ما انتم عرب يا مدعين العروبه

[الطائر المهاجر]

هذي كاتبه من حوالي الشهر ثم انشغلت بالمنتدى وقلت اليوم لازم اكملها وانشرها
لأن ماهي العاده اني اقعد شهر دون ما انشر شي

مـا انتـم عـرب يـا مدعيـن العروبـهولو تلبسون البشت واغلا العمامـات

ولا انـتـم زنــوج ولا ســلالات نـوبـهولا انتـم هنـودٍ ابـدعـوا بالصنـاعـات

انـتـم بـهـذا العـصـر والفـيـن كـوبـهحتـى ولـو لجدودكـم ماضـيٍ فــات

تلـومـوا الحـكـام فــي كـــل نـوبــهوانتم سبب ما صار مـن كـل عـلات

البعض يشكـى مـا نظـر فـي عيوبـهيهـوى التبطـح مـا يبـي اي شـغـلات

إلا اذا هـــي مــــا تــوســخ لـثـوبــهتحت المكيف بيـن صحـف ومجـلات

ولا انهـى دوامٍ مـا درت بــه جنـوبـهلل"نت" يركض يقضي الليل مابـات

حتـى غزونـا مــن شـمـال وجنـوبـهوصـاروا هـل الديـره وحنـا الجنبّـات

تكـاتـفـوا والـكــل قـــام بـوجـوبــهفي جلب من يبغى وصاروا الوفـات

وصـرنــا اقـلـيّــه بـبـحــرٍ عـبـوبــهقامت تلاطم والبعض ذاق حسـرات

فـقـرٍ وجــوعٍ مقـبـلٍ مـــع هـبـوبـهضـرب عوايـل مالقـت شـي تقتـات

وبـعـضٍ تسـلـق بالمـكـر واللـعـوبـهواصبح ظهر للأجنبـي فـي الملمـات

يعطيه طفسـه مـن حتاحـت جيوبـهوتحـويـل لـبـلاده الــوف الـريــالات

وبـعـضٍ اذا مـنـه عــلا فــي رتـوبـهكبّـر لكرشـه بالنـهـب والـرشـاوات

مـاهـوب نـاشـد لــو تكـاثـر ذنـوبــهالمـال خـدّر ضامـره لـيـن مـامـات

المشـكـلـه فـيـنـا وهـــذي عـقـوبـهلأنّــا تبطـرنـا بـعــد فـقــر وآفـــات

لابــد مــا نـصـحـى ونـعـلـن لـتـوبـهونعرف حقوق الدار عن وعي باثبات

كــلٍ بجـهـده مـاضـيٍ فــي دروبــهباخلاص من قلبه ولـو عـاش ويـلات

دارٍ بـلـيـا رجـــال تـصـبــح نـهـوبــهللاجنبي مهمـا اشتغـل بـاي شغـلات

[العصفور]

شكرا لإمتاعنا بإبداعك
لاهنت
تحياتي

[فارس القوافي]

هلا ابو عبدالله

اي بالله صدقت


صح لسانك


لاهنت


كثر لنا من هالنوعية


يعطيك العافية


دمت بخير

[زهرة اللوتس]

صح لسانك وفكرك
لاهنت
لها عوده تليق بها

[عبير الورد]

لابـد مـا نصحـى ونعلـن لتوبـه
ونعرف حقوق الدار عن وعي باثبات


ايه بس متى ...






صح لساااانك ملايين
سلمت وسلم منطوفك الجزل
ربي يعطيك العافية

[حوريه]

دارٍ بليـا رجـال تصبـح نهـوبـه
للاجنبي مهما اشتغل بـاي شغـلات

صح لسانك ودام عزك
قصيده جميله ومن
شاعر متمكن
دمت ودااااااام عزك

[منيع]

اجدت وفي الصميم
والحديث ذو شجون
شكرا لكم
تحياتي

[بيدي رسنها]

..... صح السانك مليووووون ومايسدون ...
ابداع من رايد الابداع ... وجزاله من شاعر الجزاله تثني له .. اهنيك على هذا النص وبيض الله وجهك ياالمهاجر ... قصيدتك ذكرتني في قصيدة سمو سيدي الامير خالد الفيصل اللي يقول :
حنا العرب يامدعين العروبه .... وحنا اهل التوحيد وانتم له اجناب ..
وحنا شروق المجد وانتم غروبه ... وحنا اهل التاريخ وانتم به اغراب ..
. تحياتي

[عبدالكريم اليوسف]

لابـد مـا نصحـى ونعلـن لتوبـه

ونعرف حقوق الدار عن وعي باثبات

صح لسانك
جزله من راس جزل
لا عدمناك

[الخنساء]

المشاركة الأصلية كتبت بواسطة الطائر المهاجر

هذي كاتبه من حوالي الشهر ثم انشغلت بالمنتدى وقلت اليوم لازم اكملها وانشرها
لأن ماهي العاده اني اقعد شهر دون ما انشر شي

صح لسانك مليووون

قصيدة جزلة من شاعر متمكن

سلمت ودام حرفك