الميدان ياحميدان ...

[الطائر المهاجر]

في المحاور ولو شفت قبيلك سموح = البعض يحترق من كلمتك فاحترص
ولو عرفك البعض من طيبتك بالمزوح= خلك عنك الميانه قبل ما تنقرص

[نجم الإبداع]

خير ياصاحب الحكمه علامك تنوح = وش حصل قول هات العلم من دون قص
من هو الي يدور للنكد والجروح = بين العلم يادكتور جاني الخرص

[الطائر المهاجر]

افلح افلح فلاح وخل عنك الفلوح = ولا تحاول تصيد في الشعر للفرص
تعرف اني طوال الوقت معكم نصوح = ولا ابي ما يثير الكدر والنغص

صحت السنتكم

جميعا


متابع

على القوه

[الطائر المهاجر]

هلا بك اخي مركد الجن
حنا نؤمن بالعمل الجماعي ، فتوكل على الله وطب ، والميدان يتسع للجميع ،
فالمحاورة المكتوبة تختلف عن الإلقاء التلقائي والصفوف متقابله ..

ياسلامي عليكم شفت برق ٍ يلوح = بارقه يخلف الرصاص يهدم مرص
الليالي ترى ماهي بدايم فروح = يوم تفرح ويوم احزان لو تنتغص

تحياتي للجميع

وانا استاذنكم

عندي دوام الصباح وبنام

تصبحون على خير

آه من صدري اللي فيه شي يفوح = كني الذيب يومنه دخل بالقفص
المراجل صعيبه والعذارى تنوح= والليالي طويله والطريق انتقص

[الطائر المهاجر]

ليش صدرك مثل ماقلت هات الشروح = وش حدا ما بدا بك ليش صابك مغص
سنة الله في خلقه غزو او فتوح = وسنة الله موت بالسرير او قصص

المشاركة الأصلية كتبت بواسطة المشرف العام

في المحاور ولو شفت قبيلك سموح = البعض يحترق من كلمتك فاحترص
ولو عرفك البعض من طيبتك بالمزوح= خلك عنك الميانه قبل ما تنقرص

من بغى الدح ماقال اح ياشيخ روح = لاتحط الرقيب ولا تجيب المقص
كلها للتسالي مابها ضرب لوح = والغنم فيه نجديه وفيها الحبص

المشاركة الأصلية كتبت بواسطة المشرف العام

ليش صدرك مثل ماقلت هات الشروح = وش حدا ما بدا بك ليش صابك مغص
سنة الله في خلقه غزو او فتوح = وسنة الله موت بالسرير او قصص

صابني سهم عين اللي بعينه ذبوح = خدها من بياضه كن فيها برص
والشفايف عليها ورد ريحه يفوح = سلموا لي عليها كان قلبي قمص