طرح جميل أختي إحساس إنثى
وقد أستمتعت من خلال قرآتي لردود الإخوه والأخوات
ومن وجهت نظري الشخصيه أعتقد بأن الزواج خلال إكمال الدراسه لا يضر الفتاه كما يصور البعض ويبالغ ويخلق مشكله
ولا أدري هل فعلاً إذا دخل الرجل بيته ووجد زوجته ( تدرس ) يغضب لأنها تدرس ؟
نفرض بأنها تقرأ كتاب ( أو مجله ) يعني بيزعل ؟؟
معليش بس الزواج ستر للبنت ولـ الرجل معاً والدراسه لا تقف حاجزاً بين الرجل والمرأه في متابعة الحياه
----------------
بالنسبه لـ رد أختي شموخ سدير :
بصراحه قرأت ردك أكثر من مره
اقتباس:
|
يعني وش بتستفيد اذا تزوجت ؟؟؟؟؟؟؟؟؟؟
|
الزواج ستر للبنت وأهلها + وإستمراريه للحياه وتكوين أسره
اقتباس:
|
1 _ غثا الزوج ( غسيل + كوي + طبخ + تنظيف البيت )
|
ماشاء الله ناويه تدخلين وحده غريبه على زوجك من قبل العرس ؟؟ !!
أنا أعتقد بأن الزوجه عليها واجب الإهتمام بزوجها من جميع النواحي كما لها الحق في إهتمام زوجها بها
وإذا كانت أمي وأمك منغثات ليش ما أنتحروا للحين ؟؟
معليش بس ترى الغثا إلي تقولين عنه مو غسيل أو كوي أو حتى طبخ وأنا أخوك
الغثا إنك تشوفين زوجك مع غيرك
الغثا إنك تكرهين نفسك لتصرف غبي مع زوجك
ترى الزواج أخذ وعطى مو أخذ وبس
اقتباس:
|
2_ مبزره حتى ولو واحد بيطلع عيونها
|
حلو وبعد الدراسه ما راح تطلع عيونها ( ترى طلعت العيون مفروغ منها وأنا أخوك ) هههههههههههههههههه
اقتباس:
3_ دورية اهل زوجها
4_ دورية اصدقاء زوجها
|
ودوريات أهل الزوجه وينها ؟؟؟
عاد المصيبه إذا أخواتها كثار وكل أسبوع عند وحده
والأدهى والأمر إن كل وحده في أخر الشرق أو الغرب أو الجنوب ( ( يعني متبعثرين في أرجاء المعموره ) )
يعني النقطتين إلي ذكرتيها ( معليش الوضع واحد )
اقتباس:
والمشكله اذا كان زوجها دعله وبيها تطبخ له وتزين من هالحلويات
بالله هذي كيف تذاكر ؟؟؟؟
|
ألحين دعله إلي ياكل من يد زوجته ؟؟؟؟
من جد الوضع مدحدر
ترى الطبخ والحلى إلي مهولته ماياخذ من وقتها ولا نص ساعه يعني على سبيل المثال لا الحصر
كيك العلالي بنكهة البردقان كم ياخذ معك ؟؟ 10 دقايق بالكثير ( ركزوا على البردقان ) هههههههههههه
أما كيف تدرس ( مدري الزوج إذا طلع للعمل زوجته وش تسوي من الساعه 8 حتى 2 ونص ) ؟؟
طيب إذا نام العصر ؟؟
يعني فيه وقت وحتى لو شاف زوجته تذاكر يحاول ما يشغلها ويشجعها
اقتباس:
وبعدين الدنيا مهيب طايره عشان تعرس على طول وبعدين الوحده اذا تخرجت من الجامعه
يصير عمرها 22 او 23 يعني هذا السن المناسب للزواج لانها في هذا العمر تعرف حقوقها زين
|
فعلاً مهيب طايره بس المفروض كلنا نستمتع بحياتنا وكل لحظه تمر بعمرنا لازم نعيشها بحلوها ومرها
وعلى طاري الحقوق ( مدري وش تقصدين فيها بصراحه ) بس إلي أعرفه إن الرجال مهما كان عمره لو خيروه بين وحده عمرها 19 ووحده عمرها 25 أختار أم 19 وهو مغمض .
اقتباس:
واللي تقول او يقول انه بيساعدها تكمل دراسه هذا كذب لان الرجال واحد يبون وحده تصير
مروقه عشان تداري خاطره وما اتوقع ان فيه وحده راجعه من الجامعه ومصدعه بتناظره على طول اصلا
وبدون تفكير و من زود هدة الحيل تدور السرير
|
ههههههههههههه
مشكله إلي نظرتها سوداء على الرجال
بس عندي سؤال برئ شوي
ألحين البنت متى ترجع للبيت والزوج متى يرجع ؟
وقبل هذا وذاك ترى الكل أول ما يرجع من شغله يكون تعبان ويدور الفراش ( يعني النقطه هذي معليش عيدي النظر فيها )
اقتباس:
يسوي لها مشاكل وبعدين هي تسأله عن سبب المشاكل يقولها كلها من ذي الدراسه
ثمين تجي الوعود الزائفه انا ابيك ترتاحين وابي نسافر في اي وقت مايربطنا شي وبعطيك وبسوي
واذا الوحده سحبت الملف وتأكد انها في البيت خلاص ( هنا يعتبر نفسه انتصر عليها ) ودقمها في البيت
ونصيحه لكل وحده لا تتركين الدراسه عشان واحد ما يستاهل .........
|
أعذريني وأنا أخوك بس هالكلام لشخص مريض وأنا ما أقصدك لا بس أقصد إلي هذا تفكيره
اقتباس:
وانتبهي ::::::::::: لا تاخذين واحد الا انتم نفس الدرجه العلميه عشان ما يرفع خشمه عليك اذا كان اعلى
منك,,, ولا يحس انك اعلى منه اذا كنت اعلى منه,,, لان من هنا تبدأ اغلب المشاكل الزوجيه
|
ههههههههههه
سبحان الله العظيم ألحين إذا كان الرجال برفسور لازم الزوجه تكون برفسوره عشان يتزوجون ؟؟
الله لا يعاقبنا .
أما سالفة إن الزوجه أعلى من الرجال في المستوى العلمي أنا ما أشوف إن فيه مشكله أو حتى بداية مشكله
المشكله إلي تحذرين منها إختي شموخ هي تعالي الزوجه على زوجها وهنا مربط الفرس
أما إذا كانت أعلى منه في التعليم فالواجب عليها عدم تجريح ( زوجها أو إقلال من قيمته ) وعلى فكره وأنا أخوك ترى الدعوه زواج يعني إستقرار وتعاون بين الطرفين
وإذا كنتي مقتنعه بالكلام إلي كتبتيه فإسمحي لي أقول الله يعين زوجك ويوفقك بواحد بالمواصفات إلي ذكرتيها
تحياتي وإحترامي للجميع
أخوكم كماند