نجم)سلام من قبل بدع الهيض لاهل الطيب والذوق=سلام من قلب صافي كل يوم وكل ليله
نادو على ساهر الليله معي فكره وطاروق=طاروق غناه بن هذال والدنيا جميله
ساهر)يامرحبا اهلين يا شاعر بحمله هابط السوق = وده يشاهد عقود السوق ويراقب حصيله
لكن ماشاف له في السوق لاعودٌ ولا نوق =ولا عرف وين حبانه وربعه من عميله
لو حادي العيس ماسوّر عليها وثّق الطوق=لن كان نمر الفلا ماعلن على العالم رحيله
الوقت ياصاحبي خلا البشر سابق ومسبوق=لكن بعض العرب لامن مشى ضيع دليله
ساهر)يانجم كانك تبي حجه فخل الراس محلوق = والى دعاك المطوف خذ معك مالبن كيله
والى رجمت الجمار اعزم ولا تنحاش مشفوق =ماكل جمره ليا راجمتها تصبح قتيله
نجم)اللي لبس له حرام وحج ياكل حب برقوق=ياكل مع البدو الاقظ ولا ضمي يشرب عبيله
واللي يبا الكحل نكحل له عيونه قول موثوق=والبحر ماهمه الوادي ومن حوله خميله
ساهر)يا صاحبي بين حجاج العرب وصفات وفروق =ماكل من حج تلقى في منى جنبه خليله
ماعد ندور يكون المغفره والقلب محروق=مدري متى يبرق البارق ونروى من هميله
نجم)ياصاحبي ناظر اهل الشام مع سمعه ومرزوق=وكل قاتل قتل ماهوب داري عن قتيله
قامت فتن فوق الارض وصار حال الناس مشفوق=والله حمانا بالامن وصاننا في كل ميله