حبيبي اللي غاب و ابطى عليّه ،، صوتية

[داعي الشوق]

( للاستماع )





( رابط التحميل )

http://up.fatahilah.com/up//download...3527ff7d5c.mp3

عيني على شوف الحبايب شقـيـّه = و القلب من فرقا حبيبى يعاني
حبيبى اللى غاب و أبطى عليّه = ياليت يدرى بغيبته ويش جاني
نسى جروحٍ فى فؤادى طريه = زوّد على جرح الهوى جرح ثاني
حبيبي اللى كان منـّي و ليه = حبيبى اللي فيه لطف و حناني
اللي شبيه الريم و إسمه سِميه = اللى بوسط القلب جاله مكاني
وش غيّر المزيون طبعه كذيه = ما قد خبرت الزين قاسي وجاني
عزي لقلبٍ فيه مليون كيه = والجوف تصلا به لواهب ضياني
ما عاد أميّز بين صبح و عشيه = حتى الزمان أجهل مسار الزماني
ولا عاد لي روحه ولا عاد جيه = أعاني الساعات وأحسب ثواني
تسرح بي الأفكار و آخذ شويه = و اشوف نفسي فالخبَر رحت كانِ
يا من يوصـــلّ له رساله نديه = فيها العتب يبدا بصيغة بياني
ايضا طلب وايضاح ويش القضيه = منهو بدا واللى بري ومداني
يكسب جزا المعروف والأجر فيه = و يجيب رد اللى بحبه بلاني

[نفحات حساسة]

ااااااااااااااااالله
يعطيك العافيه,,قصيده رائعه
والقاء اروع..صح السان قايلها
وتسلم اخوى..

[نفحات حساسة]

يعطيك العافيه اخوى..سعود..
وصح السانك مليوون ولا يكفون..والسموحه
سلمت وسلمت يمينك..
تحياتى وتقديرى لك..

[الطامي]

داعي
رائعة جدا
شكرا لك

[داعي الشوق]

المشاركة الأصلية كتبت بواسطة نفحات حساسة

ااااااااااااااااالله
يعطيك العافيه,,قصيده رائعه
والقاء اروع..صح السان قايلها
وتسلم اخوى..

يعطيك العافية على المرور الجميل

و صح لسانك

،،،،،،،،،،،،،

[نجم الإبداع]

شكرا على الشيله الجميله

لاهنت

[داعي الشوق]

المشاركة الأصلية كتبت بواسطة الطامي

داعي
رائعة جدا
شكرا لك

صح بدنك يالطامي

مع الشكر لك

،،،،،،،،،،،،

[حوريه]

ما شاء الله منت سهل ياداعي وينك من زمان

جميله جدا

يسلم شاعرها

وتسلم راعية الصوت

دمت ودام ووجودك

[داعي الشوق]

المشاركة الأصلية كتبت بواسطة نفحات حساسة

يعطيك العافيه اخوى..سعود..
وصح السانك مليوون ولا يكفون..والسموحه
سلمت وسلمت يمينك..
تحياتى وتقديرى لك..

هلا بك يا نفحات مرة ثانية

لك الف شكر مع التقدير

و صح بدنك

،،،،،،،

[ام العمده]

الله الله

صح لسانك ولسانها

رائعه

تحياتي