..............
مقساك يا وقت الجفا والقطاعه = وعلى العنا والصبر ياقلب مقواك
تمسي على حبل الرجا وانقطاعه = وتصبح على وقت غدابك وعناك
ضرف الدقيقه كنها اتمر ساعه = وعقرب ثوانيها على ضيم شكواك
يازين خاف الله بقلبي وراعه = حلمك على قلب يحبك ويهواك
يمك يزيد من الوله واندفاعه = لولا ضلوعي كان من لهفتي جاك
اسهر مع اطيافك بفن وبراعه = واعيش حلم ما حلمت به لولاك
شف حالتي ماعاد بي استطاعه = لجل الغلا الله بالخير يجزاك
وقتي تحداني ولا لي شفاعه = من وين ماوجهت منا ومناك
الروح لك تنقاد سمع وطاعه = زعلك يزعلني ويرضيني رضاك
يانور هذا الكون ومصدر شعاعه = ان كنت ناسيني انا مقدر انساك
^^^^^^^^
^^^^^