويني]

واليوم صرنا في زمـان التجـاره

صرنا عبيد الفلس والكل غاويـه

الله المستعان

صح قلبك يابو عبدالله

والله يرحمنا برحمته تغيـّـرت المبادىء بإسم الحضاره

نسأل العلي القدير ان يرحم احوالنا وان يهدينا لما فيه صلاحنا وصلاح امتنا

تحيتي لشخصك الكريم

[حرف وشعر]

الطائر جميل جدا هذا النص


ايّة حضـاره مدعيـن الحضـاره
وايّة اصاله والعـرب فـي تدنيـه
خذوا قشور الغرب في كل غـاره
وصاروا غرابٍ تايهٍ في مماشيـه
سلمت وسلم لنا ابداعك

[عبير الورد]

صح لساااااانك ملايين
سلمت وسلم منطوقك الجزل
ربي يعطيك العافية

[سناعيس]

الله الله
صح لسانك يابو عبدالله
دائما جزل وحكيم
لاهنت

تحياتي