البارحه عيني جزت

[الطائر المهاجر]

البارحه عينـي جـزت تالـي الليـلمن حلـم عاودنـي ولا دري بتاليـه

مثل الذي واقف ولا عاد بـه حيـلعند البحر والنـاس بالعـوم تغريـه

فكّر يطافش مثل بعض الرجاجيللكـن سحبـه المـد والمـوج يخفيـه

ذبّـت عليـه عجيّـزٍ حبـل مـن تيـلوقالت تمسك فالبحر منت قاويـه

وجرته عند الشط واعطتـه زنبيـلواقفت ولكن ما درت وش يلاقيه

لمـا تنبـه شـاف بـه شبـه قنـديـلمهمـل لـه سنيـنٍ ولاحــدٍ بباغـيـه

نظفـه مـن مـا بـه بكـل المناديـلعلـه يعيـنـه فــي دروبٍ تجافـيـه

وعلقه في الروشـن بعـزٍ وتدليـليفخر بنـوره مـا يبـي مـن يطفيـه

ويرجي عسى يولد بكل التساهيـلمثلـه مثـل قــدْرٍ تـذكّـر طـواريـه

يومٍ "جحا" خطّط وفكره بتشغيـلورجّـع قديـره مـن حـيـولٍ يغبـيـه

وبالفعل يولد له طقـوم وتشاكيـلسـرجٍ تعـم البيـت والنـور ترهـيـه

لكن طلع تقليـد والصنـع بـه ميـلمسرع خرابه مالقـى مـن يداويـه

قام يتعبث به عسى بعـض تعديـلمتمسـكٍ بـه مـا يبـي يـوم يرميـه

حتى بـدا يحـرق ثيابـه مـع الشيـلويرمي شرر للسرج يمكن تجاريه

والسرج ترفض مايبي من تهاويـلالاّ سـراجٍ طاوعـه فـي مماشـيـه

قرّر معه في خبث بالبيـت تنكيـلوحرْق السقوف العاليه من مبانيه

سراجك اذا من صار تقليد فالويـلللـي يثـق بـه جاهـلٍ عـن حراويـه

[الطائر المهاجر]

شكرا لكل من مر هنا
لاهنتوا
اطيب التحيه

[منيع]

رائعة من رائع
شكرا لك
تحياتي

[داعي الشوق]

جزل يابوعبدالله صح لساانك مدد
ولاهنت

[الطائر المهاجر]

شكرا منيع
على كريم المتابعه
لاهنت
اطيب التحيه

[الطائر المهاجر]

شكرا داعي
على كريم المتابعه
لاهنت
اطيب التحيه