"والفكرة التي تدور في راسي من طرى هالموضوع اني استقدم سواقة يالله من فضلك
على الاقل حرمه زيي ارتاح معها شوي واذا رحت لمشوار ادخلها معي وتساعدني على عيالي وان رجعنا للبيت دخلت ونامت مع الشغالة واذا ما صار عندها مشاوير ساعدت الخدامة في البيت (وحدة استغلالية صحيح)"
فكرة ممتازة انا معها ، بس بشرط يكون عندها الحزام الأسود في الكاراتيه ، وتقبل تشتغل سواقة وشغالة
في نفس الوقت ، ويكون سنها قد جاوز الخمسين ..
في مرة من المرات ونا في امريكا رحت لمحطة البنزين ، حيث فيها ورشة ايضا لإصلاح الميكانيكا والكهرب
وقلت للمسؤول في سيارتي مشكلة ابي لو سمحت من يشوفها ، اشر لي على واحد بعيد قال رح له تراه ميكانيكي طيب ، وصلت له وكان ملقيني ظهره ، طول وعرض ، ومعه يدين من قوتهن ما يحتاج يستخدم
مفاتيح ، ناديته : يالاخو: يوم دار وجهه ، وإلا هالحرمة الهامة ، اللي تروع ، ابد وجه رجال مقعد ، بس مافيه شعر
ويوم تكلمت واثاريها حرمه ، المهم قالت جب السيارة ، وبالفعل رحت وقربتها لها ، يوم ناظرت ، قالت الموضوع
بسيط رح صلحه أنت ، لأني ماعندي وقت اضيعه في شئ بسيط مثل هذا .. وحرام اني آخذ منك منك تكاليف
يمكن انت تحتاجها أكثر مني ، وطبعا معها حق لابس جنز قديم ، والشنطة اللي احط فيها كتبي مثل الخيشة انسفها على كتفي ، وشكلي من الهنود الحمر .. واخذت سيارتي ورحت وشريت كتاب لإصلاحها ، وقريته وصلحتها ..
موضوع مهم لكن يحتاج من يناقش بعقلية ناضجة دون عواطف
شكرا لك
تحياتي الطيبة