السلام عليكم ورحمة الله وبركاته
اخواني وخواتي في هذا الصرح الشامخ وزواره الكرام
اسعد الله وقاتكم بكل خير
الغياب عن مثل هذا الموقع من سلبياتي ولكن العذر يا النشاما
هذه ابيات متواضعه في الشيخ سعود الماطر
يشرفني مروركم وطلاعكم ودمتم سالمين
ياسعود مايصبر على الطيب يـا سعـود=يـاكـود مــن مثـلـك وطيـبـك وشــرواك
وياسعـود لاعـدو هــل الطـيـب مـعـدود=الله عـطــاك وتـفـعـل الـطـيـب يـمـنــاك
وياسعـود لـك بالمـدح توثيـق وشهـود=كــم شـاعـرن قبـلـي قصـيـده تـنـصـاك
فيـك الكـرم والطيـب والـمـدح والـجـود=لوجيـت عــدد مـقـدر احـصـي مـزايـاك
وان عــودة للـشـر نــارن عـلـى عـــود=مـاهــو مـعـيـن خـيــر رجـــلاً تـحــداك
مـثـل الجـبـل تـرسـي الياهـبـت الـنــود=عـواصــف الـدنـيـاء عـسـاهـا تــعــداك
وان عــودة لــذود فـنـتـم هـــل الـــذود=وضـحـن تـشــرف والقبـيـلـه مـسـمـاك
وضحـن لهـن فـي مرتـع العـز مـفـرود=مـثــل الـبــرد منـقـيـة الابـــل تــزهــاك
مثـل المـزون اللـي بهـا بـرق ورعــود=المـزن شـرق عصـر و الشمـس مـنـاك
حليـبـهـن يـشـفـي عـنــا كـــل مـلـهـود=يـاروغـة الوضـحـا حـلاحـيـل مـحــلاك
لـعــل ميـشـوفـك نـظــر كـــل حـاســود=حتـى بوجـه الارض مايـشـوف مـطـاك
وياسعود مايصبر على الطيب يا سعود=يـاكـود مــن مثـلـك وطيـبـك وشــرواك
حاولت لخـص واختصـر وطلـب الـزود=عـزا لله إنــي مجتـهـد وطـلـب رضــاك