يالله عسى خير .. نديم والطير اللي ماهاجر..

الليله البيت خالي والمعزب زعول = الظاهر إن الجماعه كلهم طارشين
ماغير أنا والمعزب شايلين الحمول= يالله عسا خير وين أهل البلد رايحين

[الطائر المهاجر]

المشاركة الأصلية كتبت بواسطة ناصر القزلان

الليله البيت خالي والمعزب زعول = الظاهر إن الجماعه كلهم طارشين
ماغير أنا والمعزب شايلين الحمول= يالله عسا خير وين أهل البلد رايحين

الناس هجوا فحر الجو شوفك يطول = ما يقدره غير صلب الراس مابه ملين
وإلا وحيد محدود لو يبي ما يطول = مربوط باوتاد شايل خيمه او خيمتين

ياليتنا ياطويل العمر فوق الذلول = نمشي مع البر ماندري عن الضايعين
الله حسيبي على جماز وش عاد أقول = لابارك الله باللي فقـّـــر المسلمين

[الطائر المهاجر]

السطح بارد وتلقى به نسيم يهول = والأمن طيّب ولا لك في السفر لو بدين
كم واحد قال ليتي لحظةٍ من ذهول= يازين دارك فلا تبعد ولو خطوتين

يقولها الحافي اللي مابرجله نعول = ياليتنا من سهوم الماشيه سالمين
مطارك السطح والرحلة بدت بالوصول = يازين فرقا السطوح وشوفة الطايحين

[الطائر المهاجر]

لفيت كل البلاد بعرضها قبل طول = وفي الذاكرة فيلم ما يخلص ولو بعد حين
وتوي اكتشفت اني بفعلي مهبول = الارض زينه وسطح البيت عن رحلتين

الماء اليا من ركد مابيه حتى غسول = سبع الفوايد تراها بالسفر ياذهين
من لايسافر نعده من حساب الخبول = غير هدومك ولا تقعد مع الخايبين

[الطائر المهاجر]

سافر بروحك مدامك ما تبي للحلول = للعود حكمه فلاهو في طريقك يعين
لبنان زينه براد وكل شئ معقول = صبح عليهم بعد مالناس جو خايفين

مادام رايك كذا يالله نزور الرسول = في مسجد المصطفى تحط لك ركعتين
ونمر مكه وجده ياعريب الأصول = خلك من المنتدى والشعر لو ليلتين

[عبدالله الشويمان]

يا سلام يا سلام

حوار جداً رائع وهادف الى ابعد الحدود.

الله يقويكم ويعافيكم.

دمتم بخير